Млал Хāльӯс район Кульпас пāвылт Ӯй йӣквес. Та порат сосса мāхманув тув сāвсыр мāныл мӯйлуӈкве ялсыт. Тнт мāн акв мāньщи хум ёт хнтхатыгласӯв, наме Николай Гаврилович Вьюткин. Тав «Нāйтыр мā» музейт щаквщис ос Ӯй йӣквнэ мāхум ёт тӯлыглапыт тӯлыглас. Хум такви лупсатэ урыл мощ потыртас.

Николай Гаврилович 1961 тāлт Хāльӯс район Кимкъясӯй пāвылт самын патыс. 1980 тāлт школат лов класс āстлас. Тувыл Тюмень ӯс ляпат тракто­ристыг ханищтахтас. Та юи-пāлт матахмат тāл тот тракторыл яласым рӯ­пи­тас. Ётыл та мāныл пхын минас ос метеостанциян рӯпитаӈкве патхатас. Тот с матахмат тāл рӯпитас. 

Ань тав Кульпас пāвылт пенсия олн вуим лы. Тот рӯт мāхманэ ёт Тāгт т хӯл алыщлы ос враим яласы. Николай Гаврило­вич кāтыл сāвсыр порма­сыт мāщтырлаӈкве сака хāсы. Хунь пāвылт матыр мāщтырлап вāрмалит м­талгыт, тув акваг в­виньтаве. Ты туи тав Ӯй йӣквнэ порат тӯлыглапыт тӯлыглан мāгыс сāснёлыт вāрыс. 

Николай Гаврилович акв нврам янмалтас. Āгитэ Хāльӯст лы, тот рӯпиты. Кит нврам ян­малты, ты Николай Гав­ри­лович тав апгаге. Тāн тванакт Кульпасн мӯй­луӈкве ёхталгыт, теле­фон хосыт вāтихал по­тырт­гыт. Хум āгитн уральтаве ос ӯргалаве. 

Николай Гаврилович пс порат пāвылт Ӯй йӣкв вāрыглым урыл мāнавн тох потыртас:

– Пс порат сосса мāх­манув тай, вāим, вāтихал Ӯй йӣквыгласыт. Та порат сāв яныгпāла хтпа лыс, тāн ты вāрмаль ёмщакв вāсаныл. Ам иӈ мāниг лсум, ты вāрмаль торыӈ ат номилум. Кульпаст юи-выл щёс Ӯй йӣкв 1980 тāлытт вāрыглавес. Ань тванакт матыр номыл­матыглāлгум, тувыл та, хот-ёрувлахтас. Тнт с аквтох, мāхум сāвсыр пāвлытныл мӯйлуӈкве ёхталасыт. Яныг пӯтыт хтал палыт нвыль пāй­тыг­лавес. Хум хтпат пӯ­мащ тӯлыглапыт суссыл­та­сыт. Ялпыӈ хталыт Иван Петрович щпи­тāл­санэ, тав пāвыл мирн ёщ­макв вāйвес, ёмас хтпа лыс. Тамле ялпыӈ хта­лыт мāхум хала­нылт вāйха­тасыт. Ётыл мāньлат нт-хумыт акван-миныг­ласыт. 

Николай Гаврилович лāвме щирыл, сāртын мāхум Ӯй йӣкв Кульпас пāвыл котильт йӣквсыт, акв хотты колт мӯй пасан вāрыглавес, тот та мӯй­лы­сыт. Пс порат Ӯй йӣквыт сака пӯмщит лсыт, сāв мир акван-атхатыглас. 

Ань ты туи Ӯй йӣкв хумус минас, Николай Гаврилович тох лāвыс:

– Тамле ялпыӈ хталыт āнумн сака мӯстгыт. Ань хунь ты мӯй вāрмаль Кульпас пāвылт вāрнэ урыл хӯлыслум, тāра «Нāйтыр мā» музейн ёхтысум. Пāвылт хосат тāгыл Ӯй йӣкв ат вāрыг­лавес, ам татем щāгтсум. Ты ялпыӈ хталыт татем пӯмащ тӯлыглапыт сус­сылтавсыт, ам аквтуп­мат пс поран ликмысум. Пāвлыӈ мāхум пуссын щāгтым лсыт. 

Хум мāньлат мāхум урыл с потыртас. Тав лāвыс: 

– Тва нврамытн пс ялпыӈ хталыт мӯстгыт. Ос ань ищхӣпыӈ утыт квāлтапавсыт. Тāн та хосыт сāвсыр пӯмащ вāр­малит сунсгыт. Ань тāн лупсаныл мт щирыл мины, ты тлал сака ат пӯмщалахтгыт. Кāсыӈ нврам такви щиртыл лы, акван ты тла мӯсты, мтанын āти.

Мāн Николай Гаврило­ви­чин пӯмащипа лāтыӈ ктв. Ты нёмса мāньщи хум лаль лнэ хталанэ посыӈыг вос лгыт. Пус кāт, пус лāгыл вос ōлы, Нй-тыранэн вос ӯрга­лаве!

Николай МЕРОВ