Айкеԯӑт - Новости

Ешӑк Ёмвошн па районӑн вәӆты ёх!
Югра округев «Центр занятости» тӑхи хуща вәӆты хӑннєхуятӑт тӑм  кўтн шєӊк ӆӑӊхаӆӑт, ӆәӆн рәпата ӑн тӑйты ёх ӆыв унтасэӆн ӆывеӆа государстваев эвӑӆт мосты вєр, рўщ ясӑӊ щирн, профессиональной ориентация, еӆӆы вәӆты хурасэӆн ат мущатсӑт.

Кашӑӊ щив юхӑтты хӑннєхә имухты уша вєрӆ, муйсӑр м рәпатайт тӑм хӑтӆӑтн округев рәпитты тӑхетн вәӆӆӑт па муй щирн щимӑщ вєрӑта еӆ­ӆы вәнӆтыйӆты рӑхӆ. 

Тӑм ванӑн Ёмвошн округ кәща нє Наталья Комарова мирхот вєрӑс, щӑта округ пра­вительства кәща ёх мосты вєрӑт оӆӑӊӑн путӑртсӑт. 

Мирхотн нєпекн ӆэ­щӑтсы, щӑта хӑнш­ман вәӆ, 2022-мит оӆн округ бюджет эвӑӆт ай вошӑтн вәӆты ӑшколайт вухн мӑӆыйт. Миюм ву­хӑт унтасн ӑшколаятн физкультура па спорт пӑта хӑрӑт омӑсты питӆыйт.

Тәнӆуп тыӆӑщ 21-мит хӑтӑӆн 2022-мит оӆн онлайн-трансляция щирн Россия мўв ӆуватн арсыр вән вошӑтн вәӆты немщӑт диктант нємасыя хӑншсӑт. 

Тӑм Мўвтєӆ мирӑт пӑта вєрум мӑӊхӑтӆ Юнеско тӑхи 1999-мит оӆн ӆэщӑтӑс, ӆәӆн мўӊ хон пєлкев хуща вәӆты сыр-сыр мирӑт ӆыв рәт ясӑӊӆаӆ муй культура щирӆаӆ мсыева еӆӆы тәсӑт па ӑн юрємӑсӑт.

Тәнӆуп тыӆӑщ 21-мит хӑтӆ – щит мўвтєӆ мир рәт ясӊӑт хӑтӆ. Щи мӑӊхӑтӆ 1999-мит оӆ вўш эвӑӆт постӑӆы.

Округ кәща нє Наталья Комарова тәнӆуп тыӆӑщ 18-мит хӑтӆӑн карты щўнк мухты ёх пиӆа вәйтантӑс, щит Россия мўв ӆуват йис вәӆупсы така тӑйты оӆ пӑта. Ӆўв путӑртӑс, муй м вєр мўң вєрсўв тӑм йис вєрӆўв ма ӆэщӑтты пӑта па муйсӑр нумсӑт еӆӆы тӑйӆўв.

Ван хӑтӆуп тыӆӑщн 2021-мит оӆн Пуӆӊавӑт вошн Россия ӆуваттыйн  вәӆты увӑс мирӑт айӆат хӑннєхәйт ӆыв кўтэӆн VII-мит Всероссийской вәйтантупсы ӆэщӑтыйӆсӑт па арсыр вєрӑт оӆӑӊӑн путрємӑсӑт. Щимӑщ вуӆаӊ мирхота юхи хӑщум оӆ сухантты кємн араттєӆн сот муӆтаскєм  хӑннєхә юхтыйӆсӑт. Щи айӆат хәйт-нєӊӑт араттєӆн Россия хон пєлкев   20-кєм шушия вәӆты увӑс мирӑт эвӑӆт вәсӑт па тӑӆаӊтєӆн 28-мит тӑхи  эвӑӆт тӑм вуӆаӊ мирхота ӑктӑщийӆсӑт. 

Кашӑӊ оӆ вотас тыӆӑщ 8-мит хӑтӆӑн учёной мир Россия мўв наука мӑңхӑтӆ постӑӆӑт. Тӑм мӑӊхӑтӆ Россия мув президент ики ӆэщӑтум поступсы щирн 1999-мит оӆ вўш эвӑӆт постӑты питсы. Югра мўвн ищиты м арат учёной ёх вәӆ па рәпитӆ. Ӆыв пӑтэӆа 30 оӆ юхӆы Ёмвошн Ас-угорской институт пўншсы.

Тӑм тӑхи 1991-мит оӆ Ас потты тыӆӑщ 28-мит хӑтӑӆн округев кә­щайтн нємасыя пўншсы, ӆәӆн наука щирн шуши мирӑт ясӊӑт, путрӑт, моньщӑт ма вәнӆтӑты, нух хӑншты па еӆӆы ищиты ӆавӑӆман тӑйты.

Ай павӑтты «Югра» нємуп хотн тәнӆуп тыӆӑщ хәӆмит хӑтӆӑн айкеӆ тӑйты ёх ӑктӑщсӑт па путӑртсӑт Россия ӆуваттыйн тӑм атум мәш пурайн кўтӆўвн нётӑсты вєрӑт оӆӑӊӑн, щит «Мўӊ ха» нємн пунум тӑхи. 

Тӑта «Гуманитарный Добровольческий корпус» тӑхия кәщая вәӆты нє С. Басова, «Центр гражданских и социальных инициатив Югры» тӑхи кәща хә Я. Са­мохвалов па мўӊ мўвевн вәӆты ВОД «Нётӑсты ёх – тохтўрӑт» Е. Черенкова вәсӑт па путӑртсӑт.

Тәнӆуп тыӆӑщ 6-мит хӑтӆ вўш эвӑӆт Югра хущи коронавирус мәшн юхтум хӑннєхәйт йиӆуп щирн лекщитты питсыйт. Щи оӆӑӊӑн мир тӑӆаӊа вәӆты вєрӑт тәты департамент кәща хә Алексей Добровольский Инстаграм хущи хӑншӑс.

Щи оӆӑӊӑн мирхот округ кәща нє Наталья Комарова тәс. Ищиты мирхотн фестиваль вице-президент ими Мария Зверева, няврємӑт пӑта ӆэщӑтты «Твоё кино» нємпи вєр тӑхи кәща нє Екатерина Бордачева вәсӑт.