Кәща ёх вєрӑт - Политика

Васы мӑнты тыӆӑщ 15–17-мит хӑтӆӑтн Когалым вошн Перм­ской поли­тех­ниче­ской универ­ситетн «Шуши мир. Сыстам ӆыӆ рўв. Питы вуй. Поступсы» мирхот вәс. Щив 150 муӆтас хӑннєхә округев, Ямал, Карелия мўв­ӊӑн па Москва хон вош эвӑӆт вәсӑт.

Мєт сыры нўшайт оӆӑӊӑн иньщӑсты хӑрӑт рәпитсӑт. Кашӑӊ хӑннєхә округ шуши мир вәӆупсы вәньӆьты нє Л. Алфёрова, ӆыв саттэӆа вєр тәты ёх нёт­ман тӑйты нє И. Каск па арсыр кә­щайт эвӑӆт арсыр вєрӑт оӆӑӊӑн инь­щӑсты вєритӑс.
Щӑӆта мирхот оӆӊит­сы. Онлайн щирн Ёмвош эвӑӆт округ кәща ӆӑӊкӑр хә А. Забозлаев вўща вєрӑс:

Ай тӑхет потты тыӆӑщ 10-мит хӑтӆӑн Ёмвошн шуши мирӑт Ассамблея хотн мирхот вәс. Щӑта юхтум ёх путӑртсӑт, хуты айӆат хуятӑта ӑшкола пийн щи тӑхетн вәнӆтыйӆты мосӆ, ӆәӆн еӆӆы ӆыв м рәпата ат вәйтсӑт.  

Мӑнум ӆапӑтн Ём­вошн мирхот вәс, хута Россия мўв хӑннєхә правайт вәньӆьты уполномоченной хуя­тӑт ӑктӑщийӆсӑт. Ӆыв щи мирхотн кӑши-мәш тӑйты хӑн­нє­хуятӑт правайт вәнь­ӆь­ты вєрӑт оӆӑ­ӊӑн путӑртсӑт. 

Мирхотн Ёмвош округ кәща хә Р. Кухарук, Россия мўв ӆуваттыйн хӑн­нєхә правайт вәньӆьты нє Т. Москолькова, Россия сенатор па Увӑс мирӑт, Сибирь па Дальний Восток Ассоциация кәща хуят А. Новьюхов, округев фе­деральной инспектор А. Постников, Югра мўв хӑннєхә правайт вәньӆь­ты хуят Н. Стребкова па Россия па мўвӑт эвӑӆт уполномоченной хуятӑт вәсӑт. 

Тӑта мосванӑн вәщ тыӆӑщ 27-мит хӑтӆ вўш эвӑӆт па 31-мит хӑтӆ вәнты Югра мўв хон вошевн «Добрино» нємуп гражданской общества тӑхийн 500 айӆат учёной хӑннєхуятӑт иха вуӆаӊ мирхота юхтыйӆсӑт. Ӆыв араттєӆн Россия хон пєлӑк 64-кєм тӑхи па 16-кєм сыр-сыр па хон пєлкӑт эвӑӆт па вәсӑт: Австрия, Бельгия, Испания, Италия, Республика Кипр, Молдова, Нидерланды, Польша, Сербия, Словакия, Хорватия па Беларусь. Иха вєрум вәйтантупсэӆ «Арктика. ӊк нюхӆӑс» нємн кантсэӆ.

Тӑм ванӑн округ кәща хә Руслан Кухарук Сўмӑтвош района ӊхӑс. Сўмӑтвошн ӆўв Руслан Александров район кәща пиӆа вош хўват ӊхӑс па вантӑс, муй тӑм оӆ щӑта омӑсты оӆӊитсы. 

Тухӆӑӊ хопӑт ӆатты тӑхи йиӆпа ӆэщӑт­ӆы. Щи тӑхи йиӆпатты оӆӑӊӑн тәняӆ путӑртсы, хән округ кәща хәев Сўмӑтвош районӑн вәс. Щи вєр пӑта округев эвӑӆт мосты арат вух єсӑӆсы. Ай тӑхет потты тыӆӑщ 1-мит хӑтӆ вәнты ӆатты тӑхийн, мӑта ут 1864 метра вәӆ, сэй па цемент эвӑӆт нє­ма­сыя рўвтум ут пунӆы. Па оӆ па асфальтобетонной утн эӆты лаӊкӆы. Ӛхӑт Сўмӑтвоша вәншӑк тухӆӑӊ хопӑт омӑсты щир тӑйты питӆӑт.

Вән кєр тыӆӑщ 25-мит хӑтӆӑн Москва вошн «Россия» национальной центр хот хуща Увӑс мўв, Сибирь па Дальний Восток мўвӑт ёх 10-мит пўш вән мирхота ӑктӑщийӆсӑт. 

35 оӆ мӑнӑс щи пура вўш эвӑӆт, хән ӆыв оӆӑӊ пўш ӑктӑщийӆсӑт, щи пурайн Увӑс мўв, Сибирь па Дальний Восток мирӑт Ассоциация пўншсы. Щи тумпи тӑм оӆн Ёмвош округев 95 оӆа йиӆ, щирн щи вән мирхот Москва вошн вєрӑнтсы. Тыв 400 хӑннєхә 28 мўв эвӑӆт юхӑтсӑт, щит 40 арсыр мирӑт ёх. 
Югра мўв эвӑӆт тыв кә­ща хә Руслан Николае­вич Кухарук па шуши ёх юхӑтсӑт. Округев кәща лупӑс:

Россия мўв Президент ики В. Путин поступсы щирн, 2024-мит оӆ Ас нопăтты тыӆăщ 30-мит хăтӆ вўш эвăӆт Югра мўв губернатор кана Руслан Кухарук йис.

Щи пура вўш эвӑӆт и оӆ мӑнӑс, щирн интӑм ай павӑтӆўв, муй­сӑр вєрӑт щи оӆ мӑр округ кәщаев унтасн вєрсыйт.
Р. Кухарук мєт вуӆаӊа Югра мўвн вәӆты мирев вәӆупсы, мирев нумсӑт па ясӊӑт вантман па имухты тўӊматман тӑйӆ. Щиты 2024-мит оӆ Ас нопӑтты тыӆӑщ 30-мит хӑтӆ вўш эвӑӆт тӑмхӑтӆ вәнта ок­ругевн щимӑщ йиӆуп тӑ­хет пўншсыйт:

Тӑм ванӑн Россия мўвев правительства кәща ёх «Концепция устойчивого развития коренных малочисленных народов Севера, Сибири и Дальнего Востока Российской Федерации» нємпи вуӆаӊ нєпекӑн ёш пос пунсӑт. Щи нєпек хўват ин шуши мирӑт 2036-мит оӆ вәнты нётты питӆыйт.

Россия мўвев сенатор хә, Увӑс мўв, Сибирь па Дальний Восток ми­рӑт Ассоциация кәща Александр Новьюхов лупӑс, муйсӑр йиӆуп вє­рӑт щи вуӆаӊ нєпекӑн хӑншсыйт:

Вән кєр тыӆӑщ 24-мит хӑтӑӆн округев Дума хотн 44-мит мирхот мӑнӑс. Щи вуӆаӊ вәйтантупсы пурайн иха ӑктӑщум депутатӑт еӆпийн Югра мўв кәща хә Руслан Кухарук арсыр айкеӆӑт вєрӑс, хуты юхи хӑщум 2024-мит оӆн ӆўв правительства кәщайт пиӆа вәс, вещката па тўӊщирӑӊа кашӑӊ вєр вєрӑс. 

Ёмвош округ Дума депутатӑт нємӆаӆ эвӑӆт нынана Вуӆаӊ По­беда 80 оӆ мӑӊхӑтӆ пӑта м вўща ясӊӑт лупӆум!
Нивӑӆъяӊ оӆ юхӆы юхи хӑщум пўш пушкан нёӆ сыйт сащсӑт, Вуӆаӊ Оте­чественной ӆаӆь сухнӑс. 1945-мит оӆ Ас нопӑтты тыӆӑщ хўвн хӑщӑс, тәп мўӊ, ӆаӆьн нух питум ёх няврємӆаӆ па хиӆыӆаӆ, иса пурайн ӆаӆьн ӆаӆясум ёхӆўва вән пәмащипа ясӊӑт лупты питӆўв мўӊе­ва сыстам єтар хӑри па вәӆупсы мойӆумеӆ пӑта.