Лӯпта тпос онтоловит хталт Ханты-Мансийск ӯст «Трум Маа» музей колнакт Татьяна Александровна Молданова мāньлат порат вāрум пормасанэ хосыт суссылтап вāрвес. Ты ханты ква ань 75 тāлэ твлыс. Тав пс йис вāрмалит щирыл учёный хтпаг лы. Сāв тāл Югорский университетыт нврамыт ханищтым рӯпиты. Ань ты суссылтап кāсалаӈкве ос таве намхталтыл янытлаӈкве сāв мāхум ёхталасыт. 

1987 тāлт, хунь «Трум Маа» музей ущты вāруӈкве патвес, Татьяна Александровна тот рӯпитас. Та порат ты музей Творчество кол нупыл хансым лыс. Тнт мāньлат н округув янытыл сосса мāхум лнэ мāнь пāвлытын ялантас. 
Ты вāрмаль ювле хуль­тум нотыт нёлсāт ос он­тырсāт тāлытт лыс. Тав сосса мир юн щнэ пс пормасыт акван-атыс ос музей колн тотсанэ. Н сосса маснутыт ос хо­рамыӈ хансат пслыс ос хумус сосса мāхум лгыт, ты урыл потрыт хансыс. Ань музей колнакт ты рӯпататэ урыл суссылтап щпитавес.
Музей кӯщай н Елена Федотова лāвыс:
– Пӯмащипа нāнан ты суссылтапын ёхтумын мāгыс. Мāн кāсыӈ хтпа щāг­тым ӯрилӯв. Музеюв вā­рим порат Татьяна Александровна сāв нт­мил вāрыс. Ань тав нёл­сāт нупыл ат тāлэ тв­лын кастыл мāн ты сус­сыл­тап щпитаслӯв. Мā­нь­лат āгит-пыгыт, хо­тьютыт этнографыг ха­нищ­тах­тгыт манос ущты ты вāр­маль хосыт рӯ­питаӈкве вылтахта­сыт, ты рӯ­пата вāрнэ урыл тыт тāра-паттуӈкве врмгыт. 

Татьяна Александров­на Молданова тох лāвыс:
– Ам мāньлатыг лмум порат акв мāт ат ӯнлы­сум. Рӯпата щирыл лын ӯн­лын мāнь пāвлытн, сāвыӈпā­лэ хт ханты мāхманув лгыт, тув вāтихал ялан­тасум. Ос āнумн таи сака тāрвитыӈ лыс, та порат мāвт мā-вй мāныл нх-виӈкве вылтавес. Ты хосыт мā-вит пāӈктуӈкве патвес. Сосса мир пс йис лнэ-хӯлнэ тланыл лаль сака с ат тотвсыт. Ты мāгыс ам сымум сака щāргыс. Тнт ты ам сосса лупса вāрмалит нх-вр­малтаӈкве кāсащасум.
Татьяна Александров­на хтал нглын рт л­нэ ханты мāхум кāсыӈ щемья палт ялантас. Н Аган , Юган  хосыт йис мāт лнэ сосса мāхум маснута­ныл, хорамыӈ хансаныл пслыс. Ты пслын хурит юн такви вāрсанэ. 

Тнт тав нпак хансум рн хум Юрий Кылевич Вэлла, ханты хум Еремей Данилович Айпин ос хн­таӈ мāньщи Эмиль Иванович Косполов ёт моторхāпыл йис мāн то­тыглавес. Ты хумыт та­вн нтсыт, матыр-āти хӯлтыгласыт. Тāн хосы­таныл мāньлат нкве сāв сосса хтпат ёт вāй­хатуӈкве патыс. Мā-вит тармыл мāхум хумус лгыт, тāн лупсаныл, лнэ-хӯлнэ вāрмаляныл, пуссын нпакн хассанэ. Тва хтпат тāнки пс пормасаныл музей колн майлысаныл. Лӈханыл тāрвитыӈ лыглас. Т­ванакт мотораныл сак­валāлыс, лмвоитн илям­тāлвсыт, ргыӈ хталт тох та яласасыт. Ань Татьяна Александровна ты пора мовиньтым но­мылматыглāлытэ. 
Тамле ты рнэ тлат Татьяна Александровна мāньлат порат вāрыс. Ётыл ты вāрмалянэ са­ка рмыгласыт. Мāн, ре­дакцият рӯпитан мāхум, Татьяна Александровна Молданова намхталтыл сымыӈыщ янытлылӯв! Пус кāт, пус лāгыл тавн лāвв!

Николай МЕРОВ