Айкеԯӑт - Новости

Ван хӑтӆуп тыӆӑщ 10-митн Югра мўвев сєма питум хӑтӆ вўш эвӑӆт 90 оӆ постӑты питӆўв. Щит Ёмвош округевн вәӆты ёх па няврємӑт пӑта вән мӑӊхӑтӆ. Югра мўвев – хурамӑӊ, тащӑӊ мўвиев.

Щи мӑӊхӑтӆ пос­т­ӑты щира Игрим кәртӑн шәкащты па мәшӑӊ няврємӑт вәӆты центр хуща арсыр ванӆ­тупсэт, кӑсупсэт ӆэщӑт­ман вәсӑт. «Югра – ма мўвєм» нємпи хурӑӊ кина вантмев пийн эвет-пухӑт хӑнты, ву­хаӆь па юрн мирӑт йис вәӆупсы оӆӑӊӑн уша вєрсӑт.

АО «Рыбокомбинат Ханты-Мансийский» мўӊ округев па па мўв ӆуваттыйн нємӆ сащӆ. Єпӆӑӊ, м хўӆӑт вєрты па тыныты пӑта сащӆ. Тӑта рәпитты ёх мўӊ  юханӆўв  па ӆорӆўв хўӆӑт эвӑӆт сыр-сыр єпӆӑӊ ӆєтутӑт вєрӆӑт. Щи тумпи па щорас хўӆ тыв тәтьӆяӆы. Щорас хўӆ эвӑӆт ищи ӆєтут кавӑртӆӑт. 

Интернет хўват «Тохтур эвӑӆт иньщӑсӆум» нємпи вєр вантты рӑхӆ. Тӑм карты кеӆ кашӑӊ ӆапӑт хӑтӆ мӑр хәӆум пўш рәпитӆ:  понедельник, вторник па четверг.

Муй пӑта щимӑщ вєр ӆэщӑтӆы. Ӆәӆн округевн вәӆты кашӑӊ хуят сӑмӆ оӆӑӊӑн муӆты мосты ут уша ат вєрӑс. Тӑм вєр ван хӑтӆуп ты­ӆӑщ оӆӑӊмит хӑтӆӑн ты­вӑс.
 

2020-мит оӆ Ас потты тыӆӑщ 19-21-мит хӑтӆӑтн Уньюган вошӑӊ Е.Д. Айпин нємуп киникайт ӆўӊӑтты хотн «Ай­пинские чтения» нємпи II –мит науч­но-практической вәйтантупсы мӑнӑс. 

Ёмвошн вән тохтурӑт айкеӆ хӑншты ёх пиӆа вәйтантыйӆсӑт. Ӆыв ай павӑтсӑт, муй вўрн йиӆуп коронавирусной мәш эвӑӆт вакцина вєрты питӆа. 

Югра мўвн мир лек­щитты вєрӑт тәты кә­ща ики А. Доб­ровольский лупӑс: 

Тӑм ванӑн мўӊ редакцияев эвӑԯт округ мӑӆты вєрӑт тәты департамент кәща хә А.А. Добровольский коронавирус йиӆуп мәш оӆӑӊӑн иньщӑссўв. Щи департамент кәщайт юхӆы ясӑӊ китсӑт.

Интӑм округев хўват­­тыйн 39 283 хӑннєхә COVID-19 мәшн мә­шит­ӆӑт, ԯыв эвӑӆтэԯа шуши хуятӑт ищи вәӆԯӑт, тәп ин ӑн хӑншӆы, мӑта мир эвӑӆт мәшӑӊ хӑннєхә, щирн ӑн вәӆы, муйкєм арат хӑнты, вухаӆь па юрн мир кӑшит­ӆӑт.

Мўӊ Югра мўвевн тӑӆ тәрумн вєра ищки, ӆўӊӑн па вєра йиӊкеӊ, щит ӆорӑт, хәрӑт. Кев ёш ки ӑнтәм, машинайн ӊхты пищ иса ӑнтәм. Тӑм ӆорӑт муй па хәрӑт кўтн,  ай вошӑтн,  ай кәртӑтн йистєӆн ар мир  вәӆ.

Ас потты тыӆӑщ 19-мит хӑтӆӑн «Югра» нємпи айкеӆӑт ӑкӑтты хотн ви­део­конференция вәс. Департамент кәща нє Тереза Анатольевна Пономарева путӑртӑс, муйсӑр вєрӑт тӑм оӆ мӑр социальной вєрӑт тәты департамент ӆэщӑтӑс, муйсӑр вєрӑт па оӆн вєрты питӆӑт.

Ӆўӊ, сўс пурайн Нижневартовской районӑн ӆыв саттэӆа вєр тӑйты ёх ай кәртӑта мєт мосты ӆєтутӑт па пурмӑсӑт тәсӑт.

Нижневартовской рай­он агропро­мыш­­ленной вєрӑт тәты кәща нє Г.В. Власова лупӑс, ӆўӊ па сўс пурайн «Корлики» нємпи тӑхи ёх 429,8 тон­на арат мосты ӆєтут па пурмӑс Корлики, Сос­новой Бор, Ларьяк кәр­тӑта тәсӑт, щит эвӑӆт Кор­лики во­­ша 347,8 тон­на арат ԯє­тут па пурмӑс йиԯ.
 

Югра мўвев 90 оӆ мӑӊхӑтӆ постӑты еӆпийн, Ас потты тыӑщ 9-мит хӑтӑн округ мўв губернатор ими Наталья Комарова округев хўваттыйн айкеӑт эщӑтты ёх вәйтантупсыя ӑктыӑс, ән вошӑтн па кәртӑтн мир иньщӑсупсэта юхы ясңӑт лупты. 

Тӑм пўш кәща нєӊев пиӆа путӑр йиӆуп щирн, интернет хўват мӑнӑс. Вантэ, йиӆуп коронавирус мәш пу­райн онлайн щирн рә­питты питсўв, сыр-сыр мирхотӑт, вәйтан­туп­сэт, вәнӆтӑты хӑрӑт, ванӆтупсэт па па мосты вєрӑт интернет хўват ӆэщӑтӆыйт.