Шуши мирев культура - Культура обско-угорских народов

Мєт оӑң пўш «Волдинской ўңтупсэт» лыпӑт тыӑщ 19-мит хӑтӑн Ёмвошн Югорской университетн эщӑтсыйт. Кимит пўш щитӑт 20-мит хӑтӑн хӑнты мир писателя Владимира Волдина юкантум «Поэт ыӑң сӑм» вәйтантупсэт щирн Кышик кәртӑн нємасыя етшуптӑсы.

Ас нопӑтты тыӑщ 25-мит хӑтӑн Югра мўв округ уваттыйн омӑсты арсыр ай кәртӑтн па вән вәшӑтн вәты хӑннєхуятӑт хӑнты мирев поэт Владимир Волдин 80-мит оӑ увата сєма питум хӑтӑ пориӑсӑт.

Мўвтє мирӑт йис пурмӑсӑт ӑкӑтты па шавиты хотӑт емӑңхӑт пӑты Ас нопӑтты тыԯӑщ 19-мит хӑтӑԯн Ёмвош «Торум Маа» тӑхийн «Ратхӑр пў-ңӑԯн ат» нємпи әмӑщ етнхот эщӑтсы.

Лыпӑт єнумты тыӑщн Ёмвош округ творчества хотн имет па эвет хӑнты ернас ёнтты вәнтыйсӑт. Мєт сыры мир ӑктӑщумн Ёмвош округ творчества хот кәща ими Елена Исламуратова па «Торум Маа» йис пурмӑсӑт шавиты тӑхи кәща нє Людмила Алфёрова ияха рәпитты щира кашащты нєпек хӑншсӑңӑн.

Щиты лупӑс Россия народной мастер нємуп хә Яков Тарлин, хән «Мужские и женские ремёсла: музееведческий и этнопедагогический аспекты» нємуп мирхот пўншсы. Щи вєр лыпӑт тыӑщ 4-8-мит хӑтӑтн «Торум Маа» музей хущи мӑнӑс. Оӑң хӑтӑн нєпекӑң ёх путрӑт путӑртсӑт. Щӑта мира «Объект. Время. Культура» нємуп вантупсы вантӑсы. Щӑта кашӑң вєрӑң хуят оӑңӑн ай павӑтсы, хуйтат вєртут вєрты хӑра арсыр кәртӑт, вошӑт эвӑт юхтыйсӑт.

Лыпӑт тыӑщ 1-митн — няврємӑт авӑты хӑтӑн — Ёмвошн «Торум Маа» йис пурмӑсӑт шавиты тӑхийн яртъяңмит пўш Вурщик хӑт постӑсы. Щи хӑт йис пура вўш эвӑт Конда юханӑн вәты вухаят емӑңа тӑйсӑт.

Тәня, хән мўвев кәща нє депутатӑта па мира мўң мўвев вәупсы оӑңӑн ай павтӑс, щи пурайн 2018-мит о «Год гражданского согласия» нємн аьсӑэ. Ас нопӑтты тыӑщ 27-мит хӑтӑн Нижневартовск вошн «Гостеприимный чум» нємуп емӑңхӑт Комсомольской орн вәс, хута арсыр ясңуп мир ияха ӑктӑщийсӑт. Щи ут «Хунзи» нємуп община ёх эщӑтсӑт па каш хӑра белорусӑт, армянӑт, чеченцӑт, ингушӑт, хӑтанят, рўщӑт, марийцӑт па па мир вохсӑт.

Эмма Радиковна Усманова — мўв ипийн катра йис пурмӑсӑт кӑншты нє па бронза нємуп йисн вәум әмӑтсухӑт ёнтты ими. ўв хәумъяң мутас о Сарыаркинской археологической институтн рәпит, щи ут Карагандинской университета ӑңман вә (Казахстан). Э. Усманова андроновской вәупсы па бронза йис оӑңӑн ар нумсӑң нєпек хӑншӑс. ўв арсыр научной мирхотӑтн Казахстан, Россия, Великобритания, Норвегия, Венгрия па па мў-вӑтн вәяс. Щӑта Казахстанӑн вәты ЮНЕСКО тӑхийн па IX-мит Мўвтє пурмӑс вєрты хӑрн (Урай) вєрӑт єрамтты нєңа вәс.

Ма щатьщащєм Михаил Николаевич Лозямов вәум йисӑн Ас мўв Мущаң кәрт эвӑт вәс. Щӑта єнмӑс. Ԯўв хуна ай вәс, хән ӑңке-аще ӑнтәма ювман. Щаще Татьяна Афанасьевна Вандымова Помут юхан пўңӑ эвӑт вәс. Айтєӆн акен ємӑң юхан пўңа тәсы па тӑта нәптӑ вәсӆэ.

Мосум мўвн Кышик вошн вурңа хӑта щурӑсӑты ёх, кәртӑң мир па мойң хуятӑт юхтыйӑт. Ай кєр тыӑщ юхи хӑщум хӑтӑн Мосум юхан пўңӑ кәртӑн вурңа юхтум емӑңхӑт постӑсы.