№ 6 (3594) - 2022

Ёмвошн ай кєр тыӆӑщн 16-21-мит хӑтӆӑтн кӑши-мәш тӑйты ёх кӑсупсы вәс. Тӑм кӑсты тӑхия 250 хӑннєхә Белоруссия, Армения, Казахстан, Таджикистан па Россия эвӑӆт юхтыйӆсӑт. Вет хӑтӆ мӑр мўӊ Ёмвошев ёхн па кӑсты вєрӑт пєӆа вантты ёхн вана тӑйса.

Тӑм паралимпийцӑт мир кӑсты пӑта хәт щир кӑсты тӑхи вәс. Щит ӆухӑӊ кӑсты тӑхи, ӆухӑӊ хәхӑӆты па пушкан эсӑӆты тӑхи, рєп эвӑӆт хӑтӑтьӆя­ты тӑхи, пара-сноуборд, следж-хоккей па әхӆӑӊ кёрлинг.

Югра хуща «Центр развития общественных инициатив партии «Единая Россия» нємуп тӑхи пўншса. Щи вєр вєрса сыры вәӆум тӑхи эвӑӆт, хута тӑм партия пиӆа вана вәӆты ёх ӑкумман вәсӑт. 

Ай кєр тыӆӑщ оӆӊитумн Югорской го­сударственной университет хуща Все­российской научно-практической ӆўӊтупсы вєрӑнтсы. Тӑта ӑнтә тәп Югра па Россия мўвӊӑн эвӑӆт, па хон пєлӑк мўвӑт учёнойт онлайн щирн вәйтантупсы вантты, хәӆӑнтты па ясӑӊ лупты ищи вєритсӑт.

Имуӆты пурайн Сәрханӆ вошӑӊ шуши мирӑт тӑхийн ӆэщӑтум «Вурӊа хӑтӆӑн» вәсум. Щи мӑӊхӑтӆ мӑнум вєр пийн нємасыя щи тӑхи хуща рәпитты вухаӆь эвие Людмила Мелентьева пиӆа вәйтантыйӆсум па м хўв арсыр айкеӆӑт ӆўв эвӑӆтэӆа уша павӑтсум.

Ай кєр тыӆӑщ 20-мит хӑтӆӑн хӑнты нє Антонина Иосифовна Ледкова 60 оӆа йис. Ӆўв 30 оӆ мӑр Нуви сӑӊхум район Вань­щавӑт кәртӑн няв­рє­мӑт рўщ ясӑӊа па ли­тературая вәнӆтӑс. 2010-мит оӆн Россия мўвев вәнӆтӑты вєрӑт хўват министерства эвӑӆт вуӆаӊ ишӑкты нєпекӑн катӆуптӑсы.

Ай кєр тыӆӑщ ветмит хӑтӑӆн Ёмвошевн «Торум Маа» йис пурмӑсӑт  ӑкӑтты тӑхийн рәпитты хӑннєхуятӑт «Тыӆӑщ поры» ӆэщӑтсӑт. Щив VII-мит Мўвтєӆ мирхота юхтум вўӆы ӆавӑӆты ёх вохсыйт. Тӑм пўш вўӆєӊ ёх Россия 16 увӑс мўвев йирӑт эвӑӆт тыв юхтыйӆсӑт.

Ӆыв кўтэӆн Якутия мўв эвӑӆт юхтум айӆат эвен (ламут) хә Ни­кифор Кеметинов. Ӆўв тӑмиты путӑртӑс: 

Ём вош район жи­вотноводства ру­пут­никыт, хоты и иса округев туваттыны, та­ка тоттит ёш войхут про­дуктивность нох атымты пата. Район колхозыт кутны иситы си вер пата така тоттит еӆ «1-е Мая» рыбартель  колхозникыт.
Сята ёш войхут тайты ёх эсымйингк, мис вуй, нёхи аршик хотымтты пата иса мар така тоттит. Ситы, мис пусты нэнгыт 1958 от мар кашинг мис эвыт пуссыт 1888 килограмм эсымйингк. А мис пусты нэ Ягутина  Е.Н. от мар кашинг йи мис эвыт пусыс 2330 килограмм эсымйингк.

Щи оӆӑӊӑн мўвтєӆ мир вўӆєӊ ёх VII-мит вән мирхот пурайн юхи хӑщум хӑтӆӑн уша йис. Па хон пєлӑк Монголия мўв вўӆєӊ хуятӑт щи оӆӑӊӑн лупсӑт.

Тӑмхӑтӆ ма хӑншӆум, муй щирн Ёмвошн нӆ хӑтӆ мӑр щи вән мир­хот мӑнӑс. Мўӊ хущева соткєм хуят юхтыйӆсӑт, па хон пєлӑк Монголия мўв ёх онлайн щирн айкеӆ тәсӑт. Мосӆ лупты, хуты интӑм Арктической Совет хуща Россия мўвев кәщая вәӆ, щирн щимӑщ вән мирхот мўӊ хущева ӆэщӑтсы.
 
«Ёмвошӑӊ декларация» вән нєпек вўсы 

Ар ота йис, хоты мис тайты фермая рупитта ёхтыс комсо­молка Алачева Тамара. Отынг пуш тув мис поших энмыттыман рупитыс. Си рупутаитны тум яма рупитыс. Си мар тув ар мис поших энмыттыс.

Там рупутаны рупит­тэт сахат тув питлны сёх­лынг тывыс. Кур тан­гыт эвыт каврым йинг­ки ветра иты вуймет са­хат хомпылмыстэ па ёшл каврым йингкны тапытсытэ. Хув мар ёшл кашитыс.

Тәняӆ ӆўӊӑн, рәпатам щирн ӊхмємн, Муши вошн Ӆорвош районӑн хӑннєхуятӑт социальной вєрӑт ӆэщӑтты департамент кәща нє Мария Пуйко пиӆа вәйтантыйӆсум па путрємӑсум, муй щирн ин ӆыв хущеӆа рәпитты ёх па нєӊӑт ӑӆ хуятӑта нётӆӑт.

- Мария Владимиро­вна, муйсӑр хоттєӆ ёх кўтн сєма питсӑн, єнумсӑн?

Тӑм ванӑн Ёмвошн увӑс мир тәс ёшуп ёх ӑктӑщийӆтум тӑхи вєрӑнтыйӆса. Щит ай кєр тыӆӑщ 14-18-мит хӑтӆӑтн «Торум Маа» нємуп йис пурмӑсӑт шавиты тӑхи хуща вәс. Тӑта вєрӑӊ имет сӑк эвӑӆт кӑрӑтсӑт, вєрӑӊ икет карты эвӑӆт пурмӑсӑт вєрӑнтсӑт.

Ай кєр тыӆӑщ 14-18-мит хӑтӆӑтн «Торум Маа» йис пурмӑсӑт ӑкӑтты па шавиман тӑйты тӑхийн XXVI-мит «Шуши мир йис хурамӑт» нємпи научной вәнӆтӑты хӑр рәпитӑс. Тӑта Югра мўв 13 вән па ай вош-кәрт эвӑӆт 80 муӆтас хуят онлайн па офлайн щирн сырыя ӆўӊтупсыйн еӆӆы па вәнӆтӑты хӑрн рәпитӑс. Сӑк кӑрӑтты, тўрӆопӑс ёнтты па пӑтӑрух картэт эвӑӆт тәса па хурамӑӊа йис карты посӑт па па хурӑмӑӊ утӑт ӆэщӑтты вєра вет вәнӆтӑты хуят вәнӆтӑс. 

Тынӑӊ няврємӑт! Сәрханӆ районӑн Лямина кәртӑӊ ӑшко­ла няврємӑт «Дом на воде» нєпек ӆэщӑтӆӑт. Щи нєпек ӆыв хәӆум ясӑӊӑн єссӑӆӆӑт: рўщ, хӑнты па английской ясӊӑтн. Мўӊ хәӆум тыӆӑщ мӑр ипўш щи нєпек эвӑӆт сәрханӆ хӑнтэт ясӑӊӑн хӑншум путрӑт тыв вєрты питӆўв. 

Рәт ясӑӊ щира вєрум мӑӊхӑтӆӑн «Хӑнты, вухаӆь, юрн ясӊӑтн пу­тӑртум путрӑт нєпекӑта хӑншты» вәнӆтыйӆты пищ ӆэщӑтман вәс. Ас-угорской институтн рәпитты ёх 2015-мит оӆн нумӑс пунсӑт щит ӆэщӑтты. 2017-мит оӆ вўш эвӑӆт тӑмӑщ вєр кәща ёхӆӑнӑн вана вўсы, щит округевн вәнӆтӑты вєрӑт, культура, оса па па хон пєлӑк вєрӑт тәты департаментӑт, «Югра ӆыӆӊуптӑты» тӑхи кәща ёх.

Каҷәӊ қантәҳ ӓви айн-унта кәӆвуӆ ов сәвта. Ма анқәмән йәӊ оӆывәӆ онәӆтойем. Номәқсә­ӆәм ропиӆтәта мәнӆәм опәт сәвта.

Авит ләҳат пыриӆәт: коӆән ов сәвта сиқкәӊ ярнаснам? Ики йота коӆха әнты мәнәм ави сумәнтахӆәх воӆәӆ пан опәтӆаӆ коӆән ӆаӊӑл тохән сәвӆәтәх. Ики йөта мәнты пырән ӆув сумәнтаҳнат йимәӆәӆ.

Опәт киҷа сив әнтәм. Виҷипи йаҷәп сәвәт. Тәм нопәт ӑвит опет­ӆаӆ пыкәт корас сыват сәвӆәт. Сиқкән сәвәт пыра әнам әнты кыҷӆәт. 

Тӑмхӑтӆ мўӊ хӑнты ясӑӊ газетаев 65 оӆ постӑты вўраӊӑн хәтмит иньщӑсуп­сы хӑншӆўв. Юхӆы ясӑӊ тыв китаты: khanty-yasang-65@mail.ru.
 

6. Мӑта пура вўш эвӑӆт «Хӑнты ясӑӊ» газетаевн Сәрханӆ мўв хӑнтэт рәт ясӑӊӑн нємасыя лопӑс єтты питӑс?

Тӑм оӆ мўӊ Россия ӆуваттэвн – щит «Йис вәӆупсы нух ӆэщӑтты оӆ» па иса мўв ӆуват­­тыйн «Шуши мир кан ясӊӑт нух ӆэщӑтты яӊ оӆ». Тӑм оӆӑт Югра хуща «Тёпӑӊ ясӊєм» нємпи наука па вәӆупсы щира вєрум мирхотн олӊитсайт. Тӑм мирхот тәнӆуп тыӆӑщн 21–23-мит хӑтӆӑтн вәс. 

Тӑмӑщ наука па вә­ӆупсы щир мир­хотн и пєлӑк ёх ха ӑктӑщман путӑртсӑт, кимӑт пєлӑк ёх карты щўӊкӑт мухты путӑртсӑт. Мирхот Мегион вошн «Экоцентр» нємуп тӑхийн оӆӊитса. 

Тынӑң хӑнты няврємўв! Тӑм йиуп вәупсыйн мўң ар пєлӑк амамӑтщет юрє­мийсўв, щирн тӑмхӑт ӑңхаўв уша вєрты, муйсӑр амамӑтщет ясңӑт нын вәйтӑты. Тӑмхӑтӆ мўӊ катра газетайт эвӑӆт амамӑтщет йиӆпа нух хӑнш­ӆўв. Оӆӑӊмит моньщуптэт нєпека хӑншӑс П. Аликов. Ин амамӑтщет ма ўңтаӆн па уша вєраӆн, муй оӆӑӊӑн кашӑӊ моньщупсыйн хӑншман вәӆ.

- Йиӊк иӆпи сот сєм.

- Сот хә и єсум.

Вўӆы хӑтӆа щи йиӆ,
Нӛрмӑт, ёхмӑт хўват

   Тащев тӑюм мирев
   Воша кӑсупсыя йиӆ.

Ӛр, хурасӑӈ хоптэт
Мўӊев әмӑщ тәӆӑт,

   Мўвев-автэв нўмпийн 
    Ӆтӑӊ сый ӑн хәрӆӑӆ.

Нхэн-юнтэн кўтн
Пухӑт тынщаӊ тӑхӆӑт,

   Хӑншаӊ сӑхуп эвет
   Потум нюхи тәӆӑт.