ӈк нāтнэ тпос оигпан порат округувт сосса мирн нтмил вāрнэ Ассамблея депутатыт сāпрани вāрыгласыт. Ассамблея кӯщай Еремей Айпин, мāньщи депутатыг Татьяна Гоголева, Руслан Проводников нёлолов тла урыл потыртасыт. Ты вāрмальн округ кӯщай вāӈын хум Алексей Забозлаев ос мирн нтнэ сāвсыр департамент кӯщаит ёхталасыт.

влт финансовый де­партамент кӯщай вāӈын н Светлана Попкова 2025 тāл ос лаль 2026-2027 тāлытн бюджет олныт сāвсыр тлат щирыл лāк­ква-уртнэ вāрмаль урыл потыртас. Вāт нупыл нила рнэ программат нтми­лыл вāр­всыт. Ты хнт­лын хтпатн нтнэ тла ос демо­гра­фия,  ӯлтта вāрнэ унса­хыт ос лӈхыт мӯс­хал щирыл щпитан вāр­маль, ӯсыт ос пвлыт мā­гыс суб­сидия-олн рнэ тлан нтумтавес, мир пус­малтан, кол ӯнттын тлан, ха­нищтап, культура ос ка­сыл, лнэ кол мāгыс ойтхатнэ ос мт сāв вāр­малит мāгыс олн тāстувес.  
Мāньщи депутат н Татьяна Гоголева кӯщаитн тамле вāрмаль урыл по­тыртас. Ань Хāльӯс районт Саквъ вāтат лнэ мāньщи мāхманув хӯл алыщлаӈ­кве щар ат тā­ра­тавет. Пāвлыӈ хтпат тāнки мāгсы­ланыл тнэ хӯл пувуӈкве ат врмгыт. Хотьют хӯл алыщлым пу­ваве, тав яныг штраф-ол­ныл пинаве. Тот ты тла мӯс­хал щирыл щпитаӈ­кве рыс кос,  вāтат лнэ мāньщи хт­панув тāнки мāгсыланыл хӯл пилтāл вос алыщласыт. 
Кӯщай хтпат лāвн­ныл щирыл, ань Нр ля­пат лнэ мāтэ ос т ӯр­га­лан мāг вāруӈкве номт тотаве. Ос ань хӯлыт с­руӈкве миннэ порат хӯл пувуӈ­кве щар ат рви. Тлы порат хӯл ӯнлын мил мāт ос хӯлуп ӯнттуӈ­кве ат тāртаве. Тот хӯлыт лаль акваг вос сāвмы­сыт, наукат рӯпитан хт­патн та мā ос т влт ём­щакв ханищ­таӈкве ри, тувыл ущ хӯл алыщлан тла урыл потыр тотуӈ­кве рви. Таимāгыс ань ты вāрмаль аквты хольт хультуптавес. 
Тувыл округувт мансā­вит сосса мāньлат āгит-пыгыт ань лгыт, ты урыл ос потыр лыс. Ювле хультум тāл мус статис­тика щирыл, кāсыӈ тāл­ныл сосса нврам сāвнуве мты. Млты тāл яныгсāт атпан нупыл нила сāвит сосса нврам школа āст­ланныл юи-пāлт лаль ханищтахтуӈкве минасыт. Хтпан сāвит нврам Сургут ӯст ханищтахты, хультум нврамыт ос мт сāвсыр мāт ханищтахт­гыт. 

Ос ань тамле вāрмаль лы, мансāвит сосса нв­рам округ университе­тытт ханищтахтгыт, ты урыл статистика āтим. Ты нврамыт туп школан ёх­тум порат щāнянылн-āщанылн хансавет. Тувыл тāн школа āстынныл юи-пāлт лаль ханищтах­туӈкве мингыт, анкета щирыл тват мāньщииг ос хантыиг ат хасхатгыт. Тыимāгыс ловиньтан вāр­маль тыгле-тувле яласы, тванакт сāв сосса āгит-пыгыт лгыт, тва порат ос мощщаг мты.
Общинат урыл ос там­ле потыр лыс. Мā-вит ӯргалан департамент кӯ­щай хум Сергей Филатов лāвме щирыл, округувт онтырсāт сāвит сосса мāхум община хансым лы. Тыгыл сāтхуйплов община реестр-нпакн хансым ат лгыт. Ты общинат олныл нтнэ мāгыс тāнаныл с тув хасхатуӈкве ри. 
Общинат матыр рӯпата вāргыт манос āти, акваг уральтым ньщавет. Ань нёлсāт общинатыт нёло­ловсāт арыгтем лумхлас сāвсыр рӯпата вāргыт, сāвыӈпāлэ сосса хтпат. Тот мāхум хӯл алыщлгыт, враим яласгыт, сāлыт ӯрим рӯпитгыт, пил вā­тгыт ос тнут-пормас вā­ргыт. 2024 тāлт иӈ нила община пӯсвес, хт об­щи­нат ат рӯпитанныл мāгыс ос сут хосыт лап-пант­всыт. 
Хоты общинат йис мāт матыр рӯпата вāргыт, тāн государство пāлыл олныл нтавет. Ань сосса хтпат кит тла щирыл олныл ойтавет. Налыман нупыл ат тāл яныт мāнь­лат сосса щмьят, хотью­тыт акв нврам ос тыгыл свнув ньщгыт ке, тāн ōлнэ кол ӯнттын мāгыс олныл ойтавет. Тувыл ос хтпан тāлныл яныгнув сосса щмьят, хотьютыт нврам ат ньщегт, тāн с кол ӯнттын мāгыс ол­ныл мивет тах. Ань окру­гувт пуссын аквъёт нёлсāт нупыл нила тамле щмьят лгыт, тāн ты вāрмаль щирыл нтуӈкве патавет.
Тыи ос мт тлат кӯ­щаит ёмщакв нпакн хас­саныл ос ты потрыт Ду­ма сапрāнин пирмайтан мāгыс кēтсаныл.
Николай МЕРОВ