Айкеԯӑт - Новости

Ван хӑтӆуп тыӆӑщ 13-15-мит хӑтӆӑтн Нуви сӑӊхум район хуща «Югра ӆыӆӊуптӑты» шуши мир оса тӑхи XIV-мит вән мирхот вәс. Тыв Югра мўвев арсыр районӑт, вошӑт, кәртӑт эвӑӆт 50-кєм хуят юхтыйӆсӑт. Мєт сыры мойӊ ёх Касум кәрта йис пурмӑсӑт ӆавӑӆты хота тәтьӆясыйт. Тӑта музей рәпатнекӑт касум хӑнтэт вәӆупсы оӆӑӊӑн путӑртсат, «Касум ёх» кәрт аӆьсӑт, щӑта арсыр хотӑт кӑншман ущхуӆь юнт ӆэщӑтсӑт.

ӊта пӑсанӊӑн

Югра мўв сєма питум хӑтӆ еӆпийн ван хӑтӆуп тыӆӑщ 9-митн Ёмвошн «Югра-Классик» нємпи етнхотн ишӑкты нєпекӑт мӑты вєр вәс. Щи вән мирхота ар мойӊ ёх юхтыйӆсӑт.

Уральской Федераль­ной округ хўват Рос­сия мўв президент ӆӑӊ­кӑр хә Владимир Якушев лупӑс: 

Врач кашенг хоят иньсистыттэ: – Муй­сыр кашины нанг сы­ры кашитыйтсын?

– Нэммотты кашины ма ант кашитсым.

– А путянгыт ки ну­мысман лопта.

– Па иртны ангинаны кашитыйтсым. Я, си муй каши хун?

– Антом – сит тавырт каши.

Грипп-сит ара манты муш, тув сэмны ант катты микробытны ара туты. Там мушны татанг от рахыт кашитта, а ись­ки артытны мет ар хоят мушинга йита питл.

Там муш мушинг ёх эвыт янас ёха хунгхыт полшингны утты мик­робыт эвыт, тякты пол­шинг нох сортат ювпины, сята утты микробыт пыль пита нох этыммитыт. Си­ты тэваса янгхты мик­ро­быт тыт рув пита хан­нэ­хо тыпия питтыт па сит па­та ханнэхо мушит­та питл. Мушинг хоят хуттиты артны иситы микробыт ара мантыт.

Ван хӑтӆуп тыӆӑщ 1-2-мит хӑтӆӊӑнӑн Ёмвошн «Югра-Классик» хотн ӆыв саттэӆа вєрӑт тӑйты 300-кєм хуят вән мирхота ӑктӑщсӑт. Ин щи мирхот «Йиӆуп пура, йиӆуп вәӆупсы, йиӆуп вєрӑт» нєм тӑйс.

Вән мирхот Югра мўв экономика вєрӑт тә­ты департамент кәща хә Р. Генкель пўншман ястӑс: 

- Тӑм ӆавӑрт пурайн ок­ругевн ӆыв саттэӆа вєрӑт тӑйты ёх ищиты щи апрӑӊа рәпитӆӑт. Тәняӆ оӆ киньщи 7 % арат тынєсты вєр мшӑка мӑнты питӑс па 556 миллиард шойт вух арат ӆєтут-пурмӑс ты­ны­сы. Щирн нын ӆавӑрт пура пєӆы ӑн вантман еӆӆы ма рәпитӆăты.

 Москва хон вошн Ас потты тыӆӑщ 23-24-мит хӑтӆӊӑнӑн Увӑс мўв, Сибирь па Дальний Восток шуши мир няврємӑт вәнӆтӑты хуятӑт хәӆмит пўш вән мирхота ӑктӑщийӆсӑт. Тӑм вән мирхот Россия мўв оса тӑхи «Увӑс мўв, Сибирь па Дальний Восток Ассоциация» ёх па рәт ясӑӊ па увӑс мир литература вәнӆтӑты хуятӑт Ассоциация ёх ӆэщӑтсӑт. 

Тӑта мосванӑн Югра мўвев Росгвардия тӑхи хуща вәӆты ёх Нємӆаӆ ӑн вәйтты солдатӑт хӑтӆ постӑсӑт. 

Щи пӑта Ёмвош кев хурас хуща нух вў­щитум тўт пўӊӑӆн ӆыв ӆоӆь­сӑт. Щӑӆта Росгвардия, вошӑӊ кәщайт, волонтё­рӑт па шуши хӑннєхуятӑт нәмӑӆмӑсӑт Вуӆаӊ ӆаӆьн, арсыр ӆаӆь хӑрӑтн ӑнтә­ма вум хӑннєхәйт.
Щимӑщ вєр пийн ӆыв ӆыӆӑӊ лыптӑт нух вўщи­тум тўт ӆєпн пўнсӑт. 

Югра мўв Росгвардия тӑхи кәща хә, полковник Евгений Симаков щи пу­райн путӑртӑс: 

Ас потты тыӆӑщ 24-мит хӑтӆӑн Ёмвошн округ дума 14-мит мирхот вәс. Тӑм хӑтӆӑн депутатӑт 2023-мит па еӆӆы питты 2024-2025-мит оӆӑта мим округ бюджет вухӑт нух вантсӑт, щӑӆта щи поступсыйн ёш посӑт пунсӑт.

Мосӆ лупты, тӑм 2022-мит оӆн мўӊ мў­вевн шимӑӆшӑк питы сорни мўв иӆпийн нух вў­ӆы, щирн бюджет ин еша пасырашӑк вєрсы. 2023-мит оӆн округ бюджета 287,2 млрд шойт вух йиӆ, 2024-мит оӆн – 291,4 млрд шойт вух, 2025-мит оӆн – 297,6 млрд шойт вух. 2023-мит оӆн округ бюджетн тӑруптӑты вухӑт – щит 329,5 млрд шойт вух, 2024-мит оӆн – 320,6 млрд арат шойт вух, 2025-мит оӆн – 332,4. 

Ас потты тыӆӑщ 11-мит хӑтӆӑн Ёмвошн «Югра-Экспо» хотн «ЮграТур-2022» нємпи ванӆтупсы пўншсы.

Ванӆтупсы пўншмаӆн округ кәща нє На­та­лья Ко­марова лупӑс, хуты тӑм ванӆ­тупсы – щит мўӊ мў­вева мойӊа тәтьӆяты ёх па ӆыв пӑтэӆа рўтьщӑты тӑхет ӆэ­щӑтты ёх пӑта мєт мосты вєр, вантэ, ӆыв кўтэӆн иха рәпитты пӑта кашащты нєпекӑтн ёш посӑт пунты вєритӆӑт.

Ас потты тыӆӑщн 21-22-мит хӑтӆӊанӑн «Гражданские инициативы» нємуп ӑктупсы Когалым вошн вєрса. Щи ӑктупсы Югра мўвев кәща Наталья Комарова пўншӑс. Тыв нумӑс тӑйты федеральной экспертӑт, мир пиӆа рәпитты ёх, НКО па фондӑт тӑйты ёх юхӑтсӑт. Оӆӑӊ хӑтӆ ӑктупсы «Общественные инициативы для социального развития северных территорий» нєм тӑйс. Щӑта путӑртсӑт, муй вўрн мир тӑйты нумсӑт мосты вєрӑт щира ӆэщӑтты.