Шуши мирев культура - Культура обско-угорских народов

Ай ӛрамӑт потты тыӆӑщн 22-мит хӑтӆӑн Ёмвош кимит ӑшколайн «Торум Маа» хущи рәпитты увӑс хӑнты хә – Вячеслав Юрьевич Кондин па вухаӆь хә – Анатолий Николаевич Брусницин пила вәйтантупсы вәс. Ӆын китумтак ван путрӑт рўщ ясӑӊӑн хӑншты хуятӊӑн. Щи ӑшколайн 10-мит классӑӊ няврємӑт пиӆа киникайт ӆўӊӑтты хотн «И разбудит нас с тобой май…» киника оӆӑӊӑн путӑртсӑӊӑн. 

Вячеслав Юрьевич ястӑӆ: 

Арсыр мир кўтн щимӑщ хӑннєхуятӑт вәӆӆӑт, мӑта ёх хўв мӑр нәмӆыйт па сӑмн тӑйӆыйт. Ӆыв вәӆтэӆ мӑр нюр хәсӑт иты хәтӆӑӆӑт, сыр-сыр м па әмӑщ вєрӑт рәт миреӆ пӑта вєрӆӑт па тўӊ па мосты ӛш аӆьӆӑт. Щимӑщ хӑн­нєхәя хӑнты ими Фёкла Семёновна Бондаренко вәс. 

Вәйт ӆор тыӆӑщ 9-мит хӑтӆ вўш эвӑӆт па 10-мит хӑтӆ вәнты Ёмвош Ремёслайт хотн наукайт щирн мӑнты мирхот вәс. Щи мирхот пурайн арсыр ай кәртӑт па вән вошӑт эвӑӆт иха ӑктӑщум хӑннєхуятӑт ӆўвăт эвӑӆт сыр-сыр пурмӑсӑт эвӑттыя вәнӆтӑсыйт. Щимӑщ хәйт-нєӊӑтн вәнӆтӑты хә ёх кўтӑтн и рўщ ики вәс. Ӆўв шєӊк тәса арсыр вәнт вой ӆўвӑт эвӑӆт пурмӑсӑт эвӑтты хошӆ па щи пӑта тӑм мирхотн хуятӑт вәнӆтыйӆман рәпитӑс. Ма ӆўв пиӆэӆа нємасыя вәйтантыйӆсум па мкєм хўв мин кўтємн путӑртсумн.

Андрей Михайлович, га­зетаев ӆўӊӑтты хӑннє­хуятӑта мӑтты ай­кеӆ тўва?

Евгения Валерьевна Вьюткина (Анямова) сєма питӑс, єнмӑс па тӑм хӑтӆ вәнта Сўмӑтвош район Саранпауль вошн вәӆ. Ӆўв иса пўш и нумӑсн вәӆ, муй вўрн йис вухаӆь ёх вєрум тәс пурмӑсӑт тӑм хӑтӆ вәӆупсыя павӑтты. Ин Евгения Вьюткина Ёмвошн Ремёслайт хотн рәпитӆ, щикўш Саранпауль вошн вәӆ, тәп карты щўӊкӑт мухты рәпитӆ. 

Евгения Валерьевна нумсӑӆ йис вєрӑт пєӆа кєрӆӑс, сӑмӑӆн йис вєрӑт пєӆа таӆты питса − щит «Мань ускве» нє­муп няврєм кәртӑн вәӆ­маӆ пӑта. Ӆўв ясӊӑӆн: 

Расима Аламетдиновна Ибраева Мегион вошн «Региональный историко-культурный и экологический центр» тӑхийн научной сотрудника рәпитӆ. Щи экоцентр хуща рәпиттаӆн Расима Ибраева увӑс мирев йис вәӆупсы пєӆа па хӑнты, юрн ёх пєӆа сӑмӑӆн таӆты питса. 2025-мит оӆн ӆўв Юван Шесталов нємн кантум премия ёша павтӑс. Щи нєм кантӆа щи хӑннєхәя, мӑта хуят увӑс мирев рәт ясӑӊ, йис вәӆупсы, йис арӑт-моньщӑт па сыр-сыр йис вєрӑт вәнӆтӑӆ муй па па щира щи вєрӑт вана тӑйӆ.

Васы мӑнты тыӆӑщ 3-мит хӑтӆӑн Ӆаӊаӆ ас Байбалак пусӆ хуща ветмит пўш «Хутӑӊ хурас» поры ӆэщӑтсы. Щӑта Ёмвош шуши мир па мойӊ ёх, щит Россия мўвев арсыр музеятн научной рәпатнекӑт, вәсӑт. Тӑм поры м арат оӆ «Торум Маа» музей рәпатнекӑт ӆэщӑтӆӑт. Хәнты Ас нєӊӊӑн Людмила Алфёрова па Любовь Кашлатова щи поры Ёмвош пўӊӑӆн ӆэщӑтты нумӑс вєрсӑӊӑн. 

Ай тӑхет потты тыӆӑщ 1-3-мит хӑтӆӑтн Россия мўвев хўваттыйн этнографической музеятн рәпитты ёх па этнографӑт пӑта Ёмвошн вән мирхот вєрӑнтсы. Щит «Мўв-авӑт па Хӑннєхә» музейн рәпитты ёх ӆэщӑтсӑт.

Лыпӑт хойты тыӆӑщн 25-мит хӑтӆ эвӑӆт 28-мит хӑтӆ вәнта Санкт-Петербург вошн Увӑс мўв, Сибирь па Дальний Восток хуща вәӆты этнокультурной центрӑт ӆыв рәпатаеӆ ванӆтӑты щира вән мирхот вәс. Мир Государственной академической капелла хотн ӑктӑщсӑт, иса йис вєрӑт шавиман тӑйты 120 муӆтас ханнєхә 12 мўвев сўӊӑт эвӑӆт юхӑтсӑт, щит Якутия эвӑӆт Ленинградской область вәнта. 

Щи вәнӆтӑты хӑр Ёмвошн лыпӑт хойты тыӆӑщ 22-27-мит хӑтӆӑтн вәс. Тыв Югра мўвев арсыр вошӑт па кәртӑт эвӑӆт мойӊ хуятӑт юхтыйӆсӑт. Округ ремёслайт центр хотн рәпитты ёх щи мирхот вєрты щира ар ӛр пунсӑт. 

Щи тӑхийн рәпитты нє Елена Новью­хо­ва путӑртӑс, хутыса ӆыв щи вәнӆтӑты хӑр вєрты нумӑсн юхӑтсыйт:

Вәйт ӆор тыӆӑщ 29-мит хӑтӆӑн «Торум Маа» нємпи йис пурмӑсӑт ӆавӑӆты хотн вўӆы па кўрӑӊ вой ӆўвӑт па оӊӑт эвӑӆт вєрум пурмӑсӑт ванӆтупсы пўншсы. 

Йистєӆн шуши мирӆўв вўӆы па кўрӑӊ вой ӆўвӑт па оӊӑт эвӑӆт вән па ай пурмӑсӑт вєрсӑт. Вантэ, щи пурмӑсӑт мєт такӑт. Лупӆы, матты ки, кўрӑӊ вой ӆўвӑт па оӊӑт таканшӑк вўӆы ӆўвӑт па оӊӑт киньщи. Вўӆы па кўрӑӊ вой ӆўвӑт па оӊӑт эвӑӆт нємасыя щўӊкӑт, щӑӆта кеши нӑӆӑт, ёш пур нӑӆӑт, ёнтӑсӆуйт, шар пӑта нємасыя хушапӑт, нумӑс юнтутӑт па па мосты утӑт вєрӆыйт.