Вән кєр тыӆӑщн 30-мит хӑтӆӑн Россия ӆуваттыйн постум Увӑс мирев мӑӊхӑтӆ Ёмвошн мєт оӆӑӊ пўш вєрӑнтса. Тӑм йиӆуп мӑӊхӑтӆ президент Владимир Путин нумӑсн постӑсы.

мӑӊхӑтӆ «Россия» национальной центр хуща вәс, хута хӑтӆ мӑр сыр-сыр ванӆтупсэт, мастер-классӑт па вәйтантупсэт вєрӑнтсайт. мӑӊхӑтӆа арсыр мирев юхӑтсӑт, щит увӑс хуятӑт, сыр-сыр мир пиӆа рәпитты ёх, вәнӆтыйӆты айӆат ёхӆўв, йис пурмӑсӑт вєрты вєрӑӊ хуятӑт па округн вәӆты арсыр хӑннєхуятӑт. Югра хуща увӑс мирева әмӑщ вәс щи мӑӊхӑтӆӑн вәӆты, хута хӑнтэт, вухаӆь ёх па нюхсӑӊ юрнӑт иха ӑкумсӑт па йис вєрӑт оӆӑӊӑн путрӑт мӑнсӑт.

Ищи хӑтӆ Югорской государственной университет хуща вәнӆтыйӆты хӑнты па вухаӆь айӆат мирев иха ӑктыйӆсайт, щи ӑктупсы нємӆ «I Региональный слёт студентов обско-угорских народов».  Щи айӆат мирев ар тӑхетн колледжӑтн, вән нєпекӑт ёша павӑтты тӑхетн вәнӆтыйӆӆӑт. Щи мирев хуӆыева и щир вєр тӑйӆӑт, ӆыв рәт ясӑӊ оӆӑӊӑн, йис вєрӑт оӆӑӊӑн путӑртсӑт, муй вўрн и хотӑӊ ёх йисн вәсӑт, муйсӑр нумӑс тӑйсӑт, муйсӑр вєрӑт вәӆупсы тўӊа мӑнты пӑта вєрӑнтсӑт.

Вәнӆтыйӆты айӆат ёх ӑктупсы хуща оӆӑӊ ясӑӊ Увӑс мирӑт вәӆупсы ӆавӑӆты нє Людмила Алфёрова тӑйс, ӆўв юхтум мирева м вўща ясӑӊ китӑс па тӑм йиӆуп мӑӊхӑтӆ вєрум оӆӑӊӑн путӑртӑс.

− Мўӊ мирев пӑта − щит вән мӑӊхӑтӆ. Тӑмхӑтӆ мўӊ па щи иса мирӑта ванӆтӑӆўв мўӊ ӆыӆӑӊа ма вәӆтэв вєрев, мўӊ мирев пӑта, мўӊ рәт ясӊев пӑта, йис вєрӑт тӑмхӑтӆ вәнта шавиман тӑйты пӑта ар вєр вєрӆўв. Па ма м ясӑӊ лупты вўтьщӑӆум щи ёха, мӑта хуятӑт щи вєрӑта ар ӛр, ар щом пунӆӑт па каркама рәпитӆӑт, − путӑртӑс Людмила Александровна. Щӑӆта па ӆўв лупты щирӑӆн, Югра хуща рәт ясӑӊӆўв ӆыӆӑӊа тӑйты пӑта па йис вєрӆўв тӑмхӑтӆ вәнта шавиман тӑйты пӑта вєра ар хурасуп проектӑт тӑйӆўв. Тәняӆ оӆ вухаӆь мирев ясӑӊӑн путӑртты карты щўӊкӑт пўншсайт, ин па хӑнты ясӑӊ тӑйты мирев хӑнты ясӑӊӑн путӑртты щўӊкӑт пиӆа рәпитӆӑт. Па лупты мосӆ, вухаӆь ясӑӊ − щит увӑс мирев кўтн карты щўӊкӑта, Яндекс-переводчик вєрум мєт оӆӑӊ ясӑӊ. Людмила Алфёрова путӑрн, тӑм вәнӆтыйӆты айӆат ёх вәйтантупсы − щит вєра мосты ӑктупсы. Кашӑӊ мир кўтн айӆат хуятӑт рәт ясӊеӆ пєӆа ки кєрӆӑӆӑт, щирн тәп ясӑӊ ӆыӆӑӊа хӑтьӆ, айӆат ёх йис вєрӑта ки кєрӆӑӆӑт, щирн тәп йис вєрӆўв ӆыӆӑӊа хӑтьӆӑт.

Увӑс мирева мєт әмӑщ вәс, хән «Россия» национальной центр хуща вәйтантупсыя Югра кәща Руслан Кухарук юхтыӆӑс, ӆўв мир ещаӆт м вўща ясӑӊ лупӑс па арсыр вєрӑт оӆӑӊӑн путӑртӑс. Ӆўв ясӊӑӆн, увӑс мирев пӑта тӑмӑщ вєрум йиӆуп мӑӊхӑтӆ па мирӑта па мосӆ.

− Тӑм мӑӊхӑтӆ мўӊ пиӆэва иса пўш вәс. Иса пўш и нартуп ёх йиӆпа єнумты айӆат хуятӑта ӆыв йис вєрӆаӆ, нумӑсӆаӆ еӆӆы памӑтсӑт. Щитӑт ӛрн щи мўӊ тӑмхӑтӆ вәӆупсэв еӆӆы мӑнӆ па щи ӛрн мўӊ еӆӆы вәӆӆўв, − путӑртӑс Руслан Кухарук.

Ӆўв ясӊӑӆн, округев хуща увӑс мирева нётты пӑта вєра ар вєр вєрӆа. Югра хуща увӑс мирев пӑта вєрты поступсэт иха ки ӆўӊӑтты, щирн мўӊева кӑӆ, мўӊ увӑс мирев пӑта 70 поступсы хӑншман тӑйӆўв. Ӆыв хуӆыева увӑс мирева нётты пӑта хӑншман вәӆӆӑт, ӆыв вой-хўӆ веӆпӑс вєрӑт тўӊа мӑнты пӑта, ӆыв йис нумсуп вєрӑт така тӑйты пӑта па ӆыв рәт ясӊеӆ ӆыӆӑӊа хӑщуптӑты пӑта. Щӑӆта па Руслан Кухарук ясӑӊӑн, вәӆупсы ма ӆэщӑтты пӑта па и мосты вєр − щит и пӑсанӑн омӑсман ушӑӊ щира путӑртты, и пӑсан пєлӑкн − щит кәщайт, кимӑт пєлӑкн – щит увӑс мирев. Тәп иха пиӆтӑщман ушӑӊа йиӆ, мӑта вєрӆўв ӑн тывӆӑт, муй еӆӆы вєрты, муй тӑхетн мира нётты, муйсӑр мосты вєрӑт мухты нємӑсыя пищ вәӆ увӑс мирев йис вәӆупсы тӑмхӑтӆ вўша ӆыӆӑӊа тӑйты.

мӑӊхӑтӆ пўншум артӑн ар хуятэв иса пўш мирев ӆавӆӑсман тӑйты сӑм нумсуп вєрӑт оӆӑӊӑн путӑртсӑт, рәт ясӑӊ ӆыӆӑӊа тӑйты оӆӑӊӑн па путӑртсӑт, муй вўрн айӆат мирева увӑс мирев нумсӑт, ясӊӑт, вєрӑт катӆуптӑты.

Российской Федерация сенатор хӑнты хә Александр Новьюхов ищи м вўща ясӑӊ тӑйс па мир ещаӆт путӑртӑс. Ӆўв ясӊӑӆн, иса пўш йистєӆн кан мўвеӆн вәӆты мирев мўвеӆ-йиӊкеӆ мєт ма вәӆэӆ, щи мўвӑт оӆӑӊӑн ар нумӑс похӆа ӑкӑтсӑт, па щи нумсӑт вана тӑйман ӆыв вәӆупсэӆ еӆӆы щи ушӑӊ щира мӑнӆ. Тӑмӑщ нумсӑӊ вәӆупсы рўщ наука щирн − щит культурной кода вәӆ. Сенатор хәев лупты ясӑӊӑн, щимӑщ код увӑс мирев тӑмхӑтӆ вәнта тӑйӆэӆ па йиӆпа єнумты няврємӑта еӆӆы памӑтӆӑт.

Ӑктупсы хуӆам пийн араӆ пєлӑк мирев, мӑта ёх йис вәӆупсы па рәт ясӑӊ така тӑйты пӑта тарма рәпитсӑт ишӑк нєпекӑтн мойӆӑсыйт. Щӑӆта па етн оӆӑӊӑн ариты-якты хӑр вєрӑнтса.

Щиты щи мєт оӆӑӊ пўш вєрум Россия ӆувӑттыйн сащты увӑс мирев пӑта вєрум вән мӑӊхӑтӆ мӑнӑс. Тӑмхӑтӆ мирев па и пўш йис ёхӆаӆ па йис вєрӑт нәмӑӆмӑсӑт.

Пётр Молданов

Яныгпль тпос 30 хталт Россият лнэ мнь лӯим мирыт ялпыӈ хталыг лы. Ты тл ты тла выл щёс врыглавес. Мн Россия Презедентув лвыс, тамле янытлан хтал ксыӈ тл врыглаӈкве. 
Тувыл ты тл Югра мт лнэ сосса мирыт янытлавсыт. Тн пуссын Национальный центр «Россия» нампа колн вввсыт. Тув ханищтахтын мньлат гит ос пыгыт, культура колт рӯпитан хтпат, мащтыр мхумыт акван-атыглавсыт. 
Хтал палыт свсыр пӯмащ врмалит лсыт. Мӯй хтпат мньщи, ханты ос рн хтпат пс йис тлат ханьщуӈкве патсыт. Тот щнь-щ лтӈыл потыртасыт, щй айсыт, тувыл пс сосса мхум ргит хӯнтласыт. Мхумыт щар пӯмащиг ктыл щаквщуӈкв ксаласыт, ос сӈквылтапыл сӈквылтаӈкв. 
Аквта хтал ЮГУ колт выл щёс ханты ос мньщи ханищтахтан хтпат мгыс хнтхатыглан врмаль  «Студенчество. Традиции. Семья» лыс. Тув Югра мт ханищтахтан мньлат хтпат ахталасыт. Тот мньлат мхумыт щнь-щ лтӈыт урыл потыртасыт. Тувыл пс йис врмалит лаль тотнэ урыл лтыӈ лвсыт. 
Югра мт лнэ мнь лӯим мирыт ӯргалан н Людмила Алфёрова лвыс, ты лильпи ялпыӈ хтал сосса мхумыт мгыс сака рнэ тла.
- Тыхтал тай ти нас ялпыӈ хотал.  Тыт рви потыртаӈкве, маныр мн мирув ӯрлаган мгыс врв. 
Людмила Алфёрова лвыс, Югра мт маныр вргыт лтыӈ лаль ттнэ мгыс. Юи-выл тлт мньщи лтыӈ ищхӣпыӈ утын врвес. Ань ханты лтыӈ аквтащир ищхӣпыӈ утын пинаве ос враве. Мньщи лтыӈ мнь лӯим мирыт халт ищхӣпыӈ толмащлан ут ньщи, тав «Яндекс-переводчик» нампа утыт лы. 
Округ кӯщай хум Руслан Кухарук тащир лвыс:
- Ты янытлан хтал мн ётув акваг лыс. Пс йис тланув, культуранув пуссын лаль мт акврт мхумын вус тотавет. 
Тувыл округ кӯщай хум лвыс, Югра мт мощщаг хультум сосса мирыт  мгыс 70 арыгкем нтмил нормативный нпакыт лгыт. Тай 11 округ скконыт ос 34 нтмил лы. Тувыл щнь лтӈыт, хӯл алыщлан врмаль, враян врмаль ёмащакве уральтым ньщаве. 
Ӣтиплаг мхумыт янытлавсыт, мӯйлупсал майвсыт.

Пётр Молданов хансум потыр мньщи лтӈыг Галина Дунаева толмащластэ