Нӆмет хӑтӆӑн Ас потты тыӑщн емӑӊхӑтӆ вус, рўщ щирн ки ӆўв нэмӆ «День народного единства». Щи хӑтӆ щира мўң ха ӑктӑщийӆсўв, катра кўлуплэӊкевн иха пӑсaн верыӆысўв па шай еньщсўв, умӑщ птӑр птӑртсўв. 

Мўң, вун ёх, хӑнты ар па хӑнты як яксўв па арисўв, умӑщ птӑр, ущхуь птӑр ищи щи прайн ёхӆӑва птӑрт­сўв. Вунашик ювм няв­рэмӆӑв умӑщ хрӑмӑӊ яксӑт. Айшик ёхӆӑв па вусӑт, хӑнты якӑт ищи яксӑт. Метшик умӑщ вaнтты, хун шияӆаӆӑн: яй энмты тюпиет хӑн­ты схӆaӆ эӆты ӑнт еӆэм­ӆӑт, мосты прайн нх ӆумтомӆӑӆӆaӆ. Щит щи м: мўӊ йис якӆӑв, хӑн­ты арӆӑв, хӑнты верӆӑв эӆты энмты ёх ӑнт ук­щамӆӑт, иса верыттэӆ кемн хӑнты верӑта вў­янтӆӑт. Туп ма хӑнты ясӑӊӑн птӑртты ӑн веритӆӑт, вантэ, ёӆн ки ӑӊкиӆaӆ-ащиӆaӆ рут ясӊеӆӑн птӑртсӑт ки, кашиӊ хӑтӆ няврэмиет хӑнты ясӊеӆ хуӆисӑт ки, мосӑӊ, ыв па ма рут ясӊеӆ ин вуйтсэӆ.

«День народного един­ства» нэмпи емӑӊ­хӑтӆӑн мўӊ ищи нмӑс тӑйсўв, муй щирн хӑнты верӆӑв, хӑнты нмӑсӑв энмты няврэмӆӑва та­кӑн катӆоптӑты мосӆ. Щикем такӑн ат кaтӆоп­тӑӆӑв, ӆуӆн ӆыв па щи верӑт аӆ ёрэмӑӆaӆ, еӆӆы ат туӆaӆ па няврэмӆа­ӆа ат хӑщоптӑӆӆaӆ. Ин мўӊ куртэвн шимӆ хят хӑнты ясӑӊӑн птӑртӑӆ, камн хӑнты ясӑӊ ӑн па сащ, семьяйт хщи па рут ясӑӊӑн кўтэӆн ӑн птӑртӆӑт (и-кӑт семьяйн туп хӑнты ясӑӊ хуӆӆӑн). Хӆыева рўщ ясӑӊа питсӑт, хӆыева рўща йисӑт. Мўӊ, вуна пелка ювм ёх, шеӊк тыштӑӆўв щи верӑт оӆӑӊӑн.

ха пӑсанӑн омӑсмев прайн кашиӊ хят м ясӑӊ па хятӑта ястӑс,  ӆуӆн ёхӆӑв еӆӆы ма ат вусӑт, мирев тумтака ат вус, атм верӑт аӆ питӆӑт. Умща омӑссўв, ар вер оӆӑӊӑн птӑртсўв. Кўтэвн иса хӑнты ясӑ­ӊӑн птӑртсўв, хӑнты ер­насӑн курт хўват шу­шиӆыты нмӑс тӑй­ӆўв. 

Куртэвн етнхот вер­тэв прайн мӆты хӑн­ты ясӑӊӑн птӑртты вўтщaӆӑн ки, ясӊен ӑн па хуӆӆа. Иса мосӆ кӑт ясӑӊӑн йи вер оӆӑӊӑн нюхомты. Щи прайн туп хуӆӑнтты ёха ша йиӆ, муй нӑӊ птӑртӆӑн. Щиты щи мўӊ верӆӑв мӑнӆӑт. Щит м хун? Мўӊ, вун ёх, ипўша хун вуӆӆўв. Пӑртэв пийн куртэв иса рўщ курта щи йил, тӑӊха. Вантэ, катра прайн щӑртӑӊ ёхӆӑв ястӑсӑт, мӑттэ, хунты куртэвн рўщӑт вуӆты питӆӑт, юхӑт па иса щи йиӊк иӆпия Тэк куртэв мӑнӆ. Ӆыв птрэӆ «рўщӑт вуӆты питӆӑт» щит ин щи ве­рӑт пит­сӑт: хӑнты ёхӆӑв рўща йисӑт, туп нэпек щира хӑнтэт. Ясӊеӆ ӑн вуйт­ӆэӆ. Кўшӆэӊки мўӊ рут верӆӑва ай ёх хущӆӑӆӆӑв, туп ӆыв ищи­­па рўщӑт: рўщ щирн нумӑсӆӑт, вер верӆӑт. Щиты, вaнтэ, сэма питм пра эӆты вусӑт па верӑт вaнтсӑт, рўщ ясӑӊ айтэӆн хуӆ­сӑт. Муй питӆ еӆӆы хӑн­ты мирев, хӑнты ясӊев пиӆа, хй вуйтӑӆ? Аӆпа, мирев иса вуштӑӆўв, туп нэпекӑн хӑщӆ. Тӑ­мӑщ стихотворение Тэк куртэв оӆӑӊӑн тышту­мaн хӑншсм.

Йис куртэвн мўӊ щи вуӆӆўв,
Тэк куртэвн мўӊ щи вуӆӆўв,                                                        
Вуӆпсаев оӆӑӊӑн ариӆўв, 
Вуӆпсаев оӆӑӊӑн хощӆўв.
Хӑнты куртэв хӆта мӑнӑс? 
Йис мўӊ куртэв хты ин йис?
Ас рўваев иӆ щи питӆ,

Хотыеӆӑв йиӊка мӑнӆӑт. 
Хӑнты верӆӑв хӆта мӑнсӑт?                                                  
Хӑнты ясӊев хты хӑщӑс,
Рўщ ясӑӊна хӆ птӑртӆўв,
Рўщ схитна хӆ шушийӆўв.                                                            
Муя щиты верӆӑв мӑнӆӑт?  
Муя щиты нмӑсӆӑв питсӑт?                                           
Пирӑщ ёхӆӑв ясӑӊ щирн, 
Щӑртӑӊ ёхӆӑв птӑр щирн –    
Еӆӆы пеӆы куртэв пӑрӆ,  
Еӆӆы пеӆы хӑнтыӆӑв вушӆӑт. 
Муя щиты верӆӑв мӑнӆӑт? 
Муя щиты юшев мӑнӆ?

Тэк Икиев, мўӊев ӆавӆэ!

Турм Ащиев, хӑнтэт ӆавӆэ!  
Еӆӆы пеӆы ат мўӊ вуӆӆўв, 
И-кaт хӑт ат омӑсӆўв,

Хӑнты верӆӑв еӆӆы ат тўӆўв,  
Хӑнты ясӊев а вуштӑӆўв.