Айкеԯӑт - Новости

Сәрханӆ мўвн рәпата щирн вәӆман округ губернатор нє Наталья Комарова Лянтор вош пўӊӑӆн вәнт шушийн вәӆты вўы авӑты айат хӑннєхә Клим Кантеров тӑйты «IT-стойбище» хуща мойӊа ӊхӑс.

Ямал мўвн уӆты хӑнты мир Яӆп тӑӆ кеша нынӑна ун мойӆпса ясӑӊ китӆӑт. Тумтака па вещката уӆаты!  Нпсӑӊ м верӑт Яӆп тӑӆн вераты! Рупитты хят рупата, ёӆн иса ма ат питӆ, утӑӆтӑты хятатӑт вещката ат утӑӆтӑӆӑт, няв­­рэм энмӑӆты хятӑт няв­рэмӆаӆ ёша-кўра ат энӑмӆӑт. Рут ясӊеӆн ат п­тӑртӆӑт, опращӆӑв миям тус ясӑӊ, тус птӑр, хрӑм ар ат арэмиӆэӆ па мосман ат тӑйӆэӆ. Туса верӑтты хя­тӑт ӆўв ёшеӆ эӆты х­рӑм прмӑс ат этӑӆ. Вой веӆ­ты хятӑт эӆты, хўӆ веӆ­­ты хятӑт эӆты м веӆ­пӑс! Тащӊа ӊхты хя­тӑт эӆ­ты рутэӆ вўӆы ат мияӆ!

Яӆп тӑӆ кеша мой­ӆп­са ясӑӊ Ямал мўв эӆты китӆӑм. Найн-Урн пиӆн еӆӆы тумтака уӆаты! Ӆуӊхӆўвна ат шавиӆӑюв, нётӆӑюв, йна мӑӆаюв.

Аӆӑӊсахӑт хӑтӆ этмӑӆ иты, яӆпа ёхтӑм нмӑсӆан, верӆан, щирӆан еӆӆы ат мӑнӆӑт. Вевтам ясӊӑт ун ӆоньщ пай иӆпия ат ӆӊӆӑт. 

Югра мўвевн вәӆты шуши ёхӆўв йис­тєӆн ушӑӊа-щирӑӊа сєр-юра па мир кўтн вәсӑт. Катра пурайн вән ёхӆаӆ партум щирн ар пєлӑк хӑнтыӆўв, вухаӆьӆўв па юрнӆўв йис вєрӆаӆ тәса вәӆӆӑт, щи вєрӑта ай ёхӆўв вәнӆтӑӆӑт, рәт ясӑӊ сӑмӑӆн тӑйӆӑт па щитн путӑртӆӑт, мўвев-йиӊкев ӆавӑӆман шавиӆӑт, ӆәӆн мўӊ мирӆўв йис вәӆупсэв ӑн вәтшӑсўв.

Еша вәӆ тӑм 2020-мит оӆэв щи сухнуптӑӆэв. Ӆӑӊхаӆум лупты, хуты еӆ мӑнты оӆэвн ар пєлӑк эвӑӆт мсыева артаӆӑсыюв па вантсыюв вәӆты-хоӆты хўватн. Тӑм кўтн вәӆупсы хурасӆўв еша па щирн мўӊ ӆэщӑтсӑӆўв.

Йиӆуп оӆэв, йиӆуп оӆэв!
Йиӆуп щўнят ӆўв ат тәӆ,
Йиӆуп нумсӑт ӆўв ат тәӆ!
Йиӆуп оӆэв, йиӆуп оӆэв!

Хиньӆа вєрум ӆавӑрт суртэв,
Хиньӆа вєрум мәшӑӊ суртэв,
Ӆавӑрт суртэв еӆ ат  хӑтьӆ  
Мәшӑӊ суртэв еӆ ат  питӆ.

Хӑтӆӑӊ хӑтӆэв ми нуви,
Хӑтӆӑӊ хӑтӆэв ми хошум,
Кашӑӊ мўва ӆўв ат суртӑӆ
Кашӑӊ хота ӆўв ат ӆуӊӑӆ.

Увӑс ёх, щит хӑнтэт, вухаӆят па юрнӑт ёх тӑм йиӆуп оӆэв юхӑттыйн  вухн нётты питӆайт. Щи вух мӑты питӆа ӆоньщ хўват ӊхты ай машинайта вәнӆтыйӆтэӆ пӑта па мотор ай хопн ӊхты вәнӆтыйӆтэӆ пӑта. Тӑм йисн щи карты шәпӑтн ӊхты пӑта нєпек тӑйты мосӆ. Щи нєпек ёша павӑтты пӑта ищи вәнӆтыйӆты мосӆ.

Ван хӑтӆуп тыӆӑщ 10-митн Югра мўвев сєма питум хӑтӆ вўш эвӑӆт 90 оӆ постӑты питӆўв. Щит Ёмвош округевн вәӆты ёх па няврємӑт пӑта вән мӑӊхӑтӆ. Югра мўвев – хурамӑӊ, тащӑӊ мўвиев.

Щи мӑӊхӑтӆ пос­т­ӑты щира Игрим кәртӑн шәкащты па мәшӑӊ няврємӑт вәӆты центр хуща арсыр ванӆ­тупсэт, кӑсупсэт ӆэщӑт­ман вәсӑт. «Югра – ма мўвєм» нємпи хурӑӊ кина вантмев пийн эвет-пухӑт хӑнты, ву­хаӆь па юрн мирӑт йис вәӆупсы оӆӑӊӑн уша вєрсӑт.

АО «Рыбокомбинат Ханты-Мансийский» мўӊ округев па па мўв ӆуваттыйн нємӆ сащӆ. Єпӆӑӊ, м хўӆӑт вєрты па тыныты пӑта сащӆ. Тӑта рәпитты ёх мўӊ  юханӆўв  па ӆорӆўв хўӆӑт эвӑӆт сыр-сыр єпӆӑӊ ӆєтутӑт вєрӆӑт. Щи тумпи па щорас хўӆ тыв тәтьӆяӆы. Щорас хўӆ эвӑӆт ищи ӆєтут кавӑртӆӑт. 

Интернет хўват «Тохтур эвӑӆт иньщӑсӆум» нємпи вєр вантты рӑхӆ. Тӑм карты кеӆ кашӑӊ ӆапӑт хӑтӆ мӑр хәӆум пўш рәпитӆ:  понедельник, вторник па четверг.

Муй пӑта щимӑщ вєр ӆэщӑтӆы. Ӆәӆн округевн вәӆты кашӑӊ хуят сӑмӆ оӆӑӊӑн муӆты мосты ут уша ат вєрӑс. Тӑм вєр ван хӑтӆуп ты­ӆӑщ оӆӑӊмит хӑтӆӑн ты­вӑс.