Шуши мирев культура - Культура обско-угорских народов

1994-мит оӆ вўш эвăӆт кашăӊ оӆ вәйт ор тыӑщ 9-мит хӑтӑн иса мўвӑтн мўвтє шуши мирӑт мӑңхӑт постăы. Тăм мăӊхăтӆ Генеральной Ассамблея ООН нємпи тӑхи ёх унтасн постӑты питсы.

Тӑм мăӊхăтӆ окру­гев ӆуваттыйн шєңк мосман тӑйы. Югра мўв кашăӊ вошăтн әмăщ якты-хăрăт, вәйтантупсэт, сыр-сыр шуши мир юн­тупсэт па ӛращты кăсуп­сэт, вәнӆ­тăты хăрăт па ӆўӊтупсэт ӆэщăтӆыйт. Щи тумпийн шуши мирӆўв йис вәӆуп­сы оӆăӊăн әмăщ кинайт ванӆтăӆыйт.

Вєртутӑӊ нє Анисия Фёдорова пиӆа мин Москва хон вошн вәтаӊа йисмӑн, хән щив «Увӑс мўв тащӑт» вән мӑӊхӑтӆа юхтыйӆсумн. Тӑм ими хурамӑӊ рнасн омсӑс, нюр муӆты йис хур эвӑӆт єтӑс. Ма ӆўв хущеӆа вана мӑнсум па ванӆтупсыя тўвум пурмӑсӆаӆ, ӆәмӑтсухӆаӆ, вәӆупсэӆ оӆӑӊӑн иньщӑссєм.

Анисия Иннокен­ть­евна Саха-Якутия мўвн Мегино-Канга­лас­ской улусн (районӑн) вәӆ. Ӆўв рәтӆаӆ, ӑӊкеӆ-ащеӆ оӆӑӊӑн мӑнєма путӑртӑс:

Вәщ тыӆăщ юхи хăщум хăтӆăтн Хон Пєтра вош госу­дар­ственной уни­верси­тет хуща мўв иӆпийн йис пурмӑсӑт кӑншты хуята вәнӆтыйӆты айӆат ёх Югра мўв Пунси нємуп вән шу­шия рә­питты юхăт­сăт. Ӆыв тумпеӆн мўӊ округев ар­хеологăт щăта ищи вәсăт.

Тăм мўв иӆпи йис пурмăсăт кăншман ӊхты-мăнты вєр «Древ­нейшие крепости Север­ной Азии: раскопки посе­ления Каюково 1» щирн, па Югра мўв гражданской па социальной вєрăт тăхи ёх унтасн Ёмвошăӊ округ кәща грант вух нётупсыя ӆэщăтсы.

Ма ай мирим,
Веккеши вән пәмащипа ястӑӆум,
Хуты нӑӊ хущена
Сєма питсум ма…
Роман Ругин

Щиты вәтаӊ хӑнты поэтн Романӑн Ругинӑн хӑншум «Доброта» нємпи ӆўӊӑтты ар оӆӊи­тӆы. Ищимӑщ нємн мўвтєӆ шуши мир вән мӑӊ­хӑтӆ пунсы, мӑта ут юхи хӑщум оӆӑтн вәйт ӆор тыӆӑщ 9-мит хӑтӆӑн «Торум Маа» музей хуща ӆэщӑтӆы.

Россия мўвев ӆуваттыйн арсыр шуши мирӑт вәӆӆӑт. Ӆыв кан йис культура, йис вєрӑт тӑйӆӑт. Тӑмхӑтӆ ма ӆӑӊхаӆум Горной Шория мўв эвӑӆт вәӆты нє Наталья Булатова оӆӑӊӑн хӑншты. Ӆўв Мыски вош эвӑӆт, мӑта ут Кемеровской область Кузбасс мўвн вәӆ. 

Йистєӆн увӑс мирӑт тарум ищки мўвӑта касӑӆсӑт, тӑта вўӆы тащ ӆавӑӆты питсӑт. Ӆыв пӑтэӆа вўӆы – щит мєт мосты войе, вўӆы кирман әхӑӆн ӊхсӑт, вўӆы нюхи – єпӆӑӊ ӆєтут, вўӆы сух эвӑӆт хошум ӆәмӑтсухӑт ёнтсӑт, тӑм пура вәнты нюки хотӑт вәӆӆӑт – щит мєт хошум хот.

…Ӆаӊки веӆпӑс тыӆӑщ пурайн
Тӑта нюки хотн сєма щи питсум.
Сўмӑт нуви кар онтупєм вәс…
Алитет Немтушкин
(эвенк мир поэт)

Тӑм нуви тәрум иӆпийн сыр-сыр мирӑт кўтн ищиты арсыр хӑннєхәйт вәӆӆӑт. Итӑт тәп-тәп ӆыв ёшӊӑӆаӆа питты вєрӑт вєрӆӑт па атма кашӑӊ рәпата ӆыв хущеӆа тывӆ. Вантэ, вуӆаӊа па мсыева ӑн хошӆӑт рәпитты па муӆты вєр вєрты каш иса ӑн па тӑйӆӑт. Кимит хә ёхӆўв па сӑмӑӊа арсыр вєрӑта катӆӑсӆӑт па кашӑӊ ай муй вән вєр тўӊщирӑӊа ӆыв ёшӊӑӆаӆ мухты мӑнӆ. Ин тӑмхӑтӆ вўтьщӑӆўв хӑншты щимӑщ вухаӆь оӆӑӊӑн, мӑта хәев кашӑӊ вєр вәӆупсы хўватн тәса вєрӆ.

Тәняӆ ӆўӊ Ӆорвош район Муши вошн рәпатам щирн «Ма Ӆорвош мўвєм» мӑӊхӑтӑӆн сыр-сыр айкеӆӑт ӑкӑтман ӊхсум. Щи пурайн нємасыя «Северная панорама» нємуп газета кәща хә Николай Фёдорович Рочев пиӆа вәйтантыйӆсум па мкєм хўв кўт ӆўвеӆ иньщӑссум, муй щирн ӆыв вәӆӆӑт па рәпитӆӑт.

Николай Фёдорович, мӑта оӆ вўш эвӑӆт нын Ӆорвош районӑн тӑмӑщ «Север­ная панорама» нємуп айкеӆӑӊ нєпек єсӑӆты питсӑты? 

Вәщ тыӆӑщ 8-мит хӑтӆӑн Нуви сӑӊхум районӑн Ваньщавӑт кәртӑн хўӆ веӆпӑсӆӑты ёх хӑтӆ постӑсы. Кашӑӊ оӆ тӑм мӑӊхӑтӆ кәртӑн «Хўӆ веӆты хә» кӑсупсы эвӑӆт оӆӊитӆы. Тӑм пўш кӑсупсыйн сыры оӆӑт иты ищи ар щирн кӑссӑт: мєт оӆӑӊ хўӆ катӆум хуят, мєт айӆат хўӆ веӆпӑсӆӑты хуят, мєт ар хўӆ катӆум хуят, мєт вән хўӆ катӆум хуят па па нємӑт.  

Вәнӆат па айӆат хуя­тӑт пусӆ хонӑӊа хўӆ ншты мӑнсӑт. Тӑм вєра ӆыв сыры ӆэщӑтыйӆсӑт: мўв ӆєрӑт хирсӑт, ншӆаӆ ма вєрсӑӆаӆ. 

Лыпӑт тыӆӑщн Ём­вошн «Детский этно­культурно-обра­зо­вательный центр» хуща туристско-краевед­ческой смена пўн­шса. Ӆыв лыпӑт ты­ӆӑщн 2-мит хӑтӆӑн рәпитты оӆӊитсӑт па иса 18 хӑтӆ рәпитсӑт.