Мāньполь тпос 13 хталт Сургут ӯст ӈта пасан вāрыглавес. Ты сапрāни округ мирн нтмил вāрнэ Ассамблея депутатыт тāн щпитāлсаныл. Рущ щирыл тох лāввес: «Традиционная хозяйственная деятельность коренных малочисленных народов Севера в ХМАО-Югре: меры поддержки, проблемы, перспективы развития». 

Ты вāрмальн Ассамб­лея кӯщай хум Еремей Айпин, Тюменский область Дума депутат н Надежда Алексеева ос мт кӯщаит ялсыт. Сосса общинат Хāльӯс, Нефтеюганский, Нижневартовский ос Сургутский районытныл тув ёхталасыт. Ань тāнки рӯпата вāрнэ сосса мāхум маныр нтмилыл вāравет, тот ты урыл потыр лыс.

Еремей Айпин лāвме щирыл, ты сапрāни таи­мā­гыс Сургут ӯст вāруӈ­кве номылматвес, Сургут­ский районт «Яун-Ях» нампа община лы. Ты община кӯщаиг сāв тāл Владимир Когончин рӯпиты. Тав Сургутский районт лнэ общинат пуссын акван-лтсанэ. Тāн тāрвит вāрмаляныл ак­ван-нтхатым мӯсхал щирыл щпитыяныл. 

Ты общинат йис мāна­нылт враим, хӯл алыщ­лым, сāлыт ӯрим ос пил вāтым, лāхыс атым рӯпи­тгыт. Тāн палтаныл 630 лумхлас сāвсыр рӯпата вāрēгыт. Йис мāнанылт пус­сын аквъёт 178 щмья, 130 нврам лы. Ты мāхум мā-вй мāныл нх-винэ компаният ёт дого­вор-нпакыт хассыт. Йис мā ляпат рӯпитан компаният ань сāвсыр нтмил тāна­нылн вāргыт.

Мā-вит ӯргалан депар­таментыт рӯпитан хум Евгений Лавров с по­тыртас. Тав лāвме щирыл, ты хтал мус округувт ат стыра сосса лумхлас тāнки рӯпата вāрим л­гыт. Тыгыл сāвыӈпāлэ сосса хтпат враим яла­сгыт. Тувыл мāхум хӯл алыщлгыт. Тва хтпат пил вāтгыт ос лāхыс атгыт ос мт сāвсыр вāр­маль щирыл рӯпитгыт. 

Округувт пуссын аквъёт онтырсāт арыгтем об­щи­нат хӯл алыщлым, в­раим, сāлыт ӯрим ос пилыт тāстым рӯпитгыт. Ты мāхум йис мāнанылт пӯсас вāрнэ, колыт ӯнт­тын мāгыс субсидия ол­ныл нтавет. Враян тла щи­рыл матыр ёвтнэ мā­гыс с олныл мивет. 
Тувыл сосса мāхум коланыл мāгыс ойтнэ ол­наныл субсидия щирыл ювле ойтавет. Ущты рӯ­питаӈкве ёхтын мāньлат хтпат матыр рнэ ут ёвтын мāгыс, акв щёс ком­пенсация олныл май­лавет. Нврамыт ха­нищ­тахтын мāн ялнэ по­рат, лнэ коланыл мāгыс ойт­хатнэ олныл с нта­вет. Хотьют писаль щнэ т­лан ханищтахтуӈкве кā­сащи, тāн ханищтахтын мāгыс, миннэ лӈханыл, лнэ коланыл мāгыс с олныл ойтавет. 

Тувыл сосса хтпат «Буран» ёвтнэ порат, акв­пал тын олнаныл ювле ойтавет. Сāртын слы ёвтнэ мгыс компенса­ция олн лов стыра сол­кви лыс. Ань хус стыра солкви мус нх-нтумтавес. Сосса мāхум тāнки рӯпатаныл вāруӈ­кве вос вылтахтасыт, тāн мāгсыланыл кāсыӈ тāл грант олн тāставе. Ань ты грант олныт акв лум­хлас мāгыс ат млн. солкви сāвитын нх-āл­мувес. Ты хосыт мāхум кит щёс сāвнуве грант-олн тāнки тланыл мāгыс виӈкве патсыт. 

Ты сапрāнит кӯщаит тыи ос мт нтмилыт урыл сосса мāхумн по­тыртасыт. Ос ань маныр тāрвит вāрмалит сосса мāхум ньщгыт, кӯщай хтпат та вāрмалит пус­сын нпакн хассаныл ос нтхатуӈкве лāвхатсыт.

Николай МЕРОВ