Шуши мирев культура - Культура обско-угорских народов

ыпӑт тыӑщ хәтмит хӑт вўш эвӑт па иса яртъяңмит хӑт вўш вәнта округевн ӑшколайн вәнтыйты няврємӑт пӑта IX-мит киникайт ўңӑтты вәйтантупсы мӑнӑс. Щимӑщ вуаң вєр Няврємӑт оа юкантсы. Щит Югра мўв Государственной библиотека хотн рәпитты хӑннєхуятӑт әмӑщ стихӑт па путрӑт хӑншты ёх пиа и нумӑсн эщӑтсӑт.

Щимӑщ хӑр 2000-мит оӑтн вєрты нумӑс павӑтсы па окружной культура комитет нётупсы унтасн эщӑтты питсы. 2004-2010-мит оӑтн щи хӑр Ёмвошн вєрӑнтсы, ӛхӑт 2012-мит па 2014-мит оңӑнӑн щи ут Нижневартовск па Сәрхан вошңӑн хущи вәс. Ас нопӑтты тыӑщ 25-28-мит хӑтӑтн культура департамент па ас-угорской театр ёх унтасн, щӑта "Развитие культуры и туризма в Ханты-Мансийском автономном округе – Югре на 2016-2020 годы" поступсы рўвн Ёмвошн апӑтмит пўш «Белое пространство» окружной театральной кӑсупсы вәс.

Лыпӑт тыӑщ 6-10-мит хӑтӑтн Ёмвошн «Торум Маа» йис пурмӑсӑт ӑкӑтты па шавиты тӑхийн рәпитты хуятӑт «Увӑс мир пурмӑсӑт музей хуща» нємпи вәйтантупсы эщӑтсӑт. Щи вєр пӑты ыв Ёмвош округев вошӑт па кәртӑт эвӑт йис вєрӑт яма вәты хӑннєхуятӑт вохсӑт, ән ыв ат вантӑсӑт, хутыса юх эвӑт йис щирн сыр-сыр пурмӑсӑт вєрты рӑх.

Тӑм он лыпӑт тыӑщ 9-митн айат ёх вәнтум нє Светлана Павловна Кононова (Молданова) шәңӑт 60 тӑа йис. Ӆўв хўв ӛш-пӑнта мӑнӑс, тәп мўң, ўв хущеа вәнтыум хуятӑт па па ар ёх ўве ям нумӑсн нәмты питэв. Вантэ, ўв хӑнты мир культура па ясӑң авӑты вєра ар ӛр па нумӑс пунӑс.
Ма яма нәмєм, хутыса ўв мўңев, Ёмвоша юхтум вәнтыйты айат ёх сӑма вана вўсэ. Щит 1993-мит он вәс. Ӆўв мўң пӑтэва ӑңки юкана йис. Мєт сыры иньщӑсӑс, муйсӑр кәртӑт эвӑт юхӑтсўв. Мўңева әмӑщ уша вєрты вәс, хуты хуыева ван рәта хойўв.

Имутыйн Касум юхан пўңӑн Хаюп шәп сӑңхум ай кәртӑн Сўмӑтвош районӑн лыпӑт нуви тыӑщ хәтмит хӑтӑн 1951-мит он Молдан ёх хотн Татья эви сєма питӑс. Аще Александр Иванович Касум совхосӑн вух ўңӑты кәщая рәпитӑс. Ӑңке Надежда Карповна партия кәртӑң секретаря вәс.

Тӑм учёной ими Маина Афанасьевна Лапина (Неттина) округн па па мўвӑтн яма вәйты. ўв 65 о юхы Сўмӑтвош районӑн Тэк кәртӑн сєма питӑс.

2015-мит он Ас хӑты тыӑщн Ёмвош округ Государственной архивн «Гордость Югры» нємуп вантупсы пўншсы. Щи хот рәпата оӑңӑн мўңева щӑта рәпитты нє Светлана Владимировна Тюлина ай павтӑс.
– Архивн рәпитты хуятӑт ар вєр вєрӑт, ән нєпекӑт шакпака тӑйты. Щитӑт ўңӑтты мир юхтыйӑт? Мосӑң, нӑртама уӑт?
– 1934-мит о вўш эвӑт архив окружноя йис па кәща хотӑт нєпека тыв мийяты питсӑт. Ӑ хуят нєпекӑт 1980-мит оӑтн тыв вўты питсўв, мєт сыры щит культура рәпатнекӑт па Вуаң Отечественной аьн вәум ёх нєпекӑт вәсӑт. Ӛхӑт рәпата хотӑт нєпека тыв тәты питсӑт.

Варьёган кәртӑн Нижневартовской районӑн юрн мир ёхўв якты-ариты «Ше евни» (хӑнты щирн, щит «апӑт вєрӑнтты нє») нємуп тӑхи вә па рәпит. «Вепӑсӑты па вўєң ёх» емӑңхӑтӑн, мӑта ут вән кєр тыӑщ 19-мит хӑтӑн сухнӑс, ма нємасыя Варьёганӑн вәты кәртӑң мир рўтьщӑты хотн якты-ариты хуятӑт пиа вәйтантыйсум па ыв кәща нєңӑ Любовь Александровна Чуваткина (Айваседа) эвӑт рәпатае оӑңӑн путӑртсўмн.
– Любовь Александровна, хута нӑң сєма питсӑн, єнўмсӑн па муйсӑр тӑхетн сырыя вәнтыйсӑн?

Тӑм ванӑн Ёмвошн III Межрегиональной «Живущие по солнцу» нємуп кӑсупсы па якты-ариты хӑр вәс. 80 муӆтас хуят Нуви сӑңхум, Сўмӑтвош, Кондинской, Нижневартовской, Сәрхан па Ёмвош районӑт, Ёмвош па Пуӆӊавӑт эвӑт вәсӑт. Кӑсупсы лыпӑт тыӆăщ 3-мит хӑтӑӆн пўншсы, кӑсты ёх арисӑт, нарӑссӑт, яксӑт, шуши мир ӆәмӑтсухӑт па ӆуӊӑӆтупӑт ванӆтӑсӑт. Щӑӆта щи хӑтӑӆн «Формы и методы по сохранению и развитию традиционной культуры финно-угорских народов» нємуп мирхот вәс, щи юпийн «Манси. Путь промысла» нємуп кина мира ванӆтӑсы.

Лыпӑт тыӑщ 2-4-мит хӑтӑтн Ёмвошн Межрегиональной ӑшкола нємуп вәнтупсы вәс, хута вєртутӑң ёх айӆат хуятӑт тор сапӆ юх вєрты па щитн нарӑсты вәнтӑсӑт.