№ 5 (3545) - 2020

Рәт ясӊӑт мӑӊ­хӑтӆ пу­райн Ёмвошн киникайт ӆўӊӑтты хотн «Хӑнты мирєм арӑт» кини­ка єтум пӑта вәй­тантупсы вәс.

Тӑм йисн няврємӑт хӑнты ясӑӊ ӑн тӑйӆӑт – щит мўӊ мирев пӑта шєӊк вән нўша. Щиты ки еӆӆы питӆ, мўӊ рәт ясӊев вәт­шӑӆўв. Щирн тӑм пурайн хӑнты щирн арсыр нєпекӑт єсӑӆты мосӆ. Вантэ, мосӑӊ, хәнты ясӊев вәтшум пийн и нумсӑӊ хуят нєпекӑт эвӑӆт ясӊева йиӆуп вәӆупсы мойӆӑӆ.

«Югра мўв йис путрӑт» нємпи хурӑӊ-путрӑӊ кимит кӑсупсы сухнӑс. Тәнӆуп тыӆӑщ 21-митн рәт ясӑӊ мўвтєӆ мир мӑӊхӑтӆ пурайн Ёмвошн Мўв-Авӑт па Хӑннєхә нємпи катра пурмӑсӑт ӆавӑӆты хотн щи кӑсупсыя китум хурӑт эвӑӆт ванӆтупсы ӆэщӑтсы.

Тӑм оӆн округ 35 кәрт па вош эвӑӆт кӑтсоткєм 7-16 оӆ ӆуват няврємӑт хӑнты, вухаӆь, юрн ми­рӑт йис путрӑт ӆўӊӑтмеӆ пийн хурамӑӊ хурӑӊ-путрӑӊ хӑншсӑт. Хәнты щит вухаӆь нє Н. Ана­деева ӆэщӑтты оӆӊи­тӑс, щи пурайн ӆўв «Но­вости Югры» газе­тайн рәпитӑс. 

2012-мит оӆ вўш эвӑӆт «Торум Маа» нємпи йис пурмӑсӑт шавиты тӑхи ёх няврємӑт пӑта кӑсупсы вєрӑнтӆӑт. Сыры тәп Ёмвошӑӊ пушхиет щи кӑсупсыя рәпатайӆаӆ китты вєритсӑт. Ӛхӑтшӑк щи ут окружноя вєрсы, щирн интӑм округ иса вошӑт па кәртӑт эвӑӆт няврємӑт вєрум утӑт китты щир тӑйӆӑт. Тӑм оӆн ветмит пўш кӑсупсы вєрӆы.

Тыв иса няврємӑт, хӑнтэт ӆыв муй па мир эвӑӆт, вєрум пурмӑсӑт муй па хурӑт китты щир тӑйӆӑт. Ӆыв ванӆтӑӆӑт, муй нәмӑсӆӑт шуши ёх вәӆупсы оӆӑӊӑн. Кӑ­супсыйн щимӑщ номи­нацияйт вәӆӆӑт:

Тәнӆуп тыӆӑщ 17-мит хӑтӑӆн «Музей При­роды и Человека» хотн Ёмвошн арсыр мўвтєӆ мир хӑннєхуятӑт кўтн «Арктика мўв вәнӆ­тӑты щирӑт – 2020» вєр пўншсы. 

Мосӆ лупты, хуты тӑмӑщ вәнӆтӑ­­ты вєр ху­щи Великобри­тания па мўӊ Россия хон пєлкев эвӑӆт арат­тєӆн 30-кєм хӑннєхә рәпитӑс. Иха юхтум па наука щирн гидроло­гия, криосфера, атмос­фера, арсыр экосистема, социоло­гия па культура вєрӑт м­сыева ин уша павӑтты па тўӊщирӑӊа артаӆӑты хӑннєхуятӑт ӆыв кўтэӆн иха вәйтан­тыйӆсӑт па путрємӑсӑт.

Тәнӆуп тыӆӑщ 27-митн Ёмвошн округ дума мирхот вәс. Мирхот оӆӊитумн депутатӑт Китай мўвн тывум коронавирус мәш оӆӑӊӑн ай хәӆӑнтсӑт. Щи кӑши-мәш артаӆӑты оӆӑӊӑн округ кәща ӆӑӊкӑр хә В. Кольцов путӑртӑс. Ӆўв лупӑс, хутыса округевн щи вєр ӆэщӑтман вәӆ. Па депутатӑт инумса юхӑтсӑт, хуты еӆӆы дума мирхотн тӑм вєр оӆӑӊӑн округ тохтурӑт эвӑӆт айт хәӆӑнтты питӆӑт. 

Ай кєр тыӆӑщ хәӆмит хӑтӑӆн Ёмвошн телевиденияйн, радивайн па газетаитн рәпитты хӑннєхуятӑт округев ӆуватн ӆэщӑтум Всероссийской общественной «Волонтёры Конституции» тӑхи кәща Яков Самохвалов, «Волонтёры Победы» кәща Эка Шенгелая па «Волонтёры-медики» кәща ӆӑӊкӑр нє Наталья Любякина пиӆа вәйтантыйӆсӑт. Тӑм мирхот пурайн общественной вєрӑт тўӊматты кәщайт лупсӑт, муй щирн «Волонтёры Конституции» поступсы щирн ӆыв хущеӆа хӑннєхуятӑт сыр-сыр мосты вєрӑт оӆ мӑр вєрты нәмӑсӆӑт. 

Нуви сӑӊхум район Касум вошн вәӆты хӑнты ими Елизавета Тихоновна Лозямова (Молданова) ӆапӑт няврєм єнмӑӆтӑс. Ӆўв тәса йис щирн хӑнты ӆәмӑтсух ёнтӑӆ, Казымский совхозн вухсар єнмӑӆты хотн рәпитӑс, щи тумпи ӆәмӑтсух ёнтӑсты нєӊа щӑта вәс.

Щиты хӑнты ими Анна Илларионовна Зверева (Гришкина) оӆӑӊӑн рӑхӆ ястӑты. Ӆўв ӆапӑт тәрум, хәт тәрум ортум мўв Тўкъякӑӊ кәртӑн тәнӆуп тыӆӑщ 5-митн 1970-мит оӆн сєма питӑс. Аӆпа, щирн тарум хӑннєхәя йис.

Ӆўв ащеӆ-ӑӊкеӆ Илларион Нико­лаевич па Дарья Деоми­довна (эви опращнєм Себурова) Гришкинӊӑн нивӆ няврєм тӑйсӑӊӑн. Щи арат эви-пух тӑй­маӆ пӑта ӑӊкеӆ «Мать-героиня» мевӆ пос тӑйс. Ащеӆ Тўкъякӑӊ кәртӑн М.В. Фрунзе нємпи кол­хосн вой-хўӆ веӆ­пӑсӆӑс, ма рәпитмаӆ пӑта ищи ар мевӆ пос хоӆумтӑс. 

Тӑм ванӑн мўв мухӑӆ мир имет мӑӊхӑтӆ постӑсӑт. Щимӑщ вуӆаӊ хӑтӆ пӑта ма рәпатайӊ каркам Тәрум ӆор вошӑӊ ими Елена Васильевна Молданова оӆӑӊӑн хӑншӆум. Ӆўв ар оӆ мӑр Касум совхозн вуӆы тащӑт ӆавӑӆман икеӆ шәӊӑт Илья Семёнович Молданов пиӆа рәпитӑс. Мин ўв пиӑа вәупсы оӑңӑн путӑртсумн.

–  Елена Васильевна, муйсӑр рәт эвӑт нӑң вәӑн? 

Тӑмхӑтӆ ма птрэм мӑнӆ нявлӑк сӑмпи, хорасӑӊ, пӑӆаттӑӆ ӆэӆ Тэк куртӑӊ нэӊие оӆӑӊӑн. Ӆўв нэмӆ Софья Васильевна Новьюхова. 

Алексей Андреевич Аликов 1910-мит оӆн Ёмвош район Вән Вар кәртӑн сєма питӑс. 

1942-мит оӆн ӆаӆясты вәнӆты­ӆӑс па имухты Ленинградской фронта 201-мит стрелковой дивизияя, 92 стрелковой пол­ка, 9-мит ротая китсы. Ӆўв пушкан эвӑӆт єсӑӆты хәя вәс. 

Ас хӑӆты тыӆӑщ 1944-мит оӆн ӆўв шєӊк мәшмӑӆса. Ӆўв пўӊӆӑӆн похнємум снаряд осколкайт мевӆа, вєншӑӆа па ухӑӆа хойсӑт. Ас но­пӑтты тыӆӑщ 15-митн 1944-мит оӆн юхи китсы.

Щиты юрн ясӑӊ оӆӑӊӑн Ненецкой автономной округн Нарьян-Мар вошн айкеӆ хӑншман рәпитты ими Юлия Алексеевна Талеева лупӑс. Мин пўтрємӑн ӆўв тӑмиты оӆӊитсӑӆэ:

Елена Дмитриевна Хатанзеева 1900-мит оӆн Натӑӊ нӛрумн вўӆєӊ юрн ёх хотн сєма питӑс. Ащеӆ па ӑӊкеӆ тащӑӊ Вануйто юрн хуща вўӆы ӆавӑӆман рәпитсӑӊӑн.

Ай кєр тыӆӑщ 6-мит хӑтӆӑн Ёмвошн «Торум Маа» йис пурмӑсӑт шавиты тӑхийн «Тыӆӑщ поры» вєрӑнтсы. Хӑнтэт кўтн йис пура вўш эвӑӆт щи мӑӊхӑтӆ пориӆӑсы, товийн тыӑщ вәна йиты пурайн постӑсы. Щи хӑт вўш эвӑт йиуп о оңитсы. 

Щи вәнты музей тӑ­хийн хӑнты нєӊӑт ӑк­тӑщийӆсӑт, нянь войт вєрӑнтсӑт. Щӑӆта щив вошӑӊ мир па няврємӑт вохӑнтсыйт, ӆәӆн нянь войт вєрты вәнӆтыйӆ­ты. Щит ўвты вой, вўӆы, ов, хор ош, хор мис па па войт. Йис щирн а­пӑт вой хурас эщӑтты мос. 

Ай кєр тыӆӑщ 6-мит хӑтӑӆн Ёмвошн хӑтӆ єтты пєлӑкн ӆовӑт тӑйты «Мустанг» нє­муп хот пўӊӑӆн вотум нюки лаӊкум хотӑт роман тывсӑт. 

Щи эвӑӆт тыв вўӆєӊ әхӆӑтн кӑсты щи­ра авиет ӆавӑӆты ёх юхӑт­сӑт па пӑнӑн нюки хотӆаӆ тәсӑт. Нуви сӑӊ­хум, Сәрханӆ, Сўмӑтвош, Ёмвош па Нижневар­товской районӑт эвӑӆт вўӆы ӆавӑӆман вәӆты ёх па «Торум Маа» йис пурмӑсӑт шавиман тӑй­ты хуятӑт нюки хотӑт омӑссӑт. Катра нюки хот арӆ пєлӑкн иметн вєрӑнтса, ин тӑта вәрт хот икетн ӆоньщса. Итәх хуятӑт имухты кәрӆаӆ ӑӆсӑт па ӆєтут кавӑрт­ты питсӑт.

Тәнӆуп тыӆӑщ 22-мит хӑтӑӆн Сўмӑтвош район Саранпауль кәрт пўӊӑӆн вәӆты кӑсты вўєң ёх 73-мит мӑӊхӑтӆ постӑ­сӑт. Тӑм кӑсупсы кӑт оӆ мӑр ипўш ӆэщӑтӆы. Щит пӑта вўӆыйн кӑсты ёх мӑӊхӑтӆ ӆавӑӆман тӑйӆӑт.

Россия мўвевн арсыр мирӑт вәӆӆӑт. Кашӑӊ мир – кан вәӆупсы, культура вєрӑт, ясӑӊ тӑйӆ. Мўӊева вән муй ай мир ясӊӑт шавиман тӑйты мосӆ.

Тәнӆуп тыӆӑщ 21-мит хӑтӆӑн «Югра мўвн ипуӆяӊ ӆўӊӑтты хӑтӆ» вўраӊӑн няврємӑт ки­ника ӆўӊӑтты хотн «Ясӑӊ – мирев ӆыӆ шив» вәй­тантупсы вєрсы. 

Щив «Хӑтӆые» нємпи кўлуп хуятӑт вохӑнт­сыйт, кәщая щӑта «Югра ӆыӆӊуптӑты» тӑхи ух нє Ирина Фирсова вәӆ. Вўща ясӑӊ юхтум мойӊ мира рәт ясӑӊӆаӆн пу­тӑртсы.      

Кашӑӊ оӆ тәнӆуп тыӆӑщ 21-митн Ёмвош округ ӆуваттыйн шуши хуятӑт рәт ясӑӊӑн диктант-путӑр хӑншӆӑт. Тӑм вєр 2015-мит оӆ вўш эвӑӆт тәты оӆӊитсы. Тӑм тӑӆ щи әмӑщ па мосты вєр хәтмит пўш ӆэщӑтсы. Иса ӆуваттэӆн тӑм пўш 700-кєм арат хӑннєхә щит хӑншӑс.  

Рәт ясӑӊ вәты мосӆ, щит ӑӊкен па ащен путӑртты ясӑӊ. Кашӑӊ  тыӆӑщ Кӑсумн мирхот вєрӆы, ӑктӑщум ёх рәт ясӑӊ оӆӑӊӑн путӑртӆӑт, муй вєрты, ӆәӆн рәт ясӊев еӆӆы ат вәс. 

Тәнӆуп тыӆӑщ 21-митн Касум вош кини­кайт ӆў­ӊӑтты хотн вошӑӊ мир ӑктӑщийӆсӑт рәт ясӑӊ хӑтӆ постӑты щира. Алсу Хасимовна Назырова м па хошум ясӑӊ ӑктӑщум хуятӑта лупӑс. «Кӑсум ёх» тӑхи хуятӑт касум мўв мирева м вўща ясӑӊ лупсӑт. 

Тӑм оӆн щимӑщ хур вєрсӑт, Надежда Ран­дымова хурамӑӊ эвиет хӑншӑс – щит хӑнты эви, сӑран эви, юрн эви, щи нєпек унтасн иса хуятӑта м вўща ясӑӊ китӆўв. 

Йисн хуты эви щи вәртыӆа, щи мойиӆа. Щит нємӑсыя йис вєрӑт. Оӆӑӊӑн ӆыв щи вантыйӆӆӑт, мутша­щийӆӆӑт. Мӑта эви мойиты хӑннєхә хурас тӑйӆ. Мӑта ут каркам, мӑта ут м хурасуп. Мойиты щируп утӆан, ӆыв хуты шитама щи артащӆӑт. Мӑта хӑннєхә вўты хурасуп. Щӑӆта па щи, щив щи мойиты мӑнӆӑт. 

Йис имєм, ар путӑр путӑртты имєм Харс­тиньям имуӆтыйн щи путӑртӑӆ. Вәӆтємн щимӑщ муӆты путӑра питӑс. 

Щи лупӑӆ, вәнт кәрт вәӆ, щӑӆта и нєӊен иса­шӑк камн. Щит хуты йис вєр.