Ханты-Мансийск ӯст туи мāньхāпыл товнэ мирхал касыл лыс. Тнт мāн акв мāщтыр хтпа ёт вāщинтахтасӯв, тав наме Данил Торопов. Хум āньтныл ос йӣвныл сāвсыр пормасыт мāщтырлы. Тав хот яныгмас, хот ханищтахтас, манырсыр пормасыт мāщтырлы ос такви лупсатэ урыл потыртас.

Данил Торопов рущ хум, Ханты-Мансийск ӯст лы. Тав сāртын нвра­мыт ёт сāв тāл Творче­ство колт рӯпитас. Тот сāвсыр ӯй хуритныл шах­матал ёнгын утыт вāрыс ос нврамыт пормасыт ёр­гуӈкве ханищтас. Тувыл тав мāньщит ос хантыт пс йис пормасыт мāщ­тырлаӈкве номылматас. 
влт номсыс, пенсиян мины, нас такви мāгсы­лэ мāщтырлаӈкве паты. Тувыл Творчество колт Анатолий Вадичупов, мāщтыр мāньщи хум, пормасанэ кāсалас ос такви мāщтырлаӈкве вылтахтас. 
Данил округувт мāщ­тырлан вāрмалин ха­нищ­тахтын кол ат хнтыс. Тав лувныл пормасыт вā­руӈкве сака кāсащас. Таи­мāгыс Салехард ӯсн минас. Ямал мāт Ремёсла кол лы. Тот мāхум лув­ныл сāвсыр пормасыт ёргуӈкве ханищтавсыт. Тот кит хтпаг Александр Сатруев ос Сергей Ляпа таве ханищтастн.
Данил сāт хтал ха­нищтахтас. Лувныл хумус мӯсхал щирыл пор­ма­сыт вāруӈкве ос манхурип ста­нокыл рӯ­питаӈкве ри, Данил тот ты ёмащакв матыр-ти тāра-пат­ты­с.

Ань тав Ханты-Ман­сийск ӯст хӯрмит тāл мāхар лувныл, мāколыӈ­йка ӯлыщпуӈ­кытыл, сāлы āньтныл ос йӣвныл сāвсыр ёнгын утыт вāри. Ты ёнгын утанэ рущ щи­рыл головоломкаг лā­ва­вет.  
Данил Торопов такви мāщтырлан колэ «Данил мастер» намыл пиныстэ. Пс порат сосса мāхум тамле ёнгын утыт нвра­мыт мāгыс вāрсыт. Тāн тāнкирот ёнгасым вос лсыт. Ты коныпал ты хосыт нврамыт ёмщакв номсахтасыт ос кāтыл кӯстырыг сāвсыр пор­ма­сыт вāруӈкве ханищ­тах­тасыт. Ты мӯтраӈ ос пӯмащ ёнгын утыт тва­накт яныгхтпатын хань­щуӈкве ат врмавет, таве тāра-паттын мāгыс хоса номсахтуӈкве ри.
Ты пормасыт тав туп мāхар, сāлы, янгуй лу­вытныл, йӣвныл ос сāлы совытныл вāриянэ. Йӣв хурит касаил ёрги ос ста­нокыл састумтыянэ. Лув хурит ос намыл вāрим касаил ёргиянэ, тувыл гравировкал рнэ щирыл осгиянэ. Данил рӯпататэ урыл тох лāвыс:
– Ялпыӈ хталыт лыг­лан порат, ам амки вāрум пормасанум суссылта­пын акваг тотыглыянум. Мāхум ам врум порма­санум сака пӯмща­лыя­ныл, вāтихал ёвт­гыт. Ты пормасыт тыналан порат ам лыл ёхталам мӯй хтпатын хантыт ос мāньщит пс йис луп­саныл, лнэ-хӯлнэ тла­ныл урыл потыртгум. Ты пормасыт кāсалан юи-пāлт, тва хтпат мāн округувн ёхталаӈкве сака кāсащгыт.
Данил вāрум порма­санэ Ханты-Маснийск ӯст «Мā-вит ос лум­хлас» ос «Трум Маа» музеигт, тувыл Югорск ос Нягань ӯсыг музеит кāсалаӈкве врмегн. Лувныл ос йӣвныл вāрум хури­янэ Москва ӯст ос мт хн мāт ань с лгыт. 
Ты коныпал тав в­рум хуриянэ ищхӣпыӈ ут хо­сыт «ВКонтакте» лпсыт кāсалаӈкве рви. Хунь матыр йильпи хури вāри, таиянэ тāра пс­лыянэ ос тув ханлыянэ. Хоть­ютын ты пормасыт рмыглгыт ке, нāн ты ищхӣпыӈ ут хосыт ёвтуӈ­кве врмегн. 

Николай МЕРОВ