Нуви сӑӊхум вошн тӑм ӆўӊӑн «мӑӊ кўрӑӊ вой» вән кев хурас пўншсы. Па щит пӑта тӑм хурас «Книга Рекордов России» тӑхия питӑс.

Тӑм ванӑн тӑм киника ух редактор хә, философс­кой наукайт кандидат хуят Станислав Коненко район кәща хәя Сергея Маненкова щи оӆӑӊӑн нємасыя сертификат нє­пек мойӆӑс. 

«мӑӊ кўрӑӊ вой» кев хурас кӑрщаттэӆ – 8,8 метра питӆ, оӊӑтӆаӆ – 4,5 метра, иса хўваттэӆ – 9,6 метра вәӆ. 
Тӑм кўрӑӊ вой карты эвӑӆт нюр ӆыӆӑӊа вєрман вәӆ, картыӆаӆ хӑтӆ ещаӆт ӑӆ щи сўртӆӑт. 
Шуши мир пӑта кўрӑӊ вой мӑӊ воя вәӆ. Ӆўв оӆӊӑӆн арсыр йис путрӑт па моньщӑт вәӆӆӑт па щи нумӑсн тӑм вой тӑта щи ӆоньщӑӆтӑсы.
Тӑм вєр «Инфраст­руктура для жизни» на­циональной проект щирн тывӑс. Тӑм вєр унтасн вошӑт ма ӆэщӑтӆыйт, ӆәӆн ӑӆ мира щӑта әмӑщ вәӆты ат вәс. Нуви сӑӊхум вошн ищи щит пӑта ар мосты вєр вєрсы па тәса вош хўлэт ӆэщӑтсыйт.  

Тӑм «мӑӊ кўрӑӊ вой» Денис па Альбина Коро­таевӊӑн, мӑта кӑтӊӑн Polyhead (Сергиев По­сад вош) тӑхи хущи рә­питӆӑӊӑн. Округевн вәӆты мирев сыры вантсӑт тӑм кӑтӊӑнӑн вєрум кев ху­расӑт. Щит Нуви сӑӊхум вошн Сэй Пан тӑхийн омсӑӆтум сыр-сыр айшӑк кев хурасӑт па Касум кәртӑн вєрум «Лўк ӆыв» кев хурас. 
Нуви сӑӊхум вош кә­щайт ӆыв вошеӆ ма ӆэ­щӑтты пӑта ар мосты па әмӑщ вєр вєрӆӑт.

Нуви сӑӊхум вош кәща хот айкеӆ
хӑнты ясӑӊа тулмащтӑс: Надежда Вах