Имутыйн вәнтӑн вәсңӑн Шовӑрлэ па улмаяң Вухсар. Вәсңӑн, вәсңӑн, сўс пєа кєрӑты питӑс. Ерта, вота йис. Шовӑрлэ лупий: «Вухсарые, хот омӑсумн ки, ищка щи ешайн йи». Я щи хот омӑсты питсӑңӑн.

Улмаяң Вухсарэн турн мунтал эвӑт хот омӑсты нумӑс вєрӑс. Ин хот щи сора етшумӑс. Шовӑрлэңкен па нумӑс вєрӑс хот такашӑк омӑсты. Хўв нәмӑсӑс, ван нәмӑсӑс, щӑта хӑш варӑс юх эвӑт хот вєрты нумӑс вєрӑс. Юхан кимӑ хӑш варса яма нохӑр юх єрн йирсӑӑсэ. Вўса турн мунталн тэвӑсӑэ. Имутыйн щи хот хота йис. Ям, хошум хот тывӑс. Щи хотӑн вәты питӑс. Улмаяң Вухсарэн па турн мунталы хотӑн вә.

Вєра вән вот вәс. Вухсарэн єваса вєрум хот-лэңке вән вот акеӑн е путса. Па щи улмаяң Вухсар хоты хӑщӑс. Хуты па вәты?

Ищкийн щи пева. Муй вєр? Я, щи кўт нәмӑмӑсэ: «Туташӑк хуты Шовӑрлэ вә. ўв щи ям хот тӑй. Щив ки яңхум. Мосӑң хота єсӑаюм». Щи мӑнӑс. Нявлӑк сӑмӑң Шовӑрлэнкийн хота щи єсӑса.

«Я, вәа ма хущєма, кӑт хуятн ям, хошум». Щи вәӑңӑн. Имутыйн улмаяң Вухсарэн ким щи нёхӑсӑэ Шовӑрлэ.

Кәняр Шовӑрлэңки хоуман е щи шәшмӑс. Шәшӑс, шәшӑс, ещат Мойпӑр аке ики єтӑс: «Я, нӑң па муй хоӑӑн, Шовӑрлэңки? Муйен хуты йис»? Шоврэн луп: «Ма хот омӑссум хӑш варӑс эвӑт, нохӑр юх єрн така ювӑрсєм. Вўса турн мунталн тэвсӑам. Улмаяң Вухсарэн лола-поса ўв хот турн мунталы эвӑт вєрсӑэ. ўв хот Вән вот акенӑн е путса. Ма хущєма вәты юхтӑс. Мӑнты па щӑта ким лукємӑсэ».

Ин Мойпӑр аке ики нёхмӑс: «Я, муй щи кєм вєр пӑты хоӑӑн. Мӑнумн, ма ўвты ким вошӑтєм». Я, щи мӑнсӑңӑн. Моньщев па е мӑн. Вана юхӑтты питсӑңӑн, Мойпӑр аке ики щи рохсӑтӑс: «Ким павтӑса, улмаяң Вухсар»!

Улмаяң Вухсарэн хот эвӑт сащ: «Кешиам, аюмам ухӑтсӑам, вана юхӑтты вой щи павӑтєм». Пакнӑс Мойпӑр аки, хәхӑман тум мӑнӑс.

Па щи хоуман Шовӑрлэңки шәшмӑс, ещат Кўщилэңки єтӑс. «Нӑң па муй, Шовӑрлэңки, хоӑӑн? Муй вєр тохнємӑс»? Шовӑрлэ хоуман лупӑ: «Ма хот омӑссум хӑш варӑс юх эвӑт, нохӑр юх єрн така ювӑрсєм. Вўса турн мунталн тэвӑсӑам. Улмаяң Вухсарэн лола-поса турн мунталы эвӑт хот вєрӑс. ўв хот Вән вот акенӑн е путса. Ма хущєма вәты юхтӑс. Мӑнты па щӑта ким лукємӑсэ». «Я, муй щи кєм вєр пӑты хоӑӑн. Мӑнумн, ма ўвты ким вошӑтєм». «Яа, нӑңэн хута оь вошӑтты, Мойпӑр аке эвӑт ӑн пакнӑс».

Я, щи шәшумсӑңӑн. Вана юхӑтты питсӑңӑн, Кўщилэңки щи оңитсӑэ хурӑтты. Вухсар сащ: «Кешиам, аюмам ухӑтсӑам, вана юхӑтты вой щи павӑтєм».

Кўщилэңки пакнӑс, па тум тәп вантсэв.

Шовӑрлэ хоуман па щи еы шәшмӑс. Шәшӑс, шәшӑс, ещат Щищкурек єтӑс. Муй ўв ӑ щи наврый, тухӑңӑн ещат сєңкӑ. «Нӑң муй хоӑӑн, Шоварлэңки? Муй вєра йисӑн»? Шовӑрлэ хоуман лупӑ: «Ма хот омӑссум хӑш варӑс юх эвӑт, нохӑр юх єрн така ювӑрсєм. Вўса турн мунталн тэвӑсӑам. Улмаяң Вухсарэн лола-поса турн мунталы эвӑт хот вєрӑс. ўв хотӑ Вән вот акенӑн е путса. Ма хущєма вәты юхтӑс. Мӑнты па щӑта ким лукємӑсэ». «Я, муй щикєм вєр пӑты хоӑӑн. Мӑнумн, ма ўвты йира вошӑтєм». «Яа, нӑңен хута оь вошӑтты, Мойпӑр аке эвӑт ӑн пакнӑс, Кўщилэңкена ӛр ӑнт юхтӑс. Нӑң щикєм войлэңкена хән хәӑнтӑ».

Щи мӑнсӑңӑн. Вана юхӑтты питсӑңӑн, ин щищкўреклэңки щи ўвтӑс: «Ма тӑйты картєм, ма тӑйты кешєм ким эсӑтєм юпийн мӑта вой, мӑта тащ ыӑңа хән хӑщ, иса пайы тәам».

Улмаяң вухсар иса пакнӑс, мутсӑр вәы тўр сый хәмӑс, ов эвӑт ким рӑкнӑс па вәнтӑн щи пєнтӑс.

Щи юпийн Шоварлэңки па Щищкурек хошум хотн вәмитсӑңӑн. Ин па таңха щӑта щи вәӑңӑн.