Айкеԯӑт - Новости

Щи оӆӑӊӑн Октя­брь­ской район Сергино вошн вәӆты нє Мария иньщӑсӆ:

- Ма ӆўӊӑтсум, мӑтты пен­сия вух мӑты вєрӑт ар хураспет, страховой па государственной пенсия вухӑт вәӆӆӑт. Муйӆаӆ кӑт хураспет?

Тӑм иньщӑсум вєр оӆӑӊӑн юхӆы путӑртӑс Югра пенсионной фонд хуща рәпитты ими Люд­мила Кончина:

- Поступсы щирн тӑм йисн пенсияйт кӑт хураспет: страховой па государ­ст­венной пен­сияйт вәӆӆӑт. 

Макеевка вош няврємӑт, щит Донецкой Народной Республика эвӑӆт юхтум мойӊ ёх, вәщ тыӆӑщн 26-мит хӑтӆӑн «Торум Маа» музей хуща вәсӑт. Няврємӑт мўӊ Югра округева рўтьщӑты па мәшӆаӆ мӑӆтӑты юхӑтсӑт. Мўӊ Югра округев па Макеевка вош кўтӆаӆн нётӑсты нєпек хӑншман тӑйӆӑт. Щи поступсы нєпекн ёш пос пунман тӑйӆӑӊӑн Югра губернатор Наталья Комарова па Макеевка вош кәща хә Владислав Ключаров. 

Тӑм нєпек тӑӆаӊ па кӑшаӊ хӑннєхуятӑт пӑта мосмитӆ. Тӑта хӑншман, муй щирн сӑм кӑши оӆӑӊӑн уша вєрты рӑхӆ па муйсӑр нётупсы мєт оӆӑӊӑн вєрты тохтурӑт кӑшаӊ хуят хущи йиты мӑр. Тӑм хӑншум ут унтасн нын вєритӆӑты шӑӊкап сӑм кӑшийн юхтум хӑннєхәя нётты.

Россия мўвевн 80 % арат мир сӑм мәш эвӑӆт ӑнтәма йиӆăт. Щит юӆн, рәпатайн, рўтьщӑты пурайн, оса тӑхетн тывӆ. Ар пєлӑк щимӑщ вєр шӑӊ­кап питыйӆ. Щи пӑта мосты артӑн щимӑщ ху­ята нётты ки, ӆўв ӆыӆӑӊа хӑщӆ. Хўв мӑр тохтур ки ӑн вохӆы, щи пурайн кӑшаӊ хӑннєхәя нётты ӆавӑрт.

Щи пӑта кашӑӊ ӆўӊ округевн тынӑӊ хўӆ нлкӑт Ӆаӊаӆ па Ас хуща єсӑӆӆыйт.

Вәщ тыӆӑщ 21-мит хӑтӆӑн Ёмвошн Ӆаӊаӆ хуща сәх хўӆ нлкӑт єсӑӆты вєр ӆэщӑтсы, щит вєрты пӑта мўв-авӑт мосман тӑйты няврємӑт пиӆа округ кәща нє Наталья Комарова па Ёмвош кәща хә Максим Ряшин юхтыйӆ­сӑт. Тӑмхӑтӆ 3 грамм ӆуваткєм 140 щурӑс сәх нлӑк йиӊка єсӑӆсы.

Округ кәща нє лупӑс:

Щи оӆӑӊӑн округ мир мӑӆты вєрӑт тәты департамент кәща хә Алексей Доброволь­ский лупӑс. Ӆўв ясӊӑӆ эвӑӆт уша йис, кӑт тыӆӑщ пийн коронавирус мәш эвӑӆт нємасыя нюӆ мухты єсӑӆты пуртән тәӆы. 

 Нюӆ мухты єсӑӆты вакцина эвӑӆт хӑннє­хуята арсыр мәшӑт хойты ӑн питӆӑт, – лупӑс А.А. Добровольский.

Вәщ тыӆӑщн Югра мўвевн коронавирус мәшн мәшитты ёх ара йиты питӑс. 

Округев ӆуваттыйн ӆапӑт пәӆьницайн нєма­сыя 73 нуры ӆэщӑтман вәӆ.

А.А. Добровольский Югра мўв ёх иньщӑсуп­сэт юхӆы ясӊӑт миюм пурайн лупӑс, хуты ин пәӆьницая вєнш сух пиӆа ӊхты мосӆ.     

Ӆўӊ пура оӆӊитумн Москва вошн Увӑс мўв па Дальний Восток эвӑӆт мєт апрӑӊ па нумсӑӊ нє­ӊӑт па хәйт «Россия мўв увӑс мирӑт. Оса дипломатия вєрӑт тәты ӑшкола» нємуп хи хӑщум вәнӆтӑты хӑра ӑкатсыйт. 

Вәщ тыӆӑщ 2-3 хӑтӆӊӑнӑн Нефтеюганской район «Моньщ» нємпи рўтьщӑты тӑхийн мўвтєӆ мир кӑсупсы вәс. Щит Вит Хон хӑтӆ пурайн ӆэщӑтсы. Нух питум хуят округ кәща эвӑӆт Кубок нємпи мойӆупсыйн мӑсы.

Кӑсупсыйн 19 арсыр тӑхи эвӑӆт 165 хуят кӑсӑс, щит Сербия, Замбия мўвӊӑн па Ёмвош округ хуятӑт.

Хә хуятӑт кўтн Сәрханӆ мўв хәйӊӑн нух питсӑӊӑн, щит Алексей Русскин па Виталий Покачев, имет кўтн – Ксения Айваседа па Ирина Сухих Нижневартовской район эвӑӆт. Ӆыв мевӆ посӑтн, ишӑк нєпекӑтн па вухӑӊ мойӆупсэтн катӆуптӑ­сыйт. 

Щиты Югра мўв вәтаӊ писатель хә Леонид Бабанин лупӑс. Тӑм ванӑн ӆўв мўӊ редакцияева амтӑӊ айкеӆ пиӆа юхтыӆӑс.

Мурманской область хуща лыпӑт тыӆӑщн 20-26-мит хӑтӆӑтн, арсыр увӑс мир айӆат ёх пӑта, тарнӑӊ пӑнт хўват «По следам той войны (Патриотическое волонтёрство)» шәшупсы вєрӑнтса. Тӑмӑщ вєр Елена Алмазовая нумӑса питӑс, ӆўв Мурманской область хуща Кольской мўв саамӑт ассоциация хуща рәпитӆ. Щи нумӑсн тӑйты вєр Любовь Саламащенко ӆэщӑтты питӑс, ӆўв ищи щи мўвн увӑс мир пиӆа рәпитӆ.  

Тӑм оӆ лыпӑт тыӆӑщ 22-мит хӑтӑӆн округ кәща нє Наталья Комарова Юван Шесталов нємпи премия хоӆумтум ёх мойӆӑсӆэ. Иван Николаевич Шесталов нємпи вухӑӊ премия 2012-мит оӆн округ правительства ёх ӆэщӑтсӑт. Щи пура вўш эвӑӆт кашӑӊ оӆ мєт апрӑӊ, вєрӑӊ па нумсӑӊ йис вєрӑт ӆєрӑмтты шуши мир пириӆы, ӆәӆн вухӑӊ премияйн катӆуптӑты.