Вән кєр тыӑщ оаңмит хӑт вўш эвӑт ветмит хӑт вәнты Ёмвошн няврємӑт вәнтӑты па авӑты хуятӑт кўтн «Педагог года Югры 2013» нємпи кӑсупсы мӑнӑс. эщӑтум кӑсупсыя 19 район, вошӑт па кәртӑт эвӑт 52 няврємӑт пиа рәпитты хӑннєхә юхтыӑс.

Кӑсупсы пўншум пурайн вәнтӑты вєрӑт тәты департамент кәща ӑңкӑр хә Денис Погонышев ӑктащум мира лупӑс:
– Тынӑң няврємӑт вәнтӑты хуятӑт! Нын хуыева вән па мосты рәпата тәӑты – мўң тынаң няврємўв вәнтумӑн вәаты, ән ыв вәна йитэн мўң округев па иса Россия мўвев е вәупсы пӑты ар унтас па ям вєрӑт вєрмӑн ат вәсӑт. Шєңк ям, хуты мўң щимӑщ вәйтантупсэт эщӑтўв, вантэ, кӑсупсы хўват мўң уша павӑтўв мєт нумсӑң па әмӑщ вәнтӑты хуятўв оӑңӑн. Щи тумпийн кашӑң кӑсты хӑннєхә ӑнтә тәп ўв эщӑтум урока па мастер-класса артаӑты ёха вантӑ, па па хуят мӑты урокӑт ищи яма вантӑэ па нумса пўнӑэ, хутыса йиуп ширн няврємиет вәнтӑты рӑх.

Шуши мир хуятўв эвӑт тӑм пўш Сўмӑтвош, Сәрхан районңӑн па Ёмвош эвӑт няврємӑт рәт ясӑңа па увӑс мир литературая вәнтӑты вет нє кўтэн кӑссӑт. Ольга Владимировна Лелятова – Сўмӑтвош район Саранпауль кәртӑн «Оленёнок» нємпи няврємӑт хӑт мӑр авӑмӑн тӑйты хотн рәпитӑ. ўв ар о мӑр ӑшколайн вухаь ясӑң вәнтӑты нєңа вәс, ин па мєт ай пушхиет рәт ясӑңа па иса культура вєрӑта вәнтӑ. Ияха пунты ки, Ольга Владимировна хәумъяң вет о мӑр няврємиет пиа рәпитӑ. Кимит кӑсты нє – Полина Ивановна Нюгломкина, ўв Сәрхан район Угут кәрт ӑшколайн хӑнты ясӑң па увӑс мир литература урокңӑн тә. Полина Ивановна ярхәс о няврємӑт вәнтумӑн вә. Хәмит – Галина Сергеевна Молданова, ўв Ёмвош «ыаң союм» нємуп тӑхийн няврємӑт хӑнты ясӑңа вәнтӑ. Ияха пунты ки, Галина Сергеевна нивӑхущъяң о мӑр пушхиет пиа рәпитӑ. Нямит кӑсты нє – Раиса Мартыновна Гаврильчик, ўв ищи «ыаң союм» эват, тәп ўв вухаь ясӑң тә. Раиса Мартыновна кӑтхущъяң о няврємӑт вәнтумӑн вә. Ветмит мєт айат кӑсты нє –Олеся Вячеславовна Хандыбина, ўв Сўмӑтвош район Тэк кәрт ӑшколайн хӑнты ясӑңа па шуши мир литература урокңӑн няврємӑта тә. Олеся Вячеславовна тәп кимит о шәп мутас няврємӑт пиа рәпитӑ па компьютер унтасн яма урока эщӑтты хош.
Вет хӑт мӑр вәнтӑты нєңӑт эщӑтум урока, мастер-класса артаӑты ёха вантасӑт. Урокат тәты пӑты Ёмвошаң хӑнты па вухаь няврємӑт вохсыйт.
Тӑм пўш арсыр вәнтӑты вєрӑт артаӑсӑт филологической наукайт кандидат, профессор ими Д.В. Герасимова, «Югра ыңуптӑты» тӑхи кәща ӑңкар нє Л.А. Алферова па Понавӑт кәрт ӑшколайн хӑнты ясӑңа вәнтӑты айат нє А.Е. Себурова вохсы, ўв тәня он тӑмӑщ кӑсупсыйн нух питӑс.
Тӑм кӑсупсыйн Угут кәрт ӑшколайн рәпитты ими П.И. Нюгломкина «Хўӑт» нємпи урок аяс. Мєт әмӑщ вәс, хуты Полина Ивановна юхан хўӑт арсыр щирн вантасэ. Тӑта няврємӑт нєпекн вєрум хурӑт, компьютер хўват па пластилин эвӑт вєрум сыр-сыр хўӑт оӑңӑн уша павӑтсӑт па хӑнты ясӑңӑн нєма аьсаӑ. Мос ястаты, хуты Ёмвошӑң няврємӑт касум хӑнты ясӑң вәнтаӑт, щит пӑты ывеа еша авӑртшӑк сәрхан ясӑңӑн эщӑтум урокн рәпитты вәс. Тәп, ма щирємн, урок шєңк әмща па хурамӑңа эщӑтман вәс.

«ыаң союм» тӑхийн рәпитты ими Г.С. Молданова «Няврєм пуньхиты ясңӑт па ўңтупсы мойң хотн» нємпи вєроӑңӑн няврємӑта путӑртӑс. Әмӑщ вәс, хуты Галина Сергеевна ӑ урок киньща пасыра урок эщӑтсӑэ – няврємиет хотхӑрийн, амәнты ки нюки хотн омӑсман, рәт ясӑң вәнтасӑт. Урок етшаты епийн пушхиет нумса пунсӑт, муй щирн пуньхиты ясңӑт ўңтупсэт киньща артаӑыйт.
Тэк ӑшколайн рәт ясӑңа вәнтӑты айат нє О.В. Хандыбина «Увӑс мўвн єнумты воньщумӑт» нємпи урок аяс. Хӑншты сухн Югра мўвн єнумты арсыр воньщумутӑт нєпекн эщӑтман вәсӑт. Хӑншӑң хурӑт пєа вантман имухты нумӑс юхат, тӑм єпаң воньщумутӑт юхи єты.
Әмӑщ вәс, хуты компьютер хўват Тэк ӑшколайн ар о мӑр рәпитты ими З.А. Новьюхова хурамӑң хӑнты сухн няврємӑта воньщумутӑт оӑңӑн путӑртӑс. Урок етшум юпийн Олеся Вячеславовна няврємиет сӑккарӑң вурты воньщумутн апӑтсӑэ.
Хәмит хӑтан рәт ясӑңа па увӑс мир литературая вәнтӑты нєңӑт мастер-классӑт аьсӑт. П.И. Нюгломкина вантас, хутыса турн эвӑт апи сєвты мос. Г.С. Молданова лук хӑнши ёнтасты вєр мойң ёха вантӑс. О.В. Хандыбина вантӑс, хутыса йиуп щирн компьютер хўват хурӑң вантупсы арсыр нарӑсъюх сувӑтн пунтыя. Ма щирємн, интӑм вәупсыйн щит вєра мосты па әмӑщ вєр.
Кӑсупсы сухнум юпийн увӑс мўв няврємўв искусствайт вәнтӑты хотн вән етнхот вєрсы. Тӑм емӑңхӑтан оаң ясӑң округ вәнтӑты ёх профсоюз кәща нє Л.Ф. Болдырева вўс. Арсыр хошум ясңӑт тумпийн сыр-сыр номинацияйт щирн ўв ишӑкты нєпекӑт па мойупсэт кӑсты хуятата мойӑс.
Увӑс ёх кўтн «За профессиональный поиск, интуицию и уникальность» номинацияйн Р.М. Гаврильчик нух питӑс. «За верность этнокультурным традициям» ищи Р.М. Гаврильчик па О.В. Хандыбина ишӑк нєпекӑтн па мойупсэтн катуптӑсыйңӑн. Щи юпийн округ дума шуши мирӑт ассамблея депутӑт нє Н.Г. Алексеева няврємӑт вәнтӑты хуятата ар хошум ясңӑт лупӑс. Щӑта рәт ясңӑта па увӑс мир литературая вәнтӑты вет нєңа ишак нєпекӑт па мойупсэт мойас. «Хӑнты ясӑң» па «Луима сэрипос» нємпи газетайңӑн кәща нє Р.Г. Решетникова ям ясңӑт лупӑс па хӑнты, вухаь учитеьўва мойупсэт катуптӑс.
Ювоаңӑн уша йис, мӑта хуятӑт мєт вўаң тӑхия питсӑт. Рәт ясңата па увӑс мир литературая вәнтӑты нєңӑт эвӑт оаң тӑхия Сәрхан район Угут кәртан рәпитты ими П.И. Нюгломкина питӑс. Кимит тӑхи Сўмӑтвош район Саранпауль кәртӑн вухаь ясӑңа вәнтӑты ими О.В. Лелятова вўс. Хәмит тӑхи Ёмвош «ыаң союм» тӑхийн хӑнты ясӑңа вәнтӑты нє Г.С. Молданова ёша павтӑс. Нух питум нєңӑт ишӑк нєпекӑтн па вухӑң мойупсэтн катуптӑсыйт.
Тӑмӑщ әмӑщ па хурамӑң «Педагог года Югры 2013» нємпи кӑсупсы мӑнӑс.