Нуви сӑңхум вошн вәмємӑн, нємасыя район администрация хота яңхсум па шуши мир хӑннєхуятӑт пиа рәпитты кәща хә Александр Романович Войтехович пиа вәйтантыйсум па сыр-сыр айкеӑт щи хӑннєхә эвӑт уша павӑтсум. Мос лупты, хуты тӑм хә сельской хозяйства, природопользования па шуши мир вєрӑт эщӑтты тӑхийн Нуви сӑңхум район уватн кәщая рәпит. Муй арат хӑнты, вухаь па юрн ыв хущеа тӑм юхи хӑщум оӑтн вә, муйсӑр рәпатайт тӑйӑт па хуты ин вәупсы щира мӑнӑт, ма ўве иньщӑссєм.