Йис пура вўш эвӑӆт хӑнты мир вән кєр тыӆӑщ 7-мит хӑтӆӑн «Вурңа хӑтӆ» постӑӆӑт. Мир путӑртсӑт: «Вурңа юхтӑс, тови па няврєм тәс». Ин щи емӑңхӑтӆ пиӆа иса хӑнты мирева ям па хошум ясңӑт лупӆўв, ӆәӆн тӑм оӆн вурңа ар няврєм мирева ат тәс! 

Ин Валентина Швецова хӑншум вурңа оӆӑңӑн ар ӆўңтаты:

Питы вурңа, питы
Киньща питы нӑң.
Морты мўвен эвӑт
Нӑң юхтумӑн.
Вотӑн пуайн,
Ертӑн ертайн,
оньщӑн питайн, 
Ар шәк вантман
Нӑң кӑншаньщӑн.

Юва, юва нӑң,            
Юхта, юхта нӑң.
Мўң мўвева нӑң 
Хошум тува, тува нӑң.

оньщ уаты тыщӑн,
апӑтмит хӑтыенӑн,
Нӑң па кӑншаньщӑн
Нӑң щи вәйтантӑн.
Тыхӑ пунты юхӑтсӑн.
Ищки мўва кӑншаньщсӑн
Мўң кәртэвн нӑң, нӑң па 
пәрӑтяӑн, 
Кўриеӑн нӑң пот юх 
хуща хошмӑӑӑн.

Юва, юва нӑң,            
Юхта, юхта нӑң.
Мўң мўвева нӑң 
Хошум тува, тува нӑң.

Сєма питты няврємиета
Нӑң па амтӑтьяӑн.
Сўса йиты артӑн
Хошум мўвена нӑң па 
пәрӑӑн.
Мўв кўт эты нӑң
Щорӑс йиңк эты нӑң,
Нӑң щи кӑншаньщӑн,
Нӑң па вәйтантӑн.

Юва, юва нӑң,            
Юхта, юхта нӑң.
Мўң мўвева нӑң 
Хошум тува, тува нӑң.