Шуши мирев культура - Культура обско-угорских народов

Ёмвошн тәнӆуп тыӆӑщн 28-мит хӑт­ӆӑн «Торум Маа» нємуп музей хуща «Тыӆӑщ поры» мӑӊ­хӑтӆ 15-мит пўш вєрӑнтса. Щит йис ёхӆўв эвӑӆт йиты пойкщӑты хӑтӆ, хән Тәрум ащевн тӑӆ ищ­ки хӑтӆӑт тови пє­ӆа кєрӑтты питӆайт. Щит йиӊк хўӆ, вәнт вой ма єнумты пӑта постум пойкты хӑтӆ.

Тӑм ванӑн Нуви сӑӊхум район Касум вошн вўӆєӊ ёх кӑсупсы пурайн «Мӑрӑк тыя єӆӑмӑсӑт» нємпи етнхот вәс. Щимӑщ ванлтупсы Санкт-Петербург вошӑӊ актёр хә Игорь Устинович па кәртӑӊ шуши мир ӆэщӑтсӑт.

«Рәт ясӑӊ – щит вуӆаӊ тащ, мӑта ут йис пура вўш эвӑӆт мўӊ хущева юхтӑс» тӑмӑщ ясӊӑтн «ӊта пӑсан» оӆӊитсы, мӑта ут тәнӆуп тыӆӑщ 27-мит хӑтӆӑн Ёмвошн няврємӑт увӑс мирӑт йис вєрӑта па рәт ясӊӑта вәнӆтӑты («Ӆыӆӑӊ союм») тӑхийн ӆэщӑтыйӆсы. Тӑм мосты вәйтантупсы рәт ясӊӑт хӑтӆа кантсы, мӑта ут тәнӆуп тыӆӑщ 21-мит хӑтӆӑн постӑсы.

Мӑнум оӆн Москва хон воша ӊхмємн ма эвенк хә Анатолий Николаев пиӆа вәтаӊа йисум. Ӆўв вўӆы па кўрӑӊ вой оӊӑт эвӑӆт арсыр пурмӑсӑт вєрты хошӆ, «Мастер декоративно-прикладного искусства» нєм тӑйӆ. 

Юхи хӑщум оӆ ван хӑтӆуп тыӆӑщ ртъяӊмит хӑтӑӆн Ёмвош Экспоцентр нємуп тӑхийн округев ӆуваттыйн вәӆты хӑннєхуятӑт вән кәща ёх пиӆа кашӑӊ пўш «Товары земли Югорской» тынєсты-ӆәтӑсты хӑрӑт ӆэщӑтыйӆӆӑт. Щи пурайн хӑнты мир пурмӑсӑӊ ванӆтупсыйн Пыть-Ях вошӑӊ музей хотн рәпитты хӑннєхуятӑт пиӆа вәйтантыйӆсум па ӆывеӆ иньщӑссєм.

- Ма вәйтӆєм, хуты нын Пыть-Ях вош йис пурмӑсӑт шавиты хот унтасн тӑта хурамӑӊ, әмӑщ ванӆтупсы ӆэщӑтсӑты, мӑтты айкеӆ, аӆпа, тәты вєритӆӑты?

Йистєӆн Касум мўв хӑнтэт, юрнӑт па сӑранӑт вўӆы тащ ӆавӑӆӆӑт. Щит шєӊк ӆавӑрт рәпата, тәп шуши мир щи йис вєреӆ ӆавӑӆман па еӆӆы тўвман иса муй вєрӆӑт.

Мӑнум оӆн Ёмвошн финно-угорской мир писателят мирхот вәс. Щи тӑхи хуща литература вєрӑт оӆӑӊӑн айкеӆ тәсӑт па лупсӑт, муй пӑта тӑм юхи  хӑщум оӆӑтн сыр-сыр киникайт хӑнштыя мосӆ па муйсӑр унтас ӆыв еӆӆы финно-угорской мирӑтн вәӆты ӑӆ хӑннєхуятӑта тәты вєритӆӑт. 

Ёмвошн Ас хӑӆты тыӆӑщн 31-мит хӑтӆӑн Ас-угорской институт хотн библиотека хот йит хуща вәйтантупсы вәс, щӑта «Среднеобские ханты – это мы» оӆӑӊӑн киника путӑр мӑнӑс. Щи киника Октябрьс­кой краеведческой музей хуща рәпитты научной сотрудник, краевед нє Наталья Владимировна Крюкова хӑншӑс. 

2024-мит оӆн Касум шуши мир «Нярса» община тӑхи «Президентский фонд культурных инициатив» кӑсупсы хуща «Касум мўв хӑншӑӊ тунты» нємпи проект пиӆа нух питӑс. Яков Никифирович па Зоя Никоновна Тарлинӊӑн – щит «Нярса» тӑхи тӑйты ёх. Яков Никифирович арсыр пурмӑсӑт, кєшӑт, сотпӑт тәса па ма вєрты хошӆ па х эвӑӆт вєрты вєрӑта няврємӑт вәнӆтӑӆ.  Зоя Никоновна айтєӆн ёнтӑсты питӑс, ӆўв ӑӊкеӆ, аӊкаӊкеӆ па вән упеӆ хуща ёнтӑсты па тыйты вәнӆӑс.

Зоя Никоновна путӑртӑс:

Щи вєр оӆӑӊӑн Ёмвошн «Торум Маа» йис пурмӑсӑт шавиты хот йитн этнографические посиделки щирн «Муй щирн шуши мирӑт катра арсыр мәшӆаӆ мӑӆтсӑт» вәйтантупсы вєрӑнтсы. Щимӑщ мәш вєр тўӊматты щирӑт, вантэ, йис пурайт вўш эвӑӆт хӑнтэт па вухаӆят тӑйсӑт па вәӆты-хоӆты щирӆаӆн айӆат ёхӆаӆ вәнӆтӑсӑт, муй щирн арсыр мәшӑт лекщитты рӑхӆ па муй щи пӑта еӆӆы па мосӆ вєрты, ӆәӆн хӑннєхә ма ат йис.