Айкеԯӑт - Новости

Щиты учёной совет мирхот пурайн Ас-угорской научной институт кәща ӆӑӊкӑр нє Елена Косинцева лупӑс. Щит ван хӑтӆуп тыӆӑщ 2-митн вәс.

Тӑм оӆн Ас-угорской институт 30 оӆа йис, щирн мирхот пурайн кәща нє Виктория Сподина ай тәс: 

Ван хӑтӆуп тыӆӑщ 13-мит хӑтӆӑн хӑнты ясӑӊ ӆєрамтты тӑхи ёх онлайн щирн мирхот вєрӑнтсӑт. 

Кашӑӊ хӑннєхә вәна йитаӆн рәпата кӑншты оӆӊитӆ. Араӆ пєлӑк ёх ӆыв сахтэӆа кӑншӆӑт. Мӑта хӑннєхә рәпитты тӑхи ӑн вәйтӑс, ӆўв щи вєрӑт щира вәӆты ёх хуща щи мӑнӆ.

Ёмвошн А.В. Филипенко нємуп тӑӆ тәрумн кӑсты тӑхи хуща Россия биатлон кубок оӆӑӊ йит етшӑс. Щит Ас потты тыӆӑщн 23-мит хӑтӆӑн оӆӊитса па 29-мит хӑтӆӑн етшӑс.

Кӑсты тӑхийн оӆӑӊ йитн 98 кӑсты хӑн­нєхә 19 мўв сўӊ эвӑӆт хәхӑтӆясӑт, мєт оӆӑӊ ӆыв 10 верста хәхӑӆсӑт. Тӑм ёх пийн ӆух пӑнта айӆат ёх єтсӑт.
Икет кӑсум тӑхийн Вик­тор Плицев Ижевск вош эвӑӆт нух питӑс, ӆўв 25 ми­нута па 30,9 секунда хәх­ӆӑс.

Тӑм пўш Ас потты тыӆӑщ 23-мит хӑтӆӑн «Югра» нємпи айкеӆӑт ӑкӑтты тӑхийн мир ӑктӑщсӑт, щӑта Россия биатлон кӑсупсы оӆӑӊӑн путӑр мӑнӑс. Тыв Россия биатлонистӑт тӑхи ӆӑӊкӑр хә В. Мелихов, «ЮграМегаСпорт» кәща хә В. Радченко па ар пўш Россия кӑсупсыятн нух питыӆум хә С. Сучилов юхӑтсӑт.

Кӑсупсы кӑт йит щира вєрӆа, Ас потты ты­ӆӑщ 23-29-мит хӑтӆӑтн − щит и йит, па имухты кимӑт йитӆ ван хӑтӆуп тыӆӑщ 2-мит хӑтӆ вўша. Россия 20 мўв эвӑӆт 120 кєм хӑннєхә кӑсты питӆӑт.

Россия хон пєлӑк мўвев ӆуватн кашӑӊ 10 тӑӆ мӑр хӑннєхуятӑт мсыева нух хӑншӆыйт, ӆәӆн уша вєрты, муй арат па муй хурасуп арсыр мирӑт мўӊ хущева ин тӑм хӑтӆӑт вўшӑт вәнты вәӆӆӑт. Щи вуӆаӊ вєр пӑта ван хӑтӆуп тыӆӑщн ӆапӑтмит хӑтӑӆн 2019-мит оӆн №1608 закон щирн  Российской Федерация вән кәщайт щимӑщ йиӆуп поступсы ӆэщӑтсӑт, мӑта утн «Россия ӆуватн хӑннєхәйт 2020-мит оӆн нух хӑншты мосӆ».

Ёмвошн Ас потты тыӑщ 18-19-мит хӑтӆӊӑнӑн онлайн щирн наркотик такӆы вәӆты мирхота ёх ӑктӑщсӑт, иса тыв 1200 хӑннєхә юхӑтсӑт, щит мир пиӆа рәпитты ёх па щи вєрӑт щира вәӆты департаментӑт, иса 52 Россия мўв сўӊ эвӑӆт.

Тӑм мирхотн Югра ху­ща щи вєр туӊматты ёх ӑктӑщсӑт. Ӆыв щиреӆн, тӑм 10 оӆ мӑр мўӊ мўвевн щи вевтам вє­ра катӆӑсум ёх нӆ пўша шимӆа йис, 8000 вәс, ин 2000 хӑннє­хә. Югра мўвн вәӆты ко­мис­сия ёх Россия мўвевн мєт ма рәпитӆӑт.
Округ кәща ӆӑӊкӑр хә Алексей Шипилов лупӑс:

Россия хон пєлӑк мўвн вәӆты хӑннєхуятӑта закон щирн тынӆы-пєӆӆы «служба занятости» тӑхет унтасн тӑм йисн рәпата мущатты щир вєрсы. 

Рәпата хуятӑта хўв тӑ­хийн вәӆты электронной щирн кӑншты па рӑхӆ. 
Кашӑӊ хӑннєхәя ӆўвеӆа мосты вєр вәйтты пӑта, ӆыв кўтэӆн шуши мир хуятӑт па вәӆӆӑт, мсыева служба занятости тӑхия хӑншаньщты мосӆ.

Хӑнты мир кўтн щимӑщ ясӑӊ вәӆ: «Ӛш хўват шәшум па юхӆы кєрӑтум хуят уй ӑн шиваӆӑӆ». Щимӑщ ясӊӑтн округ кәща нє Наталья Комарова путӑртты оӆӊитӑс, хән округ депутатӑт еӆпийн ясӑӊ тәс, хутыса мӑнум оӆн правительства ёх рәпитсӑт. Щит Ас потты тыӆӑщ 25-мит хӑтӆӑн вәс.

Кәща нє ясӑӊӆаӆ щирн, хутыса интӑм кәща ёхӆўв округ мир пӑта рәпитӆӑт, ищиты еӆӆы рәпитты мосӆ, ӆәӆн мирев вәӆупсы машӑк ат йис, юхӆы кєрӑтты ӑн мосӆ.

Сӑм хӑрєм вўш эвӑӆт округев мӑӊхӑтӆ вўраӊӑн нынана хошум вўща ясӊӑт китӆум!

Хўв йис мӑр Югра мўвев тӑта вәӆты Ас-угорской мирӑт пӑта сорни мўва аӆьщӑсы. Тӑмхӑтӆ тӑта хӑнтэт па вухаӆят тумпи 60 арат арсыр мир вәӆ, ӆыв пӑтэӆа тӑм мўв ищи сорни мўва йис.