Ими хиӆы нарӑсӆ,   
Кеӆщи хәӆ тыйн ӆәйӆ,
Мӑӆӑӊ хўӆэн вей нтӑӆ,
Паннєӊен шай кавӑртӑӆ. 

Сортэн нюки хотн вәӆ, 
Юхан хуща пуӆ тӑйӆ, 
Пәнӆ эвӑӆт уяӊ хӑтӆ 
Вўӆы, cўрты, пєши єтӆ. 

Кӑсты мирев питӑс,
Хор мисэв сэвса ӆєӆ,
Оӊтӑӆа ампев уӆ,
Шойтӑӆа шовӑр ӆєӆ.

Миреӆ еӆӆы мӑнӆ,
Хопеӆ юхӆы хӑтӑӆ. 

Хәӆум хопты
Пиӆт ӆавӑӆӆӑт. 
Пиӆт сўӊ хуща 
Пух нарӑсӆ.

Нӆ ай ләксы
Шәхман йисӑт,
Пиӆтэӆ вўсэӆ, 
Кәрта тәсэӆ.

Вәнтӑр ӆухн кӑсӆ,
Хәӆум ампӑн таӆӆа,
Пӑӆӑӊа аӆумӆа,
Нуӆ ха омсӑӆтӆа.

Нуӆ хн омӑсӑӆ,
Каврум шай щи яньӆ.

Тӑӆн, ӆўӊ кўтупн,
Ат кўтупн, аӆӑӊ са
Пухен хумпӑӊ асӆ
Амп шӑншӑн щи вўншӑӆ. 

Валентина Соловар