№ 7 (3691) - 2026

Ай кєр тыӆӑщ 27-мит хӑтӆӑн Ёмвошн округ Дума хуща ай­кеӆӑт ӑкӑтты па хӑншты мирева мой­ӆупсэт па ишӑк нє­пекӑт мойӆӑты хӑтӆ вәс. Щит кашӑӊ оӆ щи ёхӆўв кўтн «Ду­мать по-югорски» вєр­ты кӑсупсы. Щи кӑ­супсыйн уша вєрӆа, мӑта ёх мєт ма мўӊ мўвев вєрӑт оӆӑӊӑн хӑншӆӑт муй па кар­ты щўӊкӑт мухты ванӆтӑӆӑт.

Ёмвош округн ай кєр тыӆӑщ 17-18-мит хӑтӆӑтн 9-11-мит классӑтн вәнӆтыйӆты айӆат ёх пӑта рәт ясӑӊ щирн кӑсупсы вєрӑнтсы. Олимпиада кӑсупсы м арат оӆ йиӆуп дистанционной щирӑтн ӆэщӑтыйӆӆы. Мосӆ лупты, хуты заданияйт тӑм рәпата пӑта Ас-угорской институт ёхн хӑншӆыйт.

Ёмвошн ай кєр тыӆӑщн шуши мирӑт Ассамблея па округ Дума хуща ӑктупсы вәс. Югра Ассамблея хуща путӑр мӑнӑс вәнт вой веӆпӑсӆӑты оӆӑӊӑн па увӑс мирева юридической нётупсы мӑты оӆӑӊӑн.

Ассамблея мирхот

Вән кєр тыӆӑщ 7-мит хӑтӆӑн хӑнты ими Ольга Ефимовна Скакунова ӑнтәма йис. Ӆўв ар оӆ ӑшколайн няврємӑт вәнӆтуман рәпитӑс, ӆўв рәпата па хӑннєхуятӑт пєӆы сӑмӑӊ, мутрайӊ, м имия вәс.

Мӑнум оӆ юхи хӑщум тыӆӑщн Ёмвош Экспоцентр хотн тынєсты-ӆєтӑсты хӑр вєрсы. Щимӑщ ванӆтупсы округев ӆуваттыйн сыр-сыр ӆєтутӑт па пурмӑсӑт сопӑсӆӑты па вєрты хӑннєхуятӑт пӑта нємасыя Югра мўвев вән кәща ёхӆўв кашӑӊ оӆ мӑр сухӑнты кємн ӆэщӑтӆы.  

Хӑнты нє Наталья Донских Ямал мўвн Приуральской районӑн Аксарка вошн вәӆ. 

Ай кєр тыӆӑщн 27-мит хӑтӆӑн ре­мёслайт Центр хот хуща вәйтантупсы вәс, мӑта тӑхийн «Коренная Югра: История воз­рожде­ния Медвежьих иг­рищ» йиӆпа єтум ки­ника оӆӑӊӑн путӑр мӑнӑс. 

Ёмвошн ай кєр тыӆӑщ 28-29-мит хӑтӆӑтн ремёслайт Центр хот хуща Россия ӆуват вәйтантупсы вәс, щит кашӑӊ оӆ ӑкӑтты вәй­тантупсы. Тӑта йис вєрӑт вєрты няврємӑт па айӆат ёх ӑкумсӑт. 

Тӑм пўш вошева 70 няврєм па айӆат ёх юхӑтсӑт. Ӆыв Россия мўвев арсыр мўв сўӊӑт эвӑӆт тыв ӑкумсӑт, щи кўтн ӑшколайн вәнӆтыйӆты няврємӑт, вән нєпек ёша павӑтты тӑ­хийн вәнӆтыйӆты айӆат ёх, арсыр студия хотӑтн вәнӆ­тыйӆты няврємӑт па ӆывты вәнӆтӑты хуятӑт.

Касум вошн вән кєр тыӆӑщ 4-мит хӑтӑӆн вурӊа имен юхтум мӑӊхӑтӆ постӑсы. Аӆӑӊшӑк Касум вошн вәӆты хӑнты мириев, имиет пурмӑсӑт шавиты хота юхтыйӆсӑт, ӆәӆн пойкщӑты, пӑсан вєрты.

Вән кєр тови ты­ӆӑщн 4-мит хӑтӑӆн Нх вошн шуши мир «Вурӊа хӑтӆ» нємпи мӑӊхӑтӆ вєрсӑт. Нх вошӑӊ «Эмдэр» нє­муп рўтьщӑты хӑрн вәнт кәртӑӊ мир ӑк­тӑщийӆсӑт. 

Ма мєт оӆӑӊӑн ӆӑӊ­хаӆум СВО тӑхет эӆт­ы те­лефон хўват китум вў­ща ясӑӊ шуши мирева тәты. Щи ясӑӊ Михаил Алексеевич Молданов Касум кәртӑӊ хуят китӑс. Ӆўв ин ӆаӆьн мәшмӑӆса, па госпитальн мӑӆтыйӆман вәӆ. Ӆўв щи ястӑӆ: 

Ай кєр тыӆӑщ 21-мит хӑтӑӆн Русскинской кәртӑн Сәрханӆ районӑн «Вўӆєӊ па вой-хўӆ веӆпӑс ёх» мӑӊхӑтӆ вәс. Щимӑщ вуӆаӊ вєр м хўвн ӆэщӑтсы. Кашӑӊ оӆ, ай кєр тыӆӑщ сухӑнтты кємн, рәт щирн ӆўӊтӑсты мўвӑтн, арсыр ай вәнт кәртӑтн вәӆты хӑнтэт иха юхтыйӆӆӑт, вәйтантыйӆӆӑт, ӆыв кўтэӆн ар айкеӆ уша павӑтӆӑт, путрємӑӆӑт, мой вєрӑт тәса вєрӆӑт, арсыр кӑсупсэт кўтэӆн ӆэщӑтӆӑт па кашӑӊ пўш вўӆыйн кирум әхӆӑтн кӑсӆӑт.

Лыпӑт тыӆӑщ 25-26-мит хӑтӆӊӑнӑн Унъюган кәртӑн Манс­тăр районӑн Еремей Данилович Айпин нєм тӑйты ки­никайт ӆўӊӑтты хотн щӑта рәпитты хӑннєхуятӑт наука щирн нємасыя «IV-мит Айпинской ӆўӊтупсэт» ӆэщӑтыйӆсӑт.
Щимӑщ наука щирн мӑнты вән мирхот вєрсы, ӆәӆн хӑнты мирев писатель хә киникайт сӑмӑӊа арсыр мирн ат тӑй­сыйт па мсыева еӆӆы ат ӆўӊӑтсыйт.

Ёмвошн ай кєр тыӆӑщ 31-мит хӑтӆ вўш эвӑӆт па вән кєр тыӆӑщ оӆӑӊмит хӑтӆ вәнты вән мирхот вәс, хута юхтум мир рәт ясӊӑт вәнӆтӑты тӑм йис вєрӑт оӆӑӊӑн путӑртсӑт. Тӑм мирхот Ас-угорской институт ёхн ӆэщӑтсы па ӆыв кәща хуятӑт, учёнойт, рәт ясӑӊа вәнӆтӑты хӑннєхуятӑт, культура вєрӑт щирн рәпитты ёх па па мир щив вохсӑт. 

… Хўв ана Ухӆор хущи катӆум хўӆ пунсы. Сорт хўӆ ух Нина икеӆа пунсӑӆэ.
Сорт хўӆ кавӑртты вєрн ма и вєр оӆӑӊӑн хӑншты хуӆт юрємӑсум. Увӑс шуши мир хўӆ сәӆӑт йира ӑн вущкӑӆӑт. Сорт хўӆ тєпӆа мухӑӆ, ӆытуп, вуй пунӆы па иха йирман кавӑртӆы – шєӊк єпӆӑӊ ӆєтут тывӆ. Тӑмхӑтӆ Нина сорт хўӆ сәӆӑт па нюхи эвăтсӑӆэ па карты пўта пунсӑӆэ, щиты ищи єпӆӑӊ питӆ. Кавӑртты пурайн сәӆӑт ха ювӑртыйӆсӑт.