Форма поиска

Для слабовидящих
  • Хантыйский
  • Русский

Югра мўвевн рўтьщӑты вєр

Мӑнум тыӑщ ювоӑңӑн Ёмвошн грант вухӑт хоумтты щира кӑсупсы мӑнӑс. Щӑта ӑктӑщийсӑт Ёмвош округӑн вәты арсыр рўтьщӑты тӑхет ёх, ыв кӑссӑт, ән этнотуризм вєра грант вухӑт хоумтты.
Тӑм кӑсупсыя «Социально-экономическое развитие коренных малочисленных народов Севера ХМАО-Югры в 2011-2013 годах и на период до 2015 года» нємпи поступсы щирн 12 миллиард шойт вух мӑсы. 
Тӑм он щи кӑсупсыя проект нєпек 36 хуят китӑс, щит Нягань, Советский, Нижневартовск, Ёмвош, Урай, Нефтеюганск, Сәрхан, Ёмвош, Белоярской, Нижневартовской па Сўмӑтвош районӑт ёх.
Нуви сӑңхум район Ас хонӑңӑн Сўмӑтню кәртые сыры оӑтн вәс. Ин щи тӑхийн Валентина Дмитриевна Ирган «Самутнел» нємпи община вєрӑс. Тӑмхӑт ўв путӑртӑс, хуты ӑңхӑ «Самутнел» нємпи этнографической рўтьщӑты тӑхи эщӑтты, ән и мӑр щӑта хәс хуят яма рўтьщӑты щир ат тӑйсӑт. Щӑта общиная йиуп буранӑт па пӑрщин хот мос. Еы щӑта семинарӑт, мастер-классӑт па па етнхотӑт вєрыйт. Кӑт хоттє ёх щӑта вәты па мойң вәйтантыйты, иса етнохотӑт эщӑтты питӑт. Валентина Дмитриевна ясңӑ щирн, иса яма омӑсы ки, щи тӑхийн этнографической рўтьщӑты вєр эвӑт общинная о мӑр кӑткєм миллион шойт йи. 
Щӑта «Эла хотал» община кәща нє Ольга Александровна Фомичева ясӑң тәс, ўв «Силава» нємпи этноцентр пўншӑс. Ин грант вух хоумтты ӑңха, ән щи тӑхийн рўтьщӑты вєр ямашӑк вєрты. Щи вухӑтн ыв кӑт вән генератор, кӑт снегоход әтты, певӑт хот па 80 хуят вәты щира вән хот омӑсты ӑңхаӑт. Щӑта вән вошӑт эвӑт кәща ёх рўтьщӑты щир тӑйӑт. И пўш 100-кєм хуят рўтьщӑты пит. Щи хот омӑстӑ юпийн щӑта яң хуят пӑта рәпитты тӑхи пўншы.  
«Колмодай» нємпи общинайн рәпитты нє Ольга Олеговна Батурина мирхот пурайн путӑртӑс, хуты ыв ӑңхаӑт Ёмвош пўңӑн ӑңӑ юхан хонӑңӑн «Вән кәрт» нємпи рўтьщӑты тӑхи омӑсты. ыв Ёмвош районӑн щимӑщ рўтьщӑты тӑхи ин тӑйӑт, тәп щив яңхты щира ям ӛш ӑнтәм. Щит пӑты ин ванӑн щи тӑхи омӑсты ӑңхаӑт. Щӑта и пўш 8 хуят рәпатая вўы. ыв щирен, аршӑк хуят рўтьщӑты щив яңхты пит. 
Сәрхан вош питӑрн «Еловое» нємпи тӑхи кәща хә Александр Анатольевич Продан «Лук-Яун» нємпи хӑнты мир вәнт шуши эщӑтты ӑңха. Ин щӑта 16 хуят вәты щира хот вә, Александр Анатольевич нумӑсн тӑй вән певӑт хот омӑсты. Щӑта мойң хуятӑта вой-хў вепӑсӑты, тунты эвӑт пурмӑсӑт ёнтты, сӑк кӑрӑтты вєрӑта вәнтыйты рӑх. Әмӑщ, хуты щи тӑхия тӑн муй ўңӑн машинайн и щос кєм мӑнты мос, щӑта ям ӛш вә. 
Чуэльско-Ветляховская община ёх «Казымский городок в Ветляховах» нємпи рўтьщӑты тӑхи омӑсты ӑңхаӑт. Щит вєрӑт, ән хӑнты мир культура па ясӑң авӑты, йис пура щирн вой-хў вепӑсӑты вєр ӑн вәтшӑты. Щӑта хӑнты мир йис вєрӑт, емӑңхӑтӑт вєрты питыйт. Грант вухӑтн упасӑт, вәты хотӑт, певӑт хотӑт, вой па хў вепӑсӑты сєсэт вєрыйт. Хәум о мӑр щитӑт омӑсыйт. Щив хәскєм хуят рәпатая вўы, щит Ваньщавӑт па Понавӑт вошңӑнӑн вәты ёх. Щи тумпи ўң мӑр щӑта няврємӑт рўтьщӑты питӑт. Интӑм щив хә хуятӑт вой-хў вепӑсӑты яңхӑт, о мӑр 300-кєм хуят рўтьщӑ. Еы йиуп хотӑт омӑстэ юпийн щив о мӑр щурӑс мутас хӑннєхә яңхты вєрит. 
Щи тумпи па ар хуятӑт рўтьщӑты вєра оӑңӑн путӑр тәсӑт. Нух питум ёх Ас потты тыӑщ 14-мит хӑтӑн Ёмвошн мойупсэт вухӑтн мӑыйт.
 
 
Надежда Новьюхова   
 
 

 

Этнотуризм в Югре

30 и 31 октября в Ханты-Мансийске состоялся конкурс по защите грантов в сфере этнотуризма.

Конкурс проводится в соответствии с целевой программой Ханты-Мансийского автономного округа – Югры «Социально-экономическое развитие коренных малочисленных народов севера Ханты-Мансийского автономного округа - Югры в 2011 - 2013 годах и на период до 2015 года» на общую сумму 12 миллионов рублей.

На конкурс поступило 36 заявок из следующих муниципальных образований автономного округа: г. Нягань, г. Советский, г. Нижневартовск, г. Ханты-Мансийск, Березовский, Ханты-Мансийский, Белоярский,  Сургутский, Нижневартовский районы, г. Урай, г. Нефтеюганск, г. Сургут. В течение двух дней конкурсанты защищали проекты по подноминациям: «Развитие инфраструктуры для этнографического туризма», «Развитие этнографического туризма в муниципальном образовании», «Этнографические туры с элементами традиционных промыслов», «Этнографические программы для семейного и детского отдыха», «Развитие индустрии туристских сувениров с этнографической составляющей», «Продвижение этнографического туризма».

Членами жюри были выявлены положительные и отрицательные стороны представленных проектов.

По окончании всех выступлений члены жюри подвели итоги защиты проектов и программ, представленных на конкурс. Церемония награждения победителей конкурса на грант Ханты-Мансийского автономного округа – Югры для реализации проектов и программ, способствующих развитию этнографического туризма состоится 14 ноября 2013 года в рамках туристской выставки-ярмарки «ЮграТур 2013» в Ханты-Мансийске.

Надежда Новьюхова

 

Рубрика: 
Айкеԯӑт - Новости
Номер Ханты Ясанг: 
№ 22 (3394)
21.11.2013