№ 3 (3519) - 2019

Ёмвош округн оса вєрӑт тәты тӑхийн кәща юкана вәты хә Константин Репин шуши мир пиа вәйтантыӑс. Яха ӑктӑщум ёх нух вантсэ, муйсӑр етнхотӑт, вәйтантупсэт па вән мирхотӑт хӑнтэт, вухаят, юрнӑт вәупсы вєрӑт әхтыйн 2019-мит он эщӑтты питайт. Щиты иса о мӑр 50 мутас арсыр вєр пит. 

Хуам 2018-мит он йис рўщ нєпекӑт посн мўң вәты мўвев оӑңӑн хӑншум арт вўш эвӑт 900 о мӑнӑс. 

Мєт оӑң пўш Югра мўв оӑңӑн «Повести временных лет» нємуп йис нєпекн 1118-мит он Мстислав канащ пурайн хӑншман вәс. Щи ут – мєт катра йис нєпек Россия мўвн. Щимӑщ вән вєр 2018-мит он Ёмвош округ уваттыйн мир постӑсӑт. Арсыр емӑңхӑтӑт, етнхотӑт па вәйтантупсэт эщӑтыйсайт. Мєт ар хуят «Югре-900!» нємуп иньщӑсупсыйн кӑссӑт. Щит нєпек єсӑты хӑтӑт пурайн вєрӑнтса. Щӑта Югра мўв оӑңӑн йис вєрӑт нух хӑншты мосӑс. 

Нуви сӑңхум район Понавӑт кәртӑн вәты хӑнты ими Альбина Матвеевна Фирсова тәнуп тыӑщ 17-мит хӑтӑн 70 оа йи. Щит Нуви сӑңхум районӑн вәты шуши мирӑт кўтн вәтаң нє. ўв ям арат о мӑр избирательной кампания тә, пирєсты хӑтӑт епийн район кәртӑт хўват яңхӑ па пирєсты вєр тә. Ин емӑңхӑтӑ епийн рәт ёха ўвеа ям па хошум ясңӑт лупты ӑңхаӑт.

Округ правительства хотн губернатор нє Наталья Комарова Ас хӑты тыӑщ 28-митн мирхот вєрӑнтӑс. Тӑм мирхотн 2030-мит о вәнты округев вәупсы эщӑтты поступсы тәты оса тӑхи ёх ӑшколайн вәнтыйты няврємӑт апӑтты вєр оӑңӑн путӑртсӑт.

Мирхотн ӑкмум кәщайт лупсӑт, хуты няврємӑт апӑтты вєр оӑңӑн округевн нємасыя поступсы вўты мос. Щи тумпи муй щирн єтут кавӑртты тӑхи пириты па хутыса нємасыя ёх вантман тӑйты питӑт, ям па єпӑң єтутӑт кавӑртсӑт муй ӑнтә.

Ас хӑты тыӑщ 17-мит хӑтӑн Ёмвошн айкеӑт ӑкӑтты ёх Югра мўв «Департамент гражданской защиты населения» кәща хә Александр Некрасов  па МП «Ханты-Мансийскгаз» кәща хә Андрей Лоцманов пиа вәйтантыйсӑт. Щи мирхот мӑнум пурайн кӑт кәща хә газ тӑйты вєрӑт оӑңӑн айке тәсӑт.

1989-мит о вўш эвӑт мўң округевн «Луима сэрипос» вухаь газета єтӑ. Тӑм он ўв хәумъяң оа йис. Щи тумпи нємӑт газета вухаь ясӑңӑн ӑнтәм, щирн вухаь мир тәп «Луима сэрипос» газета рәт ясӑңӑн ўңӑтӑт. 

Ас хӑты тыӑщ 28-мит хӑтӑн «Югра» нємпи айкеӆӑт ӑкӑтты хотн «Работа югорских парламентариев в Государственной Думе» нємуп мирхот вәс. Щӑта Ёмвош округ эвӑт Государственной Думайн рәпитты хә Павел Завальный рәпатай оӑңӑн ай павтӑс. Мос лупты, щи хә тумпи мўң мўвев эвӑт щӑта Татьяна Гоголева, Александр Сидоров па Владимир Сысоев рәпитӑт. 

Тәнуп тыӑщ оӑңмит хӑтӑн Ёмвошн Югра мўвев недропользования па природной ресурсӑт Департамент тӑхи кәща ӑңкӑр хә Александр Комиссаров па В.И. Шпильман нємуп «Центр рационального недропользования» тӑхи оӑң кәща ӑңкӑр хә Пётр Стулов пиа вәйтантыйсӑт па путрємӑсӑт. Щи мирхотн айке ӑкӑтты ёхўв уша павӑтсӑт, муй щирн Югра мўв эвӑт вәты хуятӑт «Арктические рубежи» нємуп мўвтє мир наука щирн эщӑтум конференцияйн Норвегия хон пєлӑкн вәсӑт па муй вантсӑт.

Тәня «Объект. Время. Культура» нємуп вантупсыйн, щи ут «Торум Маа»  хотн XX-мит «Мужские и женские ремёсла: музееведческий и этнопедагогический аспекты» нємуп мирхот пурайн вәс, вєртутӑң ёх пурмӑса оӑңӑн ай павӑтсӑт. Щи пурайн Россия народной мастер хә Яков Тарлин лупӑс: «Культура ӑн мос нух аумты, йис щирн вәты мос». Хән ўв пиаа вєртутӑң хӑрн вәйтантсум, щи вєр оӑңӑн путӑр оңӑтсум. Ванӑн Николай Анатольевич Тасьманов рәпитӑс, ув ищи еша путӑртӑс. 

Мўв-авӑт па Хӑннєхә пурмӑсӑт авӑты хотн тәнуп тыӑщ кимит хӑтӑн Россия народной мастер нє Мария Григорьевна Эккерт 60 тӑа ювум вўраңӑн вантупсы пўншсы. Щӑта ўв вєрум пурмӑса вантӑсыйт, щит щӑшкан, вой сух, тунты, сӑк эвӑт вєрум утӑт, хӑнты ернасӑт, щӑшкан сӑхӑт, ухшамӑт. 

Ипўш командировкая мӑнты епийн етн юн омӑсман роман ёшєм Тарасов рәтєм оӑңӑн хӑншум нєпека сәхтӑсєм. А муй па? Щӑта аңки пос воша юхӑтсум па рәт нєңєм Маргарита Филипповна Заяц пиа вәйтантсум. ўв эвӑтэа уша йис, ма щащєм апщи Филипп Степанович Тарасов Анна Михайловна Конева ими тӑйс. ўв Маргарита Заяц упия вәс.

Лимпас яун сәрхан мўвн вә. Тӑм юхан пўңӑн хўв йис тєӑн Русскин ёх вәнт кәртан вәӑт. Вўт кәртан ар пєлӑк мир авиет авӑӑт. Хә хуятӑт питы вой, вўрты вой па хў вепӑсӑӑт. Шӑңкмум ухуп ўң хӑтӑтн мурта мәрӑх воньщӑт. Тәрум сўса йитыйн вәнт шушийн вәты мир ёхум воньщумутӑт, хумӑсвәӑт ӑкӑтӑт. 

Семён Александрович па Любовь Николаевна Айпинңӑн оӑңӑн «Хӑнты ясӑң» нєпекӑн ар пўш хӑншийсы. Вантэ, щи нєпек эщӑтты рәпатнекӑт ванкўты ын пиана Нижневартовской районӑн па Ёмвошн Вўєң мир емӑңхӑтӑн, арсыр каш хӑрӑтн па вєртут вєрты мирхотӑтн вәйтантыйӑт. Йипа Любовь Николаевна пиа тәня ўңӑн вәйтантыйсўв, хән ўв Ирина эве пиа Ёмвоша пурмӑс вєрты мирхота юхтыӑс.

Тӑм мӑнум о сўсн Тюмень вошн вәты хӑнтэт, вухаят па юрнӑт Мўвтє шуши мир емӑңхӑт постӑсӑт. Мос лупты, хуты емӑңхӑт эщӑтты пӑта вошӑң хӑннєхуятӑт К.Я. Лагунов нємуп киникайт ўңӑтты хот йита юхтыйсӑт. 

Ям, хуты юхи хӑщум оӑтн хӑнты мир кўтн учёной ёх аршӑка йи. Россия мўв Наука хӑт епийн ма айат хӑнты учёной нє Анастасия Антоновна Шиянова пиа вәйтантыйсум па путӑртсум.

– Анастасия, мєт сыры нӑң оңенӑн путӑрта. Хән па хута нӑң сєма питсӑн, хута єнумсӑн, нӑң ӑңкен-ащен оӑңӑн путӑрта. 

Ванзетур кәртӑн Сўмӑтвош районӑн ма кәртӑң кәща нє Елена Владимировна Томчук пиа вәйтантыйсум па путрємӑсум, хутыса ыв хущеа хуятӑт вәӑт. 

– Елена Владимировна, мӑта о вўшн Ванзетур кәрт омӑссы?

Россия народной мастер хә Александр Сайнахов – Ёмвош округӑн па па мўвӑтн вәтаң хуята вә. Тәп ўв щиты ӑн нәмӑс: «Мӑнєм вәтаң хуята ӑн ўңӑтєм. Ма – ӑ хӑннєхә». Ма щирємн, ўв нӑртама щиты нәмӑс, тәса пурмӑсӑт вєрта пӑты ўв мўвев кәща нєңӑн ям мойупсыйн мӑсы, ар пўш окружной, всероссийской па мўвтє вєртут вєрты хӑрӑтн ишӑкты нєпекӑтн катуптыйсы. 

Александр Дмитриевич пиа XX-мит «Мужские и женские ремёсла: музееведческий и этно-педагогический аспекты» нємуп мирхотн вәйтӑнтсум. Щи ут тәня ўңӑн «Торум Маа» музейн мӑнӑс. 

Кашӑң мир арсыр моньщӑт тӑйӑт. Нын няврєма вәманӑн, апа, вән хуятӑн эвӑт йис путрӑт, моньщӑт хәлясты. Ма нәмєм, ая вәмємн етн утэвн ащєм, ӑңкєм мўңева Пун вєрты ими, Пулңи-луньщи ай ики, Ими хиы оӑңӑн моньщӑт моньщийсӑңӑн. Щиты моньщ хәӑнтман утэнӑн ӑн па мутшащӑн, хәнты вуюмтэн. 

Ван хӑтуп тыӑщ 26-митн округ народной творчества хотн хӑнты па вухаь якты щирӑта вәнтӑты нє Маргарита Рябова пиа вәйтантупсы вәс. Етнхот оңиттыйн Маргарита Фёдоровна Алика хинєңӑ пиа «Куренька» як яксӑңӑн. Щӑта ўв тӑм як оӑңӑн еша путӑртӑс. «Куренька» – щит нє як. Кашӑң хӑнты муй вухаь нє, вәншака муй па айата вә, ўв щирӑн тӑм як якӑ», – лупӑс М. Рябова.

Маргарита Фёдоровна айат пурай вўш эвӑт якты вєра катӑсӑс.