Хӑнты мир моньщӑт-путрӑт - хантыйские сказки, рассказы

Рытнә мӛнлӫӽ,  майәлтә мӛнлӫӽ,
Нюла йӛмӛн яӽлоӽнаты, 
Путытоӽа, вертӫӽӓти,
Маньлөӽ, лулпәнылөӽ,
Төт пуӽәлнә ҷӓӽилӓты.

Йӛка, йӛка, вәса, вәса,
Тӓрӛм вәсән мӛти.
Юхә тӫйнӛ тулы ватнә
Ӄоӄӄәпа сӓтьала-па сӫйӛн, ӛӈки.

Лӱкӛм, мӛннӛ номлы,
Йӛм кӧткӛн мӓнт тулӽән.
Юхә потәӽвәлт, мӫӽӫли-ӄәм кӛл,
Ватнә сӓтьвӛл ӛӈки кӛл.

Йӛка, йӛка, вәса, вәса,
Тӓрӛм вәсән мӛти.
Юхә тӫйнӛ тулы ватнә
Ӄоӄӄәпа сӓтьала-па сӫйӛн, ӛӈки.

Муй арат йиӊкие Асэв хўват еӆӆы пє­ӆа увӑс, муй арат тӑӆ-ӆўӊ пӑрӑс щи йис вўшӑт эвӑӆт, хән хурамӑӊ Ай Асэв питӑрн нуви сўмӑт хӑӊ вўрн Йис кәртые вәс па омсӑс. Щи тӑхийн катра пурайн Ай Ас ики ӆўв иимеӆ па шєӊк сӑ­мӑӊа тӑюм эвеӆ пиӆа вәӆупсыӆаӆ ӆэщӑтсӑт. 

Имеӊӑн-икеӊӑн ӆыв кўтэӆн иса ма па вещка­та вәсӊӑн. 
Мосӑӊ, ищиты тӑм хӑн­нєхуятӑт еӆӆы мсыева вәсӑт, тәп имуӆты ишӑн  ӆавӑртӑӊ вєрн юхӑтсыйт: иимеӆ мәшитты кєрӆӑс, еша вәс ӑнтәма йис.

Хӑнты ими Валентина Елисеевна Швецова (Ер­ны­хова) Ханты-Мансийской автономной округ сєма питум хӑтӆ пӑта Ёмвош вуӆаӊ вош оӆӑӊӑн йиӆуп ар хӑншӑс.  

Ёмвошиев

Ёмвошиев – мўӊ мўвиев,
Сӑма мосты мўӊ вошиев,
Ӆаӊаӆ кимӑӆ хурам мўвие,
Карӑщ рєпӑӊ хўв сӑӊхум.

Ёмвошиев, мўӊты
Вохе, вохе нӑӊ!
Аӆ юрєме, аӆ юрєме нӑӊ!
Нәмман тӑе, тӑе нӑӊ!

Имуӆты сўсн вәйт пє­лӑк Ай Ас питӑр хў­ватн вухсар ими тывет-тухет  ӑӆ ӊхӑӆ. Щиты ӊхтаӆ кўтн йиӊк хуща м вән паннє ики шиваӆӑӆ.    
Ӆўв пан питӑра навӑр­мӑс, паннє икен щиты иньщмӑсӆэ: 

Имуӆтыйн вәтща мўв авӑтн, вәтща щўӊ авӑтн ими хиӆы щащеӆ пиӆа йис вўшӑт эвӑӆт иха вәӆӆӑӊӑн-хоӆӆӑӊӑн. 

Щиты вәӆтэӆ-хоӆтэӆ кўтн щащеӆ ими ӆўвеӆа тӑмиты щи путӑртыйӆ:

 Нӑӊ, хиӆые, ӆєваса хўв тӑхия хотэн эвӑӆт аӆ ӊха! 

Щи ясӑӊӆаӆ ма лупм­аӆ пийн щащеӆ имийн сотпӑӊ кєшийн кантӆы па вәншъх эвӑӆт арсыр вәнт вой нёӆӑтн тәса вєрӆы, ӆёмъ­х эвӑӆт нёвӑщ ӛхӑӆн тўӊщирӑӊа мєнытӆы.

Тӑм ӆўӊ Сәрханӆ мўв Русскинская кәрта ңхмємн Тәрум юхан йис пурмӑсӑт ӆавӑӆман тӑйты хота ӆуӊтыйӆсум. Щи пурайн тӑта мўң мўвев-йиӊкев хўӑт, вәнт войт па тухӑң войт хурасӑт оӆюпн хӑншум «Сияние Севера» нємпи хурӑӊ ванӆтупсы пўншсы. Щӑта Айрат Гайнанов хӑншум хурӑт вәсӑт.

Кӱйнӛ мӛнлӛм,
Кӱй сихӛмлим.
Морәӄ кӓслӛм,
Нәмсама йӛмӛки!
Морәӄ, морәӄ,
Мӛӈ сӱӈӄӓлӫӽ!
Лӓӽӛлӽӓсӱӽ,
Йөӽәӽасөӽ.
Ӓр, ӓр тәӽилак,
Йӛмӛки пӓни йоӽпа 
мӛнлӫӽ.
Пары верлӫӽ,
Ӛйнӓм нюла йӛмин.
Морәӄ, морәӄ,
Мӛӈ сӱӈӄӓлӫӽ!
Лӓӽӛлӽӓсӱӽ,
Йөӽәӽасөӽ.
 

Вера Паньшина (Кунина)
 

Вӓл онтнә, воронтнә йӛ­вӛӽ вәлвәл. Ти йӛвӛӽ нӓӽийӛки. Кӫрӽәл пунә­ӈә­ки пӓни пунләл пәнсытә­ӈәки, уӽәл ӛԓԓӛки. Нӓӽи йӛвӛӽ ҷоӽәт оӽтынә ӛнтӛ вута. Ҷоӽта ыл ләӈамын лöӈкрийа йӛлилӛвӛл. 

Сигильетов Виталийна 
эрӽӛлтӛсы

Мәӈ Пӫӽ йөӽ пуӽәлнә ӛй ӛԓԓӛ пäни ӛйнäм йӛм вәлтә ӛсä-йӛӽсä вәлвәл. Тьи ӛсä-йӛӽсä äрки њӛӈи-ӄыйәт тәявәл. Лӛӽ äрки äр њӛӈи-ӄыйәт. Лӛӽ öӽитӛн тьа оӽәрки виԓԓä оӈҷәӽ, лӫӽ оӽәрәӄы. Сэркы пәӽ кӫӽ пӛ äйӛмкитӛм, лӫӽ ҷӛкӛ ӄоԓӛӈӛки. Әләвсы пәӽ, кӫтӛв пәӽәтән, виԓԓä пӓтӛм пӛӽтӛ паӽәԓӓли торумнә ӄәләс мөӽсәӈ сам лӓӽӛтвӓл. Эвтәки ӄунтә-пә ӛнтӛ ӄолӽалы, вутылы, лӫӽ мастә вэра номыӽсәӈәӄы. Ӛӈкӛтӛн љысәӽвәлмын äњитӛт Пөрсалы семӽәл виԓԓӓ өӈӽәӽ йӧӽӓс.

Виталий Сигильетов 

Еԯԯы путӑр. Оԯӑң путӑр газетаев 17-мит номерайн ԯўңтаты

Щӑӆта ин тон-тон име­ӊӑн-икеӊӑн рўть­щӑты ӆэ­щӑтыйӆсӑ­ӊӑн. Ӆын па китумтак ну­рыя уӆсӑӊӑн па щи мурта така иӆ вуюм­сыйӊӑн, хуты ӑн мут­шӑс­ӊӑн, муй щирн ата йис па еша вәӆ йиӆуп хӑтӆа питӑс. Вантэ-са, тәп кимит хӑтӆ кўтупн тон-тонӊӑн нух вєрӆӑӆӊӑн, нурыя омӑсӆӑӊӑн па ин иикеӆ имеӆа па щи путӑртыйӆ: