Айкеԯӑт - Новости

Юхи хӑщум оӆӑтн аршӑк мир сыр-сыр мәшӑтн кӑшитты питсӑт. Мєт ар кӑшаӊ хуят вән вошӑтн вәӆ. Ар няврєм дифтерия, коклюш па па инфекционной мәшӑтн кӑшитты питсӑт. Тӑм йиӆуп йисн итәх ӑӊкет-ащет ӑн ӆӑӊхаӆӑт няврємӆаӆа прививка пуртәнӑт ӆоньщтӑты. Щи пӑта сыр-сыр кӑши-мәш ара йиӆ па аршӑк хӑннєхә кӑшитты вєритӆӑт.

Лыпӑт хойты тыӆӑщ 27-мит хӑтӆӑн Моск­ва хон вошн «Югра мўвев сӑм» нємпи ванӆтупсы пўншсы. Щӑта Олег Зотов вєрум хурамӑӊ хурӑт ванӆтӑӆыйт. Ӆўв Югра мўвев хўваттыйн ӊхман щи хурӑт вєрӑс.

Ванӆтупсы пўншты пурайн Олег Зотов лупӑс:

- Югра мўв ма пӑтєма щимӑщ мўв, хута иса вєрӑт тўӊа, ма мӑнӆӑт. Хурӆам эвӑӆт нын уша вєрӆӑты, муйсӑр хурамӑӊ щӑта мўв, тәрум, кевӑт, муйсӑр каркам ёх щӑта вәӆӆӑт.

Лыпӑт хойты тыӆӑщ 26-28-мит хӑтӆӑтн Ёмвошн «Этнокультурное наследие коренных народов как ресурс устойчивого развития Ханты-Мансийского автономного округа – Югры» нємпи вән мўвтєӆ мир научной мирхот вәс. 

Щи оӆӑӊӑн ӊта пӑсан пурайн путӑртсўв, мӑта ут лыпӑт хойты тыӆӑщ 30-мит хӑтӆӑн «Хӑнты ясӑӊ» газетаев 65 оӆ постӑты пӑта «Торум Маа» нємпи йис пурмӑсӑт ӆавӑӆты хотн ӆэщӑтсўв. 

Вўща ясӊӑт лупсӑт: округ оса, айӆат ёх вєрӑт тәты департамент кәща нє Елена Шумакова, округ дума кәща ӆӑӊкӑр хә Еремей Айпин, 30 муӆтас оӆ редакцияевн кәщая вәӆум ими Мария Волди­на па па хуятӑт.

Лыпӑт хойты тыӆӑщ 6-мит хӑтӆӑн Москва хон вошн Россия мўв наукайт Академия хот хуща вәӆты арсыр ясӊӑт ӆєрамтты институтн хӑнты учёной нє Софья Владимировна Онина (Талигина) филологической наукайт доктор нєм хоӆумтӑс. Ӆўв «Способы выражения побуждения в хантыйском языке» нємпи докторской диссертация хӑншӑс. 

Тӑм ванӑн Сўмӑтвошӑӊ киникайт хӑншты хә Леонид Бабанин Донбасс оӆӑӊӑн ӆэщӑтум «Ёмвош эвӑӆт ӆаӆясты Донбасс хуща. 2015-мит оӆ» нємуп киника єсӑӆсы. Йиӆуп киника кӑт ясӑӊӊӑнӑн хӑншман вәӆ, щит рўщ па английской щирн. Иха ӆўӊӑтты ки, «Ёмвош эвӑӆт ӆаӆясты Донбасс хуща. 2015-мит оӆ» нємуп киника 2 000 арат єсӑӆман вәӆ.

Тӑм оӆ оӆӊитум вўш эвӑӆт Россия мўвн вәӆ­ты кӑт мил­лион хӑн­нєхә рәпа­та оӆӑ­ӊӑн нєпек элект­ронной щирн ӆэ­щӑтсӑт. Щи вўрн ка­шӑӊ хуят мосты пу-райн рәпата нєпекӆ вантты вєритӆ. Интӑм ӑн мосӆ ка­шӑӊ пурайн рәпата тӑхийн нєпек хӑншты па ӆавӑӆты, ӆәӆн щи нєпек ёша вўты. 

Округ мирев, хуйтат льготной категория тӑйӆăт, интăм рўтьщă­ты хотăта ӊхты питӆăт. 

Ешавәӆ Ас потты па ван хăтӆуп тылăщӊӑнӑн округевн вәӆты мир кăт тӑхия, щит Ялуторовск во­ша «Берёзовая роща» нємпи тӑхия па Омск мў­ва «Колос» тӑхия ӊхӆăт. Щӑта леккарăт кӑӆы ӆєрăт, щӑӆта ёш-кўр па нервной па эндокринной система кӑщи-мәшăт лекщитӆӑт.

Хоньщупсы мәш (грипп) – щит инфек­ционной кӑши-мәш, вирусӑт эвӑӆт тывӆ. Хӑннєхә ӆыӆ шив мухты щи кӑшийн юхӑтӆа, хән мәшӑӊ хуят пиӆа и тӑхийн вәӆӆяӆ. Хән хӑннєхә кӑшаӊа йиӆ, ӆапӑт хӑтӆ мӑр ӆўв эвӑӆтэӆа па хуят хоньщупсы мәшн питты вєритӆа.

Мӑта щирн уша вєрты рӑхӆ: 

- Мәша йиты пурайн єӆ сух каврум;

 - ух кӑши;

Тӑм ванӑн Камчатка мўвн Российской айӆат ёх «Экосистема. Заповедный край» нємпи вән мирхота ӑкӑтсыйт. Иха ӆуӊӑтты ки, 450 муӆтас айӆат хуят вәйтантупсыйн вәс. Щӑта ӆыв мўвев-йиӊкев ӆавӑӆты щирӑт оӆӑӊӑн путӑртсӑт. Сырыя айкеӆ вєрсӑт, муй щирн ӆыв мўвӆаӆн щи вєрӑт ӆэщӑтӆӑт, хутыса хиет, ваншиет па иса єнумты утӑт шавиӆӑт па ӆавӑӆӆӑт. Щи тумпийн кўтэӆн путӑртсӑт, муй вєрты, ӆәӆн еӆӆы єнумты айӆат ёх рәт мўвиеӆ ищиты мосман па сӑмӑӊа ат тӑйсӑт.