Кәща ёх вєрӑт - Политика

Лыпӑт тыӆӑщ 30-мит хӑтӆӑн Ёмвошн округ Дума хуща вәӆты увӑс мирев Ассамблея 47-мит пўш мирхота ӑктӑщсӑт. Мирхот тәты щира Ассамблея ух хә па Югра Дума хуща ӆӑӊкӑр хуят Еремей Айпин вәс. Ассамблея ӑктупсыйн депутатӑт, округ кәща ёх, мир пиӆа рәпитты хуятӑт па айкеӆӑт ӑкӑтты ёх вәсӑт. 

Вән кєр тыӆӑщ 16-мит хӑтӆӑн Ёмвошн Россия мўв мирев иха пиӆтӑщты VII-мит ӑктупсы вәс. Щи ӑктупсы арсыр вєрӑт кўтн «Коренные народы в современном мире: актуальные проблемы сохранения этнокультурного достояния» научно-практической мирхот тәсы. Щӑта арсыр нумсӑт, арсыр путрӑт и лота ӑкмум тӑхи пўншсы. Щӑта Россия мўв ӆуваттэвн наука щира вәӆты ёх, культура щира рәпитты хуятӑт, вәнӆтӑты айӆат ёх, мир пиӆа рәпитты хӑннєхуятӑт иха ӑкумсӑт. Югра, Карелия, Удмуртия, Хакасия, Ненецкой автономной округ, Томской па Тюменской областьӊӑн эвӑӆт юхтум мирев тӑта вәсӑт па путӑртсӑт.

Вән кєр тыӆӑщ 21-мит хӑтӑӆн округев Дума хотн шуши мирӑт Ассамблея депутатӑт 45-мит мирхот ӆэщӑтсӑт. Щи пурайн иха ӑктӑщум кәщайт арсыр йиӆуп поступсэт уша вєр­сӑт па хәӆӑнтсӑт, муй щирн Югра мўвн шушия вәӆты ёх мӑнум оӆ сыр-сыр вєрӑтн нётсыйт.

Вуӆаӊ ӆўӊтупсы де­путатӑт, кәщайт па тӑм мирхота юхтум ар­сыр хӑннєхәйт еӆпийн округ вәӆупсы вантман тăйты департамент хуща кә­ща кана вәӆты хә Сергей Пишуков тәс.

Вән кєр тыӆӑщ 23-мит хӑтӑӆн Ёмвошн округев Дума хот депутатӑт 56-мит мирхот вєрсӑт. Щи мирхотэӆ мӑнум пурайн депутат ёхӆўв араттєӆн 25-кєм йиӆуп поступсы вантсӑт па артаӆӑсӑт. Россия хон пєлӑк мўвн йиӆпа вєрум законӑт па мсыева округев хӑннєхуятӑт пӑта ӆэщӑтсӑт. Щи тумпийн Югра мўв кәща хә Руслан Кухарук айкеӆ тәс, муй щирн мӑнум 2025-мит оӆн округев правительства ёх рәпитсăт па муй хурасуп вєрӑт иса ӆыв вєрсӑт.

Ас нопӑтты тыӆӑщ 9-мит хӑтӆӑн Ёмво­шӑӊ мир Вуӆаӊ По­беда хӑтӆ постӑсӑт. Щикўш тӑмхӑтӆ камн вотӑӊ па ртӑӊ вәс, тәп яӊ щурӑскєм вошӑӊ мир няврємӆаӆ пиӆа вошӑӊ кўтуп хӑра юхӑтсӑт.

Округ кәща хә Рус­лан Кухарук Вуӆаӊ ӆаӆьн нух питум хӑтӆ пӑта м вўща ясӑӊ вєрӑс:

Вән кєр тыӆӑщн 14-мит хӑтӆ вўш эвӑӆт па 16-мит хӑтӆ вәнта Ёмвошн мирев иха пиӆтӑщман вәӆты щира вєрум VII-мит Все­российской ӑктупсы вәс. Щит мўвев ӆуват вән вәйтантупсы, тӑм тӑхия вән кәща ёхӆўв, учёной щира вәӆты мирев, ёх пиӆа рәпитты хӑннєхуятӆўв па кашӑӊ мирев тӑйты вән нєпекӑӊ ёх ӑкумсӑт. 

Ёмвошн ай кєр тыӆӑщн шуши мирӑт Ассамблея па округ Дума хуща ӑктупсы вәс. Югра Ассамблея хуща путӑр мӑнӑс вәнт вой веӆпӑсӆӑты оӆӑӊӑн па увӑс мирева юридической нётупсы мӑты оӆӑӊӑн.

Ассамблея мирхот

Ай кєр тыӆӑщ нӆ­мит хӑтӑӆн Ём­вошн округевн вәӆ­ты хўӆӑт ӆавӑӆты ёхӆўв мирхота ӑк­тӑщийӆсӑт, хута ӆыв рәпатаеӆ оӆӑӊӑн ар­сыр айкеӆӑт вєрсӑт па путӑртсӑт, муй щирн тӑм юхи хӑщум 2025-мит оӆн Асн па юханӑтн рәпитсӑт.

Щи пурайн Ниж­необской управ­ления Росрыболовства тӑхи кәща хә Иван Ма­таев нёхмӑс, хуты Асн муй арсыр юханӑтн хўӆы та­щӑт вещката ӆавӑӆты пӑта Югра мўвн инспекторӑта рәпитты хӑннєхуятӑт оӆӑӊ тӑхия Уральской фе­де­ральной округев мўвн юхӑтсӑт. 

Сәрханӆ вошн ай кєр ты­ӆӑщ 11-мит хӑтӑӆн «Ок­руг шуши мир вой-хўӆ веӆ­пӑсӆӑты па вўӆы ӆавӑӆты вєрӑт оӆӑӊӑн: шуши мир пӑ­та поступсэт, нўша вєрӑт тўӊ­матты» нємпи ӊта пӑсан вєрса.

2026-мит оӆ тәнӆуп тыӆӑщ 26-мит хӑтӆӑн Ёмвош округ Дума 54-мит мирхот вәс, хута округев пӑта мосты вєрӑт нух вантсыйт. 

Оӆӑӊӑн Югра мўв Дума кәща хә Бо­рис Хохряков мӑнум оӆ ӆэщӑтум рәпатаеӆ оӆӑ­ӊӑн путӑртӑс. Муй ӆыв оӆ мӑр вєрсӑт, ӆәӆн ӑӆ хӑннєхуятӑт вәӆупсы кєншӑка па ма вєрты. Мєт така ӆыв мӑнум оӆн социальной, мир мӑӆты па закон щирн вәӆупсы ӆэщӑтты вєрӑт тўӊщирӑӊа нух вантсӑт па тәсӑт.