Шуши мирев культура - Культура обско-угорских народов

Ай кєр тыӆӑщ 4-8-мит хӑтӆӑтн Ёмвошн вўӆы ӆавӑӆты ёх мўвтєӆ мир конгресса ӑктӑщийӆӆӑт. 

Интӑм Арктической Совет хущи Россия мўвев кәщая вәӆ. Щи вуӆаӊ мирхот Ёмвош ок­ругев правительства ёх па «Мўвтєӆ вуӆєӊ ёх» тӑхи хуятӑт иха ӆэщӑтсӑт. 

Югра мўвевн щи мирхот оӆӑӊ пўш вєрӆы. Мосӆ лупты, округевн шуши мир вєрӑт ӆавӑӆман тӑйӆыйт па нух аӆумӆыйт, аӆпа, щи пӑта тӑта вєрӆы.

Россия кәща В.В. Путин поступсы щирн, 2022-мит оӆ — щит йис вєрӑт нух ӆэщӑтты оӆ. Тӑм оӆн арсыр вєрӑт ӆэщӑтты мосӆ: хурамӑӊ мир  пурмӑсӑт вєрты пищӑт, еӆӆы тәты йис ёх щир вәӆупсы, йис пурмӑсӑт па йис ёх вәӆум хот вуӆӑт па кәрт вуӆӑт, кашӑӊ мирев кан щир вәӆупсы.  Щит кашӑӊ мира мәстӑты па щи мирн вана тӑйты вәӆупсэт Россия ӆуваттыйн ма ӆэщӑтты пӑта вєрум оӆ.

«Правда» колхозны (Амня курт) таты отнгы­тым вуш эвыт торн па янас тапыттот иса по­райны тася утл. Ун пелык торныт фермая тусыит. Там ванны Лопатны (Вурты пан) утым торныт колхоз фермая татти­сыит. Колхоз мисыт та­пыттот верны нуша вер ута ант питтыт. Сит пата рахыт эсым­йингк пусты вер сора нох атымта.

«Правда» колхозны интам Хуллор куртны утты торныт (пумыт) мисыт фермая татти­тыит. Торн таттиман кол­хозны нэмасыя партым ёх рупиттыт.

И. Никитин, Сумыт вош район

«Ленин пант хуват», № 12 (143), 27-мит январь 1959-мит от 

Газетаев ӆўӊӑтты тынӑӊ хуятӑт! Тӑм оӆн «Хӑнты ясӑӊ» газетаев 65 оӆа йиӆ. Щирн интӑм кашӑӊ номерн нынана хӑншты питӆўв, муй оӆӑӊӑн «Ленин пӑнт хўват» (щиты сыры нєпекев нємӑтсы) газетайн сыры хӑншсы. Оӆӑӊмит оӆӑтн тӑта Ас кўтуп хӑнтэт путрупсыйн иса путрӑт хӑншман вәсӑт. Ин ӆўӊтаты 1959-мит оӆн Ас хӑӆты тыӆӑщн хӑншум путӑрӊӑн. Муй иты ханшман вәс, щиты хӑйсэв.

1954-мит отны Сумыт вош районны 3 хут вет­ты артель ий уны артеля пилтасьсыт па Йитып Тэк курта центр версыт.

Сўмӑтвош район Игрим вошн вухаӆь нє Светлана Владимировна Замкова вәӆ. Мин вәйтантыйӆсумн, хән шуши мирӑт пӑта ёнтӑсты па шўкщӑты вәнӆтыйӆты хӑр вєрӑнтсы. Ӆўв щимӑщ мирхотӑта ӊхийӆ па вухаӆь щирн ёнтӑсты вәнӆтыйӆ.

Светлана Владими­ровна путӑртӑс, хуты ӑӊкеӆ Анеева кәртӑн сєма питӑс па єнмӑс, щит Елена Степановна Сон­дина вәс. Ӆўв вухаӆь хоттєӆ ёх хущи єнмӑс, йис вєрӑт тәса вәсӆэ, вой сух эвӑӆт милӑт ёнтӑс. Ащеӆ рўщ, Курск вош эвӑӆт вәс. Щиты Светлана Владимировна ӑӊкеӆ оӆӑӊӑн путӑртӑс:

Мўв ӆуват ёх пӑта вәӆты Генеральной Ассамблея ООН яӊ оӆ мӑра 2022-мит оӆ вўш эвӑӆт 2032-мит оӆ вәнта мўв ӆуват мўвӑӊ-йиӊкӑӊ ёх ясӊӑт така тӑйты яӊ оӆ вєрӑс. Щи вән вєр ЮНЕСКО тӑхийн ӆэщӑтсы, па 2019-мит оӆн мўвӑӊ-йиӊкӑӊ ёх ясӊӑт така тӑйты оӆ вәс.

Йиӆуп оӆ мӑӊхӑтӆӑт пурайн «Хӑтӆ» нєм­пи хӑнты па вухаӆь мирӊӑн театр ёх «Югор­ка. Телепортация» нємпи моньщ аӆьсӑт.

Тӑм моньщӑн Ищки Ики «Tik-Тok» нєм­пи социальной сеть хуща мосты утӑт вантты вєритӆ, нух хӑншты па щив китты па аӆьты, лоньщӑӊ пухие йога вєрман нумсӑӊа па щомӑӊа йиӆ, Югорка по­хатур имухты па ипўӆяӊ па тӑхетн тывты хошӆ. Тәп моньщӑн атум утӑт ищи вәӆӆӑт, ӆыв Йиӆуп оӆ постӑты ӑн ӆӑӊхаӆӑт па иса муй вєрӆӑт, ӆәӆн па ёх ищи Йиӆуп оӆ мӑӊхӑтӆ ӑн пос­тӑсӑт.

Щимӑщ нєм тӑйӆ киника, мӑта ут оӆӑӊӑн мўӊ ван хӑтӆуп тыӆӑщ 23-мит хӑтӆӑн «Торум Маа» музейн уша вєрсўв. Щит кӑтӊӑн хӑншсӑӊӑн: философской наукайт доктор, А.И. Гер­цен нємуп Российской государственной педагогической университет профессор хә Игорь Леонтьевич Набок (Санкт-Петербург вош) па культурология кандидат нє, округ вәнӆтӑты вєр тәты институт доцент Наталья Ивановна Величко (Ёмвош).

Тӑм вәйтантупсы «Торум Маа» музей научной рәпатнек На­талья Краснопеева пўншӑс:

Ван хӑтӆуп тыӆӑщ 22-митн катра йис пурмӑсӑт шавиты «Торум Маа» тӑхийн «Хуӆта ма ӛшєм мӑнӆ…» ӆўӊӑтты вәйтантупсы вєрӑнтсы. Щӑта хӑнты мир поэт хә Матвей Новьюхов оӆӑӊӑн путӑр вәс.  

Тӑта мосванӑн ван хӑтӆуп тыӆӑщ сухӑнтты кємн Сўмӑтвош районӑӊ декоративно-прикладной творчества па шуши мирӑт хот йитн вәӆты па рәпитты нєӊӑт нємасыя хурамӑӊ ванӆтупсы ӆэщӑтсӑт па щимӑщ нємн ӆўвеӆ кантсӑт «Сўмӑтвошӑӊ вєрӑнтты нєӊӑт ёнтум тўтщаӊӑт».