Тәнӆуп тыӆӑщ 13-митн мўӊ «Хӑнты ясӑӊ» па «Луима сэрипос» нємпи газетайӊӑн редакцияева А.И. Герцен нємуп педуниверситетн вәӆты Увӑс мир институтн (Санкт-Петербург вош) айӆат ёх хӑнты ясӑӊа вәнӆтӑты нє Зоя Рябчикова юхтыӆӑс.

Тӑм ванӑн Ёмвош округ дума хотн кәщайт Югра мўвн тохтур, пуртән ӑн тӑрумты вєрӑт оӆӑӊӑн путӑртсӑт. Тыв правительства хуща арсыр тӑхетн кәщая рәпитты хуятӑт, мир мӑӆтӑты вєрӑт тәты тӑхетн кӑпӑртты ёх, «Здоровое будущее» нємуп оса вєр тәты хӑннєхәйт па тохтурӑт ӑктӑщийӆсӑт.  

Тӑм оӆ тәнӆуп тыӆӑщ 21-митн округев ӆуваттыйн шуши мир хӑнты, вухаӆь па юрн ясӊӑтн «фронтальный диктант» хӑншсӑт. Щи вуӆаӊ вєр хәтмит пўш тывӑс. Тӑм пўш иса 700-кєм хуят хӑншӑс. Тӑм мосты вєр «Рәт ясӑӊ – щит рәт мўв» щирн нємӑтсы.

Хӑншты щира юрн мир писатель нє Анна Павловна Неркаги «Мол­чащий» нємпи путӑр вўсы. Хӑнты ясӑӊа Ас-угорской институтн рә­питты хуятӑтн ӆэщӑтсы. 

Кашӑӊ оӆ щи вєра ар­шӑк хуят катӆӑсӆ. Тӑм оӆн оӆӑӊ пўш диктант Октябрьской районӑн Вән Аӊкӆум па Унъюган кәртӊӑн хущи, Нижне­вартовской районӑн Охтеурье кәртӑӊ мир хӑншсӑт. 

Мӑнум оӆ ван хӑтӆуп тыӆӑщ Нягань вошн округ ӆуваттыйн «Югра ыңуптӑты» оса тӑхи XIII-мит мирхот пурайн «Ай вошӑтн па кәртӑтн рәт ясӊӑт вәнӆтӑты вєр» нємпи ӆўӊтупсы вєрсы. Тӑм вәйтантупсыя Югра мўв рәт ясӊӑт вәнӆтӑты вєрӑт тәты ёх тумпийн нємасыя пиӆ округев Пуӆӊавӑт вош эвӑӆт хӑнты нє Клавдия Слепа вохсы. Ӆўв ар оӆ мӑр пушхӑт вәнӆтӑс, интӑм  Ямал мўв ӆуваттыйн вәнӆтӑты вєрӑт вантман тӑйӆ. 

Тәнӆуп тыӆӑщ 23-митн Мўвев ӆавӑӆты ёх хӑтӆ постӑӆўв. Щи хӑтӆ оӆӑӊӑн 27-митн 1922-мит оӆн поступсыйн хӑншсы.

Тӑм ванӑн округ дума депутат Александр Новьюхов пиӆа вәйтантупсы вәс. Ӆўв «Совершенствование системы устойчивого развития коренных малочисленных народов Севера» нємпи йиӆуп вєр оӆӑӊӑн ай тәс:

Хӑнты пух Владимир Мол­данов интӑм Москва вошн армияйн служитӆ. Ӆўв ӆўӊ пурайн армияя вўсы, сыры хәт тыӆӑщ мӑр Переславль-Залесский вошн вәс.

Вова Нуви сӑӊхум район Ваньщавӑт хӑнты кәртӑн єн­мӑс. Ӑшколайн ӆўв ма ртъяӊ класс вәнты вәнӆтыӆӑс. 2014-мит оӆн Ёмвоша технолого-педагогической колледжа вәнӆ­тыйӆты мӑнӑс. Вет оӆ мӑр «Информационные системы» тӑхийн вәнӆтыӆӑс, 2019-мит оӆн щит етшуптумаӆ пийн армияя вўсы. 

Василий Данилович Кориков (1.01.1924 – 25.07.2001). Ӑшкола пийн тәп Ёмвошӑӊ педучили­щайн вәнӆтыйӆты оӆӊитӑс, имухты армияя вўсы.

Ленинг­радской фронта китсы, щи пийн Волховской, Калининской, III Белорусской фронтӑтн ӆаӆяс­ман Германия мўв вәнты шәшӑс. Кенигсберг вошн Победа хӑтӆ оӆӑӊӑн уша вєрӑс.

Кӑт «Вўрты Звезда», «Вуӆаӊ Отечественной ӆаӆь» 1-мит степень орденӑт, «За боевые заслуги», «За отвагу», «За победу над Германией» па па мевӆ посӑт хоӆумтӑс.

Илья Иванович Миляхов 1916-мит оӆн Тәпаӆ губерния Сўмӑтвош район Щуиӆ кәртӑн сєма питӑс.

Имеӊа йис па 1938-мит оӆн ӆўв семьяеӆн Ольга эвие сєма питӑс.1941-мит оӆн Вуӆаӊ Оте­чественной ӆаӆь оӆӊитум пурайн ӆаӆясты тәсы па юхӆы ӆўв ӑн кєрӆӑс – 1943-мит оӆн тәнӆуп тыӆӑщн ӆаӆь хӑрн вәшӑс.
 

Тӑм ванӑн кәртӑӊ хәев Александр Васильевич Гришкин 55 оӆа йис, ешавәӆ па ӆўв Ваня апщеӆ 50 оӆа йиӆ.

Ӆын ӑӊкӑн Евдокия Тихоновна Тўкъякӑӊ кәртӑӊ нє вәс. Саша ащеӆ Василий Егорович Молданов яньщты ута питӑс. Ӑӊкеӆ ӛхӑтшӑк Анатолий Иванович Юмин хущи мӑнӑс, ӆын нӆ пух єнмӑӆсӑӊӑн.

Евдокия Тихоновна оӆӑӊӑн пәльницайн санитаркая рәпи­тӑс, ӛхӑт па хўв мӑр колхосӑн ай мисӑт єнмӑӆтӑс. Анатолий Ива­нович трактористая рәпитӑс.

Тимофей Петрович Лозямов Нуви сӑӊхум район Касум вошн вәӆ, ар оӆ мӑр хотӑт омӑсты хәя рәпитӑс, ин пенсияйн вәӆ.

Нуви сӑӊхум район Вўтвошн вәӆ хӑнты хә Павел Иосифович Сенгепов. Мӑнум оӆн ма ӆўв пиӆӑӆа Касум вошн вўӆєӊ ёх мӑӊхӑтӆ пурайн вәтаӊа йисум, ӆўв щи пурайн хӑнты хотн мойӊ хуятӑта хӑнты мир вәӆупсы оӆӑӊӑн путӑртӑс. 

Павел 1985-мит оӆн Вўтвошн сєма питӑс, щӑта єнмӑс. Ӑӊкеӆ – Татьяна Талюковна Сен­гепова – ин вәнты Вўт­вошн вәӆ пухӆаӆ пиӆа. Пухӆаӆ – Роман, Владислав па Павел – вой-хўӆ веӆпӑсӆуман вәӆӆӑт. Щи тумпи хӑнты мир арсыр пурмӑсӑт вєрӆӑт. Ащеӆ – Иосиф Петрович Сенгепов – щит Пўпи як тўвум хӑнты ики Пётр Иванович Сенгепов пух.     

Иван Николаевич Каскин (27.08.1915 – 27.09.2004). Ӆўв Ёмвош район Цингалы кәртӑн сєма питӑс.

1937-мит оӆн Увӑс мир институт ма етшуптӑс па Касум ӑшколайн няврємӑт вәнӆтӑс. 1940-мит оӆн армияя вўсы. Связиста вәс. Вуӆаӊ Отечест­венной ӆаӆь пурайн Калинин (ин Тверь) вош ӆавӆӑс. Рәт мўвӆ тухаӆпи па хон пєлӑк Чехос­ло­вакия, Польша мўвӊӑн эвӑӆт ву­ракӑт вошитӑс. Ӆаӆь ӛш хўват Германия мўв вәнты шәшӑс. Хә­ӆум пўш ӆавӑрта мәшмӑӆтыйӆсы. «Вуӆаӊ Отечественной ӆаӆь» 1-мит степень па Жукова нємуп орденӊӑн, «За победу над Гер­манией» па па мевӆ посӑт тӑйс. 

Иван Романович Котлехумов 1925-мит оӆн сєма питӑс. 1943-мит оӆн 18 оӆа вмаӆн ӆаӆясты мӑнӑс.

Тәнӆуп тыӆӑщ 1-митн Сў­мӑтвош район Тэк кәртӑн мєт ма па тәса ёнтӑсты, тыйты муй шўкщӑты шуши ёх Елена Новьюхова пиӆа вәйтантыйӆсӑт, ӆўв «Союз мастеров Югры» тӑхи эвӑӆт Тэк ёх пиӆа рәпитӆ.

Оӆӊӑӆн ӆўв путӑртӑс, хутыса «Союз мастеров Югры» тӑхи ёх 2020-мит оӆн рәпитты питӆӑт. Лыпӑт тыӆӑщн Нуви сӑӊхум район Касум вошн нәй сух эвӑӆт пурмӑсӑт вєрты вәнӆтӑты хӑр питӆ. Сўсн Ёмвошн «Форум мастеров народного искусства» нємпи мирхот вєрӆы. «Союз мастеров Югры» тӑхи 25 оӆа йиӆ, щирн щимӑщ вән мирхотӊӑн тӑм оӆн вєрӆыйт. 

Мўвев авӑты ёх мӑӊхӑтӆ еӆпийн вотӑс тыӆӑщ 22-мит хӑтӑӆн Сўмӑтвош район Саранпауль кәрт пўӊӑӆн кӑсты вўєң ёх кўтн 73-мит кӑсупсы вәс. 

Вўєң ёха мосӑс вўы пӑсты кўрумн хәхӑты, вўыйн кирум әхӑтн наврӑтыйман, әхӑн оьман, вўэт пийн ухн мӑнман. Кӑсты  имет кўтн вўӆы әхӑӆн кӑсты вєрн па ипуӆяӊ мӑнум вўӆєӊ ёх пєӆа мєт әмӑщ вәс вантты. 

Хўв йис тєӆӑн увӑс мир вўӆы, кўрӑӊ вой па па вой сухӑт эвӑӆт арсыр хурӑмӑӊ па хошум ӆәмӑтсухӑт ёнтты хошӆӑт. Вантэ, кашӑӊ хӑннєхә хән пакӆ пўнӑӊ сух пиӆа катӆӑсыйӆты. Итәх нєӊӑт мєт щи нюплўв хӑншӑӊ юӆ ёнтӆӑт. 

Касум мўвн пўнӑӊ сух Амня вошӑӊ, Тәрум ӆор па Вўтвошӑӊ имет кӑтярӆӑт. Тӑм ванӑн Нуви сӑӊхум вошн йитпӑӊ нєӊӑт ха ӑктӑщийӆсӑт.

Тәнӆуп тыӆӑщ ӆапӑтмит хӑтӑӆн Ёмвошн Торум Маа йис пурмӑсӑт шавиты хотн вуӆаӊ полярник хәя вәӆум хӑннєхә Геннадий Иванович Бардин шәӊӑт оӆӑӊӑн ванӆтупсы вәс. 

Рәпатам щирн Сў­мӑтвоша ӊхмємн арсыр тӑхетн вәсум, айкеӆӑт ӑкӑтсум, шуши мир хӑннєхуятӑт пиӆа вәйтантыйӆсум па путрємӑсум. 

Имуӆтыйн йиӆпа ом­сум, ӆӑщкам, вән па хурамӑӊ хотн айӆат ёх пӑта тӑта мосванӑн вє­рум киникайт ӆўӊӑтты хот шиваӆӑсум. 
Щи йиӆуп хот кәща нє Надежда Александровна Буткова пиӆа вўща вєр­сум. Щикинща айӆтыева иньщӑссєм, хән тӑмӑщ библиотека хот  ӆыв хущеӆа омӑссы па муй щирн Сўмӑтвошӑӊ няв­рємӑт тыв нєпекӑт ӆў­ӊӑтты юхтыйӆӆӑт?

Щиты рӑхӆ лупты хӑнты мир хурӑт хӑншты хә Геннадий Райшев «Геннадий Райшев. Гомерӑн хӑншум «Илиада» па «Одиссей» путӑрӊӑн хувӑт хурӑт» нємпи ванӆтупсы оӆӑӊӑн. Щит тәнӆуп тыӆӑщ 10-митн вәс. 

Тӑмхӑтӆ щив ар вошӑӊ мир юхтӑс. Хӑнты мир писатель Еремей Ай­пин вўща вєрӑс: «Ешӑк Геннадий Степанович, нӑӊ ванӆтупсэн – щит иса пурайн вән мӑӊ­хӑтӆ, щит мўӊ пӑтэва вән амӑт, щирн нӑӊена вән пәмащипа лупӆўв». 

Щиты лупӑс Россия мўвтєӆ Ассамблея кәща ӆӑӊкӑр хә Назиржон Абдуганиев. Ма ӆўв пиӆӑӆа вәйтантыйӆсум Россия мўвтєӆ мир вән мирхот пурайн, щит тәняӆ сўсн вәс.

Н.Н. Абдуганиев 1970-мит оӆн Кыргызстан мўвн сєма питӑс. Ӆўв узбек мир эвӑӆт. 1994-мит оӆн Московской природоустройства институт, щи пийн госслужба институтн «Национальной политика» нємуп факультет етшуптӑс.

– Назиржон Насиб­жонович, еша путӑрта нӑӊ рәпатаен оӆӑӊӑн.

Тәнӆуп тыӆӑщ 16-митн Нуви сӑӊхум вошн «Нуви ат» тӑхи хуятӑт тыйты вєр ӆэ­щӑтсӑт. Щит ӆыв Нуви сӑӊхум район «Югра ӆыӆӊуптӑты» тӑхи ёх пиӆа вєрсӑт.

Тӑм вәйтантупсы «Нуви ат» тӑхи кәща ими Зинаида Каксина па «Югра ӆыӆӊуптӑты» тӑхи ух нє Ирина Фир­сова пўншсӑӊӑн. «Югра ӆыӆӊуптӑты» оса тӑхи нєӊӊӑн Зинаида Кузь­менко па Анастасия Веж­новец интернет хўват щи вєр тәсӊӑн. Вәйтан­тупсыя Нуви сӑӊхум рай­он арсыр кәртӑт эвӑӆт имет юхӑтсӑт.

Тәнӆуп тыӆӑщ 10-14-мит хӑтӆӑтн «Торум Маа» йис пурмӑсӑт ӑкӑтты па шавиты хот рәпатнекӑт «Йис щирн ӑнтуп кеӆӑт сэвты па хӑншӑӊ вейт тыйты» нємуп XXII-мит вәнӆтӑты хӑр вєрсӑт. Ӆыв шуши мирӆўв йис пурмӑсӑт ӆыӆӊуптӑты щира Ёмвош округев вошӑт па кәртӑт эвӑӆт йис вєрӑт ма вәты хӑннєхуятӑт вохсӑт, ӆәӆн ванӆтӑты, хутыса йис щирн сэвты па тыйты мосӆ. 

Сырыя тӑта рәпитты хуятӑт, хӑнты па вухаӆь мир учёнойт, увӑс мир йис вєрӑт ма вәты хуя­тӑт, Ас-угорской айӆат ёх па айкеӆӑт ӆэщӑтты нєӊӑт-хәйт шуши мир ӑнтуп кеӆӑт па сэвӑӊ вейт оӆӑңӑн нєпек ӆў­ңӑтсӑт.

Тәрум юхан тыйн щӑта Сәрмӑӊ ёх вәсӑт. Щи Сәрмӑӊ Васькаен Касум эвӑӆт хәнты щив йис, ӑӆ нәмӆа. Марья эвеӆ Волдин ӆәхсєм вәнтпӑӆ ими. Марьяйӆ щӑрты вєр тӑйс, ин па Тәрум юхан тыйн вәӆ. Ӆўв пўпи хәнӑӆтуман щӑртӑс. Ин тӑм Валяен (Вандымова) щимӑщ вєр щи тӑйӆ. Ма нємасыя Марьяен хуща щӑрӑӆтыйӆты ӊхсум. Щӑта кўтэв ван вәс. Щи ӆўӊ ма ўпєм ики хуща вәсум. Пўпи хәнтыйӆты вєр тӑйс. Пўпи нӑӊен щи хӑнӆ. Хуйтат муй вєрн щӑртӆӑт. Хуйтат кӑт енӆуп кешийн, хуйтат ӆаюмн. Иса ар вўрн. Нӑӊ щатьщащен шәӊӑт ӆаюмн щӑртты вєр тӑйс. Васька акев ики шәӊӑт, щакӑӊ Васька, ищи ӆаюмн.