Шуши мирев культура - Культура обско-угорских народов

«Ӑңки, вaрах-вaрах. Ӑңки, вaрах-вaрах». Щимӑщ ясңиет кашӑң тови вун кер тыӑщ 7-мет хӑтӑн мўң хуўв. Ай прайн мўң вун ёхӑв щи хӑтэ авӑсэ. Етн аӑңшӑк и уўв, ун хӑэвӑт аӑңшӑк нх ат киӑмсўв па «вӑсы пшхӑт» яха ат ӑкӑтсӑав. Щит, вaнтэ, юнтапса. Щиты вертэвн вун хятӑвн ястӑаёв, амунтыки, врңайт эты васы пшхӑт йира вўўв, ун врңайн пшхӑт ўңӑн а эайт. Мўң нмсэвн, ям вер верўв. Вун ёхӑв кашӑң прайн вунта яңхсӑт па врңа нэңева ан шуп омсмтыясӑт па пойкщӑсӑт, ун еы па няврэмийа тумтака ат вусӑт.

Ай кєр тыӑщ 23-митн Сәрхан район Русскинская кәртӑн вўєң хуятӑт, вой-хў вепӑсӑты ёх кӑсупсыя Югра па Ямал мўвңӑн эвӑт щурӑскєм хуят мойңа юхтыйӆсӑт. Тӑм кӑсупсы Сәрхан районӑн 45-мит пўш эщӑты. Мєт оӑң пўш вўєң ёх емӑңхӑт Русскинская кәртӑн 1974-мит он постӑсы. Щи пура вўш эвӑт тӑм хурамӑң кӑсупсы Сәрхӑн па Ямал мўвңӑн вәты мира амӑт тә. 

Йис пура вўш эвӑӆт хӑнты мир вән кєр тыӆӑщ 7-мит хӑтӆӑн «Вурңа хӑтӆ» постӑӆӑт. Мир путӑртсӑт: «Вурңа юхтӑс, тови па няврєм тәс». Ин щи емӑңхӑтӆ пиӆа иса хӑнты мирева ям па хошум ясңӑт лупӆўв, ӆәӆн тӑм оӆн вурңа ар няврєм мирева ат тәс! 

Ин Валентина Швецова хӑншум вурңа оӆӑңӑн ар ӆўңтаты:

Питы вурңа, питы
Киньща питы нӑң.
Морты мўвен эвӑт
Нӑң юхтумӑн.
Вотӑн пуайн,
Ертӑн ертайн,
оньщӑн питайн, 
Ар шәк вантман
Нӑң кӑншаньщӑн.

«Тӑм мойупсы ма ай Ася эвиема па Алексей Анатольевич ащєма мойӑум. Эвием тӑмхӑт и о па и тыща йис. Упєм – Лидия Покачева, ищиты оӑңмит тӑхия питӑс. Тәп ащєм ӛрн мин тӑмхӑт кӑсты вєритсумн, вантэ, ўв ат-хӑт вўэт авӑман вәнт шушийн вә. Тӑм вуаң мойупсэт тәп ащев ӛрн хоумсумн», – щиты Сәрхан район эвӑт юхтум айат хә Виталий Русскин лупӑс. Вантэ, ўв тӑм о округ кӑсупсыйн иса вўԯєң ёх кўтн мєт яма кӑсты хәя йис. 

Хўв йис тєн Ас па аңа юханңӑн хонӑңӑн вәум хӑнтэт па вухаьт тӑн тыӑщ єнумты муй па тӑрумты пурайн нємасыя тыӑщ кєша поры эщӑтыйсӑт. 

Ай кєр тыӆӑщ 9-мит хӑтӆӑн Нуви сӑңхум район Касум вошн 80-мит пўш вўӆєң ёх кӑсупсы мӑнӑс. Щив районӑн вәӆты вўӆєң ёх, арсыр тӑхет эвӑӆт мойң хуятӑт ӑктӑщийӆсӑт.

Тәнуп тыӑщ оӑңмит хӑтӑн Ёмвошн пурмӑсӑт вєрты хот хущи «Нить. Символ. Человек. Нетканый текстиль» нємуп вантупсы пўншсы. Щит эщӑтсы, ән тӑм йисн аршӑк нє сэвты, тыйты па хӑншет вєрты ат вўянтсӑт. Тӑм вантупсыйн шуши мир, рўщ па сӑран имет тыянтум па сэвум пурмӑсӑт вантӑыйт. Па пўш ищимӑщ вантупсы вєры, тәп щӑта хурамӑтн ёнтум әмтутӑт па катра йис щирн вєрум сухӑт вантӑты питыйт.

2019-мит оӆ ООН хущи вәӆты Генеральной Ассамблея тӑхи Мўвтєӆ шуши мирӑт оӆа аӆьщӑсӆэ, ӆәӆн щит унтасн рәт ясӊӑт ӆавӑӆты. Щит вўраӊӑн арсыр мируп Федеральной агентства хущи нємасыя тӑхи вєрсы, хута ӆєрамтӆы, муйсӑр мирхотӑт па па вєрӑт Российской Федерация хўваттыйн тӑм пўш вєрӆыйт. Ёмвош округ – Юграйн ветъяӊ муӆтас мирхот, каш хӑр па па вєр ӆэщӑтӆы. Щи кўтн ай кєр тыӆӑщ 21-мит хӑтӑӆн Ёмвошн Россия хущи вәӆты шуши мир ясӊӑт оӆ пўншӆы.

Николай Анатольевич Тасьманов – Россия народной мастер нємуп хә, ўв вєртутӑң хуят па нәам арсыр хӑрӑтн вәя, хута пурмӑс вєры па вантӑы. Щи хә Касум эвӑт, ўв ар о «Нумсӑң ёх» па «Мань ускве» хущи няврємӑт пурмӑс вєрты па шуши мир юнтутӑтн юнтты вәнтӑ. Тәня «Югра многонациональная» нємуп мирхот вәум артӑн Обско-угорской институт хущи «Этноигротека – как одна из форм народной педагогики» нємуп путрупсы вәс. Щӑта Николай Анатольевич эвет па пухӑт вәнтӑты нєңӑта ай павтӑс хӑнты юнтутӑт оӑңӑн па ывеа вантӑс, муй щирн щитӑтн юнтты.  

Ван хӑтуп тыӑщ 26-митн округ народной творчества хотн хӑнты па вухаь якты щирӑта вәнтӑты нє Маргарита Рябова пиа вәйтантупсы вәс. Етнхот оңиттыйн Маргарита Фёдоровна Алика хинєңӑ пиа «Куренька» як яксӑңӑн. Щӑта ўв тӑм як оӑңӑн еша путӑртӑс. «Куренька» – щит нє як. Кашӑң хӑнты муй вухаь нє, вәншака муй па айата вә, ўв щирӑн тӑм як якӑ», – лупӑс М. Рябова.

Маргарита Фёдоровна айат пурай вўш эвӑт якты вєра катӑсӑс.