Айкеԯӑт - Новости

Вәйт ӆор тыӑщ 12-мит хӑтӑӆн Ёмвош «Югра» нємуп РИЦ хот йитн айке хӑншты па ӑкӑтты ёх иха ӑкӑтсыйт, ӆәӆн айкеӆ тәты, муй щирн тӑм ӆавӑрт мәшӑӊ пурайн  «Многофункциональ­­ные центры Югры» в условиях пандемии» рәпитӆӑт. Тӑм вєрӑт оӆӑӊӑн мўӊева Югра мўв МФЦ тӑхи кәща Владимир Михайлов путӑртӑс.

Мўвтє шуши мирӑт мӑңхӑт постӑты еӆпийн  Российской национальной гвардия тӑхи ёх «Хӑнты ясӑӊ» па «Луима сэрипос» газетайӊӑн кәща кана вәӆты нє Галина Кондина, айкеӆӑт ӆэщӑтты па киникайт хӑншты нєӊӑт-хәйт пиӆа вәйтантыйӆсӑт.

Муй вўрн ай кәртӑн вәӆты увӑс ёх няврємӑт хӑнты йис вәӆупсыя мәстӑты щира вәнӆтӑты, щимӑщ концепция нємуп нєпек 2020-2024 - мит оӆӑта Югра кәща ёх ӆєщӑтсӑт.

Щи нєпек нётӆ ӑш­колая ӑнт ӊхты няв­рємӑта, оӆӑң классӑӊ пушхӑта вәнт кәртӆаӆн ӑӊкиӆаӆ-ащиӆаӆ хо­наӊӑн вәӆман вәнӆ­тыйӆты. Щи вєр нётӆ йис хӑнты мир вәӆупсы вєрӑт ӑнт юрємӑты, еӆӆы щи вєрӑт тәты, ясӑӊ, моньщ-путӑр ӑнт юрємӑты, ӆыв вәӆты мўвеӆ ӆавӑӆман вәӆты, – путӑртӑс Наталья Комарова. 

Санкт-Петербург вошн А.И. Герцен нєм­пи университет хуща увӑс мир вәнӆ­тыйӆ­ты институтн 2020-мит оӆн нємасыя вән нєпека вәнӆ­тыйӆтэӆ кєша эвет па пухӑт ӆавӑӆӆайт. Ӑшкола етшуптум няврємӑта тӑта вәнӆтыйӆты рӑхӆ:

Вәщ тыӆӑщ 20-мит вўш эвӑӆт «Приз­нание» нємпи премия хоӆумты пӑта вохты нє­пекӑт китты рӑхӆ.

Вәщ тыӆӑщ Россия мўвев президент грант вух хоӆумты кӑсупсы сухнӑс. Фонд – 2 миллиард шойт вух.

Югра мўвн каркама оса вєрӑт әхтыйн рә­питты ёх мойӆупсы вўты пӑкӆӑт.

Россия мўв «Гор­дость нации» нє­муп мойӆупсы вохты нєпек вўнш тыӆӑщ 16-мит хӑтӆ вўш эвӑӆт лыпӑт хойты тыӆӑщ 15-мит хӑтӆ вәнта «Ассамблея народов России» тӑхия мосӆ китты. 
Тӑм мойӆупсы ӆапӑт вєр щирн оса тӑхетн кӑпӑртты хӑннєхәйта мойӆуптӑӆы: 

Округев хоттєӆ ёха нётты пӑта «Ма щемьяем» кӑсупсы мӑнум пурайн вух хоӆумсы. Араттєӆн Россия мўв ӆуваттыйн вәӆум кӑсты вєрн 20 мўв нух питӑс, ӆыв кўтэӆн округев. Ӆыв ар няврємӑӊ хоттєӆ хуятӑта ин нётупсэт вєрӆӑт.

Щи грант вухӑт 12 миллион шойт муӆтас арата юхӑтсӑт. Щимӑщ вухӑт унтасн округев хуща иса 2020-мит оӆ вўш эвӑӆт па 2021-мит оӆ вәнта ар няврємӑӊ хоттєӆ ёх нётты питӆыйт, мӑта хӑннєхуятӑт шєӊк нў­шая вәӆӆӑт. 

Щи оӆӑӊӑн округ правительства мир­хот пурайн уша йис. Щи вєр тәты пӑта ок­ругевн «Шәкащты па ӑӊкиӆы-ащиӆы хӑщум няврємӑта нётупсэт» нємасыя поступсы вәӆ.

Округ социальной вєрӑт тәты де­пар­тамент ёх интӑм нәмӑсӆӑт, муй щирн щи поступсы тәты, ӆәӆн социальной найм щирн йиӆуп хотӑт мӑты.

Щи вєр сорашӑк тәты мосӆ, ӆәӆн шәкащты няврємӑт мосты пу­райн йиӆуп хотӑта ат касӑӆсӑт, – лупӑс ок­руг кәща нє Наталья Комарова.

Югра мўв кәщайт мирхот пурайн округ кәща нє Наталья Комарова айӆат ёха хотӑт мӑты оӆӑӊӑн айкеӆ тәс. 

Россия мўв хотӑт омӑс­ты минис­терст­вая вохты нєпек кит­сы, ӆәӆн мўӊ ок­ру­гев «Россия мўв хӑн­нєхуятӑта м хотӑт мӑ­ты вєр» поступсыя ат хӑншсы.
– Вохты нєпек хӑнш­сўв, ӆәӆн федеральной бюджет эвӑӆт вухн ат мӑ­сыюв, щи унтасн 2021-мит оӆн 308 айӆат хот­тєӆ ёха йиӆуп хотӑт ӆәтӆўв, – округ кәща нє Наталья Комарова ӆупӑс.