Айкеԯӑт - Новости

Мўвтє мирӑт йис пурмӑсӑт ӑкӑтты па шавиты тӑхет емӑңхӑт пӑты Ёмвошн Геннадий Райшев художественной галерея хотн «Музейная ночь с маэстро – 2013» нємпи вәйтантупсы мӑ-нӑс. Тыв ветъяң мутас вошӑң хуятӑт юхтыйсӑт, ыв кўтэн шуши мир нєпекӑң ёх ищи вәсӑт.

Мӑнум тыӑщ 28-митн округ дума кәща хә Борис Хохряков ветеранской тӑхет кәщайт пиа вәйтантыӑс. Щи тухапи округ дума депутат, социальной вєрӑт тәты комитет кәща нє Наталья Западнова ищи щив юхтыӑс.

«Спасти и сохранить» нємуп мўвтє экологической акция пўншум хӑтӑтн мўвӑт-автӑт вәнььты тӑхи кәща Сергей Пикунов, мўв ипи тащӑт хоумтты вєрӑт департамент хә Анатолий Протасов па Ленинградской областян вәты мўвӑт вәнььты тӑхи рәпатнек Фёдор Стулов айке ӑкӑтты ёх пиа вәйтантыйсӑт.

Муй щирн округевн няврємӑт наркотикӑт эвӑт ӑвӑты? Щимӑщ вуаң вєр пӑта Ёмвош правительства хот йитн Ас нопӑтты тыӑщ 28-мит хӑтӑн нємасыя арсыр тӑхетн рәпитты кәщайт вәйтантыйсӑт.

Тӑм ванӑн Ёмвошн Археопарк тӑхи хущи «Спасти и сохранить» нємуп XI-мит мўвтє мирӑт акция пўншсы. Щив вошӑң мир па моиң хуят юхтыйсӑт.

Яртъяң о юхы ООН «Десятилетие образования в интересах устойчивого развития» нємуп вєр оӑңӑн нєпек єсӑс. Мўң мўвевн щи вєр оӑңӑн «Спасти и сохранить» хӑтӑт вәяты пурайн мўвтє мирхот вєрӑнты, хута щи оӑңӑн нєпекӑң ёх путӑртӑт. Тӑм пўш Россия мир тухӑпи щимӑщ хуятӑт Польша, Словакия, Финляндия, Болгария, Канада, Япония па па мўвӑт эвӑт мирхота юхтыйсӑт. Ас нопӑтты тыӑщн пресс-конференцияйн айке ӑкӑтты ёх пиа Анатолий Захлебный (Российской академия образования), Йоко Мочизуки (Япония), Стефании Ходж (ЮНИСЕФ) па Антонина Урсу-Архипова (Ёмвош округ образования па молодёжной политика департамент) вәйтантыйсӑт па устойчивое развитие вєр оӑңӑн арсыр ай павӑтсӑт.

Ас нопӑтты тыӑщ 22-мит хӑтан региональной информационной центр хотн Югра мўв губернатор ӑңкӑр хә Алексей Путин па негосударственной пенсионной фонд (НПФ) кәща хә Алексей Охлопков айке кӑншты па хӑншты хуятӑт пиа вәйтантыйсӑңӑн.

Мӑнум тыӑщ 28-мит хӑтӑн округев хущи хӑннєхә правайт вәнььты хә Александр Сидоров ай павтӑс, муйсӑр вєрӑт 2012-мит он рәпатай хущи вєрсӑт. ўв лупӑс, уполномоченной по правам человека тӑхет федеральной закон рўвн пўншсыйт. Россия хущи щи вєрн вуаң хәя Владимир Лукин вә.

Ас нопӑтты тыӑщ Ёмвошн местной самоуправления вєр еы тәты комиссия ёх мирхот вәс.

«2013-мит он айкеӑт ӑкӑтты хуятӑта ям вєрӑт оӑңӑн хӑншты па путӑртты мос, ән Югра мўвевн аршӑк ям вєр ат вєры», – щиты лупӑс округ кәща нє Наталья Комарова. Интӑм Югра мўвевн иса газетаятн па телевиденияйн рәпитты ёх ям вєрӑт оӑңӑн хӑншты па путӑртты питсӑт.