Айкеԯӑт - Новости

Сәрханӆ вош ӑӊкет, няврємӑт па ай тёпиет ӆавӑӆман па мӑӆтман тӑйты пәӆьницайн йиӆуп щирн ӆэщӑтум арсыр тынӑӊ па мосты щўӊкӑт вәӆӆӑт, щит компьютерной томограф, ультразвуковой сканер па па тӑм йис утӑт.

Щи пӑта мєт ай пуш­хие хән сырыя сєма питӆ, няврєм тохтурӑт ӑн пакӑнӆӑт, имухты йиӆуп щўӊкӑт ӆэщӑтӆӑт, ӆәӆн тёпие сорашак ма ат йис. Мєт м, хуты ин йиӆуп, тӑм йис щўӊкӑт унтасн веӆщи сєма питум няврємӑт сӑм мәшӆаӆ па па кӑшиӆаӆ оӆӑӊӑн уша павӑтты рӑхӆ.

Ас хӑӆты тыӆӑщн оӆӑӊ хӑтӆ вўш эвӑӆт мәшитум нєпек муй вўрн хӑншӆа па ёша мӑӆы, щи вєр па щира вєрты питӆа. Мәшитум нєпек нєпек хурасӑӆ щира ӆэщӑтӆа. Тәп итәх хӑннєхәйта ёша мӑты рӑхты питӆ. И пєлӑк, щит щи хӑннєхәйт, мӑта ёх закон щира кан вәӆупсэӆ хӑния тӑйты мосӆ, кимат ёх – щит хӑннєхәйт, мӑта утӑт госзащита хуща хӑншман тӑйӆайт.

Ёх мӑӆтӑты тӑхет тӑм хӑтӆ 100 % пӑкӆӑт карты щўӊкӑт мухты рәпитты па щи мухты мәшитум нє­пекӑт социальной стра­хования Фонд (ФСС) тӑ­хия китты. 

Фонд развития Югры нємуп тӑхийн тәнӆуп тыӆӑщ ветмит хӑтӆ вўш эвӑӆт тынӆы-пєӆӆы онлайн-программа щирн «Ма – Югра увӑс мўвев фермер» хот йит ӆэщӑтӆа. Щи йиӆпа пўншты тӑхийн округев хуятӑт, мӑта утӑт каш тӑйӆӑт, арсыр хотӑӊ войт єнмӑӆты щирӑта вәнӆтӑӆыйт.

2022-мит оӆн мўӊ хӑнты газетаев 65 оӆ постӑӆ. Мўӊ уша вєрты ӆӑӊхаӆўв, муй нын мўӊ нєпекев оӆӑӊӑн вәйтӆӑты. Тӑмхӑтӆ мўӊ кимит иньщӑсупсы хӑншӆўв (оӆӑӊ иньщӑсупсы – оӆӑӊ номерн вантаты). Юхӆы ясӑӊ тыв китаты:  khanty-yasang-65@mail.ru.

2. Мӑта оӆн, тыӆӑщн па хӑтӆӑн «Ленин пӑнт хўват» мєт оӆӑӊ нєпек єтӑс? 

2022-мит оӆ Ас хӑӆты тыӆӑщ вўш эвӑӆт пенсия муй па нётупсы вухӑт ӆэщӑтты пӑта интӑм ӑн мосӆ нємхуӆта ӊхты. Ин арсыр нётупсы вухӑт па мосты нєпекӑт пенсионной фонд хуща ӆўв саттэӆа ӆўӊӑтты па кантты питӆыйт.  

Мӑта вєрӑт пӑта нє­пекӑт па вухӑт ӆўв сат­тэӆа ӆэщӑтӆыйт:

Ван хӑтӆуп тыӑщ 21-22-мит хӑтӊӑнӑн Москва вошн Россия мўв ӆуваттыйн няврємӑт рәт па рўщ ясӊӑта вәнтӑты 40 хуят XV-мит вән кӑсупсыя ӑктӑщсӑт. Вәнӆтӑты вєрӑт тәты хӑннєхуятӑт кўтэӆн вєр хўват кӑссӑт. Тӑм ванӑн щи мирхот мўвтєӆ мир нємн пунсы. Вантэ, Россия мўв тумпийн кӑсупсыйн Белоруссия, Луганской па Донецкой Народной Республикайӊӑн, Казахстан мўвӑт эвӑӆт няврємӑт вәнӆтӑты ёх па вәсӑт. 

Ёмвошн ван хӑтӆуп тыӆӑщн 10-12-мит хӑтӆӑн 14-мит пўш Ищки икет па Ӆоньщ эвет ӑкумсӑт. Ӆыв Россия арсыр мўв сўӊӑт эвӑӆт юхӑтсӑт. Вошева иса 22 моньщ моньщты, моньщӑн вәӆты  ёх юхӑтсӑт.

Тӑм оӆн юхтум Ищки икет па Ӆоньщ эвет па щира мир пиӆа вәй­тантсӑт, ӆыв яксӑт па юнтсӑт.

Тӑм ванӑн «Югра» нємуп айкеӆӑт ӑкӑтты тӑхийн омбудсмена вәӆты нєӊӑт, щит хӑннєхә вәӆупсы щирӑт Югра ӆуватн ӆавӑӆты нє Наталья Стребкова, айӆат няврємӑт вәӆты-хоӆты хурасӑт ӆавӑӆты нє Людмила Низамова па ӆыв щиреӆн тынєсты-ӆәтӑсты хӑннєхәйт вєрӑт округев хўватн ӆавӑӆты нє Ирина Каск айкеӆ ӑкӑтты па хӑншты хуятӑт пиӆа мирхотн вәйтантыйӆсӑт, ӆыв рәпата вєрӆаӆ оӆӑӊӑн путӑртсӑт.  

Нын хўв вўш эвӑӆт па ин тӑмхӑтӆ вәнты округев иха пиӆтӑщум «Хӑнты ясӑӊ» хӑнтэт муй па «Луима сэрипос» вухаӆь газетайӊӑнӑн вәӆӆӑты, мсыева па тўӊщирӑӊа еӆӆы ӆыв мирӊӑӆаӆ пӑта рәпитӆӑты!

Вўща ясӑӊ нынана китӆум! м нумӑсн,  ешӑк ёх, йиӆуп оӆэв пос­тӑӆэв. Тәса, тўӊа путӑртаты, ӆәхӑс щирн вәӆаты. Ма ӆӑӊхаӆум, ин йиӆуп оӆн нын вєрӆан ат тывӆӑт, м пєӆа ат кєрӆӑӆӑт. Нын хот­ӆан тащн па ӆєтутн тє­ӆыева ат вәӆӆӑт. Ай няв­рємӑт ма ат єнумӆӑт, вєрӑӊ нєӊӑт хурамӑӊ пур­­мӑсӑт ма ат ёнтӆӑт. Веӆ­пӑсӆӑты хәйт м вой юхи ат тәӆӑт.  Тӑӆаӊ ёш, тӑӆаӊ кўр! Уяӊа-пищӑӊа вәӆаты!

Нуви сӑӊхум вош «Югра 
ӆыӆӊуптӑты» тӑхи кәща нє Ирина Фирсова