№ 10 (3502) - 2018

Вән кєр тыӑщ 30-мит хӑтӑн хӑнты мир вән учёной, социологической наукайт доктор хә Терентий Герасимович Харамзин 80 оа йис.

Ешайн вәнтыйты пура сухӑн па айат ёх экзаменӑт мӑты питӑт. Яртъяң класс етшуптӑты хуятӑт Ас нопӑтты тыӑщ 25-мит хӑт вўш эвӑт лыпӑт тыӑщ 29-мит хӑт вәнты щит мӑӑт, ихущъяң класс юпийн Ас нопӑтты тыӑщ 28-мит хӑт вўш эвӑт вәщ тыӑщ 2-мит хӑт вәнты щит вєры. Хуйтат щи пурайн экзамен мӑты ӑн аємӑӑт, муй ушӑңа хӑншты кәс ӑн тӑйӑт, ывеа лыпӑт хойты тыӑщ 4-15-мит хӑтӑтн (ихущъяң классӑта), лыпӑт хойты тыӑщ 4-22-мит хӑтӑтн (яртъяң классӑта) мӑты рӑх.

Ас нопӑтты тыӑщ 18-мит хӑтӑн Юграйн хәтхущъяңмит пўш «Спасти и сохранить» нємуп Мўвтє экологической вєр па кинайт вантӑты хӑр пўншсы. Щит питты епийн Служба по контролю и надзору в сфере охраны окружающей среды нємуп тӑхи кәща Сергей Пикунов айке ӑкӑтты ёха путӑртӑс, муйсӑр вєрӑт щи хӑтӑтн питӑт. ўв ясңӑ щирн, тӑм он щи вєр «Чистота планеты начинается с тебя» щирн аьщӑы.

Ёмвошн Мира нємуп вош хулыйн 52 А хотн вуаң учёной ими Евдокия Ивановна Ромбандеева нәмты кєша нємӑң сох вєрса.

Ёмвош округ оса вєрӑт тәты департамент кәща ӑңкар нє Галина Липатова рәт ясңӑт нўша вєрӑт әхтыйн мирхота ёх ӑктыйсӑэ. ыв нух вантсэ, муй вўрн рәт ясңӑт еы тәты щира 2018-2020-мит оӑтн рәпитты мос. Муйсӑр авӑрт суртӑт ясӑң вәнтӑты вєрн вәӑт.

Тӑм вєр 2018-мит он тәнуп тыӑщ 21-мит хӑт вўш эвӑт па вәйт ор тыӑщ 9-мит хӑт вәнты мӑнты пит.

Ас нопӑтты тыӑщ 10-митн «Югра» нємпи айкеӑт ӑкӑтты хотн вәйтантупсы вәс. Щив «Победа» нємпи катра машинайтн яңхум ёх юхтыйсӑт, щит Н. Заболотнев, А. Прохоренко па А. Сафронова. Мос лупты, ыв вән кєр тыӑщ 17-митн Нижневартовск вош эвӑт «Победа» машинайтн мӑнсӑт, Ас нопӑтты тыӑщ 9-митн Ёмвоша кєрӑсӑт па Вуаң Победа емӑңхӑт постӑсӑт.

Вән кєр тыӑщ 27-митн «Новости Югры» округ газета редакцияйн «Югра многовековая» нємпи киника єтӑс. Щӑта айкеӑт хӑншты ёх Югра мўв йис пура вўш эвӑт тӑм пура вәнты вәупсы оӑңӑн путрӑт хӑншман вәӑт. Щирн щӑта «Новости Югры» газета кәща В. Меркушев, «Сургутская трибуна» газетайн па «Старый Сургут» тӑхийн рәпитты нє А. Давыдова па округ оса тӑхет кәща ӑңкӑр хә К. Репин пиа вәйтантупсы вәс.

Ас нопӑтты тыӑщ 2-5-мит хӑтӑтн па хон пєлӑк Эстония мўв Тарту вошӑң университет хуща XXXIV-мит IFUSCO нємпи мўвтє мир айат финно-угрӑт научной мирхот вәс.

Вуаң Победа емӑңхӑт епийн мин «Хӑнты ясӑң» па «Луима сэрипос» газетайңӑнӑн рәпитты кӑтңӑн, щит Людмила Теткина па Людмила Спирякова, Ёмвош технолого-педагогической колледжӑн вәнтыйты ёх пиа вәйтантыйсумн. Щӑта айке тәсмӑн, муйсӑр киникайт Вуаң Победа емӑңхӑт пӑты эщӑтсыйт.

Вән кєр тыӑщн Ёмвошн Югорской государственной университет хуща А.А. Дунин-Горкавич нємпи XIV-мит научной мирхот вәс. Тӑм ўңтупсы увӑс мўв вәнтӑт, йиңкӑт оӑңӑн уша вєрты вуаң учёной хә А.А. Дунин-Горкавич сєма питум хӑт пӑты кашӑң о эщӑты.

Ай нопӑтты тыӑщ 9-мит хӑтӑн Россия мўвев мир Вуаң Отечественной аьн нух питум хӑт постӑсӑт. Щи хӑт вўш эвӑт 73 о мӑнӑс. Ёмвошн щи емӑңхӑта 13 щурӑскєм хуят ӑктӑщӑс. Вошӑң мир «Бессмертный полк» вєрн ая яңхум па аь пурайн тарма рәпитум ёх хурӑт тўвман ыӑң ӑня лыптӑт кев хураса пунсӑт.

Кашӑң о Вуаң ая яңхум ёх па аь пурайн рәпитум хуят шима йи. Шуши ай кәртӑтн аясум хуят интӑм, апа, иса ӑнтәм, щи артӑн па рәпитум и-кӑт хуят тәп хӑщӑс. Щи пурайн вәты мир авӑрт па шәк вәупсыйн партыйсыйт. ыв муй щирн вєритсӑт, щиты щи вәсӑт, рәпитсӑт, няврємӑт єнмӑсӑт. Интӑм няврєма, хиыа ыв оңен нәмӑмӑӑт па путӑртӑт.

Наталья Ахмадуллина йис Ас хӑнты Явров ёх рәт эвӑт. Хӑрщи эви Ас-угорской айат тӑхийн Нягань вош па Октябрьской район хўват кәщая вә. ўв «Югра ыңуптӑты» тӑхийн каркама арсыр суртӑт нёт вєрты. Ёмвош округ айат ёх эвӑт «Мы — Россияне» нємуп ута уңман вә. Щӑта Наталья Нягань вош 9-мит ӑшколайн няврємӑт физкультура вєра вәнтуман рәпит.

Ас нопӑтты тыӑщ 25-мит хӑтӑн 80-мит оа йис леккар нє Матрёна Никитична Рещикова (Савина). ўв Комудваны вухаь кәрт эвӑт, щит Микояновской (интум Октябрьской) районӑн Остяко-Вогульской округӑн вәс. Вәупсый оӑңӑн Матрёна Никитична «Хӑнты ясӑң» нєпека ай павтӑс.

Вән кєр тыӑщ 7-мит хӑтӑн Матрёна Панкратьевна Баландина (Вахрушева) 100 оа йис. Щи ими мєт оӑң вухаь учёноя вә, ўв айат ёх вәнтӑты па вухаь киникайт хӑншум хуят.

8-мит «Хӑнты ясӑң» нєпекӑн хӑншсум, хутысаты «ЛУКОЙЛ-Западная Сибирь» рәпатнекӑт шуши мира нётӑт. Тӑм хӑт щи тӑхийн рәпитты хә Константин Беляев щи вєр оӑңӑн еы ай павӑт.

Мӑнум газетайн ма филологической наукайт доктор, Россия уваттыйн заслуженной учёной, округев хуща почётной ими Евдокия Ромбандеева шәңӑт сєма питум хӑт вўш эвӑт 90 о постӑты вєр оӑңӑн хӑншсум. Интӑм еы ўв оңен айке тәум.

Вән кєр тыӑщ 27-мит хӑтӑн «Торум Маа» йис пурмӑсӑт ӑкӑтты па шавиты тӑхийн «Шуши мир ими әмӑтсух» нємпи вантупсы пўншсы. Тӑм әмӑщ вєр нємасыя эщӑтсы, вантэ, кашӑң увӑс ими әмӑтсух ванттыйн кӑ, муйсӑр кәрт муй юхан эвӑт тӑм имие вә.

Вән кєр тыӑщ 7-митн, Благовещение емӑңхӑтӑн хӑнты па вухаь мирңӑн Вурңа хӑт постӑӑт.

Сәрхан вош историко-культурной центр «Йис Сәрхан» тӑхийн шуши мир хӑннєхуятӑт кашӑң товийн «Вурңа хӑт» пориӑӑт. Константин Ефимович Сенгепов рәт щирн тӑйты мўвӑ эвӑт тӑм емӑңхӑта кашӑӊ товийн юхтыйӆ.