Тӯяг Нягань ӯст Ӯринква хтал лум порат акв ханты н ёт хнтхатыгласӯв. Тав наме Наталья Борисовна Есаулкова, āги парищ наме Рандымова, н Хāльӯст самын патыс, тот яныгмас. Āтятэ Хāльӯс район Тутлейм пāвылныл, оматэ ос Касум пāвылныл лг. Н мāнавн такви рӯпататэ урыл мощ потыртас.

Наталья Борисовна Хāльӯс школа āстламе юи-пāлт Санкт-Петербург ӯсн А.И. Герцен нампа институтн лаль ханищ­тахтуӈкве минас. Тот нврам ханищтан хтпаг ханищтахтас. Āстламе юи-пāлт тав Белоярский ӯст рӯпитаӈкве патыс. Матахмат тāл та ӯст лыс. Тот «Увас хурамат» – «Лӯимā хансат» нампа ёнгын колт йӣквнэ ос ргын хтпат ёт вāйха­туӈкве патыс. Тāн палта­ныл йӣквуӈкве ялантас.
Тувыл Наталья Бори­совна 2014 тāлт Нягань ӯсн вāнтлыс. Ань тот «Ря­бинка» нампа мāнь нв­рам ӯргалан колт рӯпиты. Ты коныпал н тот сосса мир наканыл лаль тоты. Нврамыт ханты ос мāнь­щи йӣквыт йӣквуӈкве ханищтыянэ.
Нкве Нягань ӯст «Югра лылыеп» организацият китхуйплов тāл кӯщаиг рӯпиты. Тувыл «Эвие» – «Āги» нампа сосса мāхум культура лаль тотнэ ор­ганизация пӯнсыс, тот кӯщаиг лы. Ӯст лнэ сосса мāхум ёт «Ӯринк­ва хтал», «Хӯл алыщлан хтал», «Рӯтыт хтал», «Щāнь лāтыӈ лаль тот­нэ хтал» ос «Мā яны­тыл сосса мирыт яныт­лан х­тал» акваг мӯйлгыт. 

Яныгпль тпос вāтыт хталт тāн Россият лнэ сосса мāхум ялпыӈ хтал мӯйлысыт. Та хтал сāв­сыр щāнь лāтӈыл потыр­тан мāхум тāнки ёнгын утаныл суссылтасыт ос ты урыл потыртасыт. 
Наталья Борисовна такви рӯпататэ кāсыӈ т­посн лаль хансым лы. Тӯяг «Эвие» организация хосыт технологический колледжит ханищтахтын āгит-пыгыт мāгыс лӯимā касыл щпитāлыс. Тāн сун ӯлтта поргысыт, тыньщаӈ пāхвтысыт, ёвтыл нл тā­ратасыт ос мт тла щи­рыл халанылт кассыт. Ты касылыт нврамыт тāнки раныл āрталасыт. Наталья Есаулкова лāвыс:
– Тыгыл лаль ты ка­сылн школат ханищ­тах­тын нврамыт с ввинь­таӈкве патыянум. Ань ам грант-олн винэ мāгыс яныг проект щпитгум. Ты олнытыл каснэ кол мāгыс рнэ утыт ёвтгум. Йӣквнэ ос ргын нвра­мыт мāгыс ханты ос мāнь­щи мир мас­ну­тыт с ргыт. Тувыл ргыт ищ­хӣпыӈ утын хаснэ ос нврамыт мāгыс сāвсыр ёнгын утыт вāрнэ мāгыс колнак щпитаӈкве ри. 
Наталья Борисовна Нягань ӯст «Нумсаӈ юн­татат» нампа номтыӈ ён­гилыт лаль тотым с кӯщаиг рӯпиты. Яныгнув āгит-пыгыт Āс-угорский мир ёнгытыл ёнгалтыянэ. Мāнь нврам колытн ос школатн с яланты, тот нв­рамыт с ханищтыя­нэ. Тав палтэ ханищтахтуӈ­кве тāнанылн сака пӯмащ, тув щāгтым ялантгыт. 
Н лāвме щирыл, са­кати, ты хосыт нврамыт ханты ос мāньщи мāхум урыл, тāн пс йис лупса­ныл мощ вāӈкве пат­гыт. Тав такви маныр вāг, та вāрмалин нвра­мыт ханищтыянэ. Тва­накт яныгпāла сосса хтпатн матарыл хӯлтыг­лаве. 
Ань нкве ханищтам нвраманэ кāсыӈ ялпыӈ хталытт йӣквгыт ос рггыт. Мāк тāн ты сосса мāхманув лнэ-хӯлнэ тлат мирн суссылтгыт. Наталья Борисовна йис вāрмалянув лаль тотнэ мāгыс яныг рӯпата вāри.

Николай МЕРОВ