Айкеԯӑт - Новости

Ай кєр тыӑщ 27-митн РИЦ «Югра» хотн «Центр профессиональной патологии» нємуп тӑхи вуаң тохтур Николай Ташланов па щи хот рәпатнек Владимир Слабко ай павӑтсӑңӑн, хутысаты тӑн кәртӑта яңхты леккар әхӑ рәпитӑс.

Н. Ташланов тӑмиты щи оӑңӑн путӑртӑс: 

Ай кєр тыӑщ 29-митн Пуңавӑт вошн хӑнты мир йис вәупсы єрамтты учёной нє Антонина Макаровна Сязи ӑнтәма йис.

Тӑм ванӑн сәрханӆ мўв хӑнтэт тром-аганской путрупсыйн йиӆуп киника єтӑс, щӑта Тәрума пойкщӑты ясңӑт хӑншман вәӆӆӑт. Щи киника оӆӑңӑн Ёмвошн ай кєр тыӆӑщ 21-митн киникайт ӆўңӑтты округ хотн ясӑң мӑнӑс.

Щи киника ӆэщӑтты «Русскинской центр досуга и творчества» хот кәща нє Ольга Звонова нумӑсн юхӑтсы. Иса пойкщӑты ясңӑт хӑнты ясӑңа Феоктиста Ивановна Смирнова тулмащтӑс. Хӑншум путрӑт филологической наукайт доктор нє Наталья Кошкарёва тәса ӆўңтӑс па юврая хӑншум посӑт тўңматӑс. 

Россия мўв шуши мир рәт ясңӑт о вән мирхот пўншум юпийн арсыр секцияйт рәпитты оңитсӑт. И тӑхийн рәт ясңӑт вәнтӑты вєр оӑңӑн путӑртсы.

Щӑта «Льыоравэтльан» («Ям хӑннєхә») нємпи Чукотка мўв оса тӑхи кәща нє Гульвайра Куценко ай тәс:

Тӑм ванӑн Ханты-Мансийской районӑн Согом кәртӑң ӑшкола 90 оӆ постӑс. Емӑңхӑтӆа ӆыв хўвн ӆэщӑтыйӆсӑт, мойң хуятӑт вохсӑт, арӑң-якӑң етнхот вєрсӑт, мойӆупсэт ӆәтсӑт. Па ай кєр тыӆӑщ 15-мит хӑтӆӑн мойң мир ӑшколая ӑктӑщты щи питсӑт. 

Етнхот 8-мит классӑн вәнӆтыйӆты эвеңӑн Татьяна Вахрушева па София Кубасова пўншсӑңӑн, ӆын хӑнты па рўщ ясӑңңӑнӑн вўща ясңӑт лупсӑңӑн па мойң мир єпӆӑң пӑсана вохсӑңӑн. Виктория Наумова, 9-мит клӑссӑн вәнӆтыйӆты эви, юхтум хуятӑта ӑшколайӆ ванӆтӑс.

Ёмвошн ай кєр тыӑщ 21-мит па 22-мит хӑтңӑнӑн арсыр мўвӑт эвӑт «Год языков коренных народов в России» нємуп вән мирхота учёной ёх, рәт ясңӑта няврємӑт вәнтӑты хуятӑт, сыр-сыр кәщайт юхтыйсӑт. Ар хӑннєхә ӑкмум тӑхийн иса мўвӑтн шуши мир рәт ясңӑт еы тәты вєрӑт оӑңӑн путӑртсӑт.  

«Организация Объединённых Наций» мўвтєӆ мир тӑхи 2019-мит оӆ шуши мир ясңӑт оӆа альсӑӆэ. Тӑмхӑтӆ мўв ӆуваттыйн ӆапӑт щурӑс арсыр ясӑң вәӆ, кашӑң кӑт ӆапӑтмитн и ясӑң хуӆт вәшӆ. Шуши мир ясңӑт, щит 96 процента иса ясңӑт эвӑӆт, тәп няӆ процента мўвтєӆ мир хӑннєхуятӑт щи ясңӑтн путӑртӆӑт. ЮНЕСКО щирн 90 процента иса ясңӑт эвӑӆт вәшты щир тӑйӆӑт. 

Ай кєр тыӑщ 15-мит хӑтӑн Ёмвошн КТЦ «Югра-Классик» нєм тӑйты  хот йитн округев мәш ямӑты тӑхи вән кәщайт па тохтурӑт нємасыя ыв кўтэн вән мирхота ӑктӑщийсӑт па путрємӑсӑт, муй щирн тӑм  юхи хӑщум 2018-мит он рәпитсӑт па муйсӑр вєрӑт еы па нәмӑсӑт ищиты ямсыева па тўңщирӑңа эщӑтты. 

Тӑм оӆ вән кєр тыӆӑщ 22-мит хӑтӆӑн «Титул» нємпи шуши мирӑта нётты тӑхи кәща ёх мирхот вєрӆӑт. Щӑта путӑртӆӑт, хутыса 2018-мит оӆ мӑр рәпитсӑт, муй арат вух аршӑка йис, муй арат шимӆа йис. Щӑӆта Ревизионной комиссия па кәщайт совет ёх йиӆпа пириты питӆӑт. 

Мирхот Ёмвошн 12 щосн оӆңитӆы тӑм адрес хўват: Ёмвош, Карла Маркса вош хўлы, 15-мит хот. Шимӆ хуят ки юхӑтӆ, мирхот Ас нопӑтты тыӆӑщ 23-мит хӑтӆӑн йиӆпа вєрӆы. 

Ай кєр тыӑщ 4-митн «Дух огня» нємуп кинайт вантӑты тӑхи кәща Сергей Соловьёв па Ёмвош округ – Югра ух нє Наталья Комарова щи ут вәтща лӑп тәхӑрсӑңӑн. Щит мӑнум апӑт Мўвтє па российской дебют нємуп утңӑнӑн кашӑң хӑрн нив кина вантӑсы, «Дебют – короткий метр» нємуп утн нивхущъяң йиуп кина вәс. Щи тумпи «Твоё кино» нємуп кӑсупсы мӑнӑс, ай кинайт па хурӑң вєр вәс.