Округ Думайн рәпитты депутатӑт па ма эвӑӆтєма мўӊ няврємӑт вәнӆтӑты хуятӑта м вўща ясӑӊ кит­ӆўв. Ешӑк мирев, нын мӑӊхӑтӆӑн пиӆа!
Няврємӑт вәнӆтӑты хӑннєхәйт – щит рәпата киньща кӑрӑщ вєрӑтн вәӆты мирев. Тӑмӑщ рәпата пириюм ёхӆўва няврємӑт пєӆа вєра сӑмӑӊа вәӆты мосӆ. Ӆывеӆа кашӑӊ хӑтӆ няврєм нумсӑт тўӊматты мосӆ, йиӆпа єнумты мирев вәӆупсы тўӊ ӛш хўват кєрӑтты. Щи вєрӑтн па иса пўш така ӆоӆьты мосӆ.
Кашӑӊ хӑтӆ нын мєт мосты вєрӑт вєрӆӑты – нын мухтана няврємӑт ар хурасуп вєрӑт уша вєрӆӑт. Нын няврємӑт пиӆа мєт вана вәӆты ёх, кашӑӊ хӑтӆ нын пиӆана вәӆман па путӑртман ӆыв хӑннєхә вәӆупсы хуща вәӆты арсыр суртӑт уша вєрӆӑт па айкємн вәнӆӆӑт, муй вўрн ӆавӑрт суртӑт мухты вўншты па еӆӆы тӑӆаӊа ма хӑщты. Мӑта вәӆупсы ӛшӑт хўват няврємӑт еӆӆы шәшумӆӑт – щит ищи нын путӑртум ясӊӑт, щит нын кантум нумсӑт.
Кашӑӊ няврєма нын нётӆӑты ӛрӑӊа па нумсӑӊа йиты. Няврємӑт вәнӆтӑты ёха арсыр пищӑт тӑйты мосӆ: вәна вум хӑннєхә иты пӑӆ нумсӑт тӑйты, айӆат хуятӑт пиӆа ӆәхсӑӊа вәӆты, щӑӆта па мӑта няврєм нумсӑӆ шăкӑнты ки питӆ, щӑта па нумсӑӆ тўӊматты.
Нын кашӑӊ хӑтӆ мўӊева ванӆ­тӑӆӑты – айӆат ёх вәнӆтӑты вєр – щит вәнӆтӑты хӑннєхәйӆўв нумсӑт па ӆыв вєрты вєрӑт.  
Пәмӑщипа ясӑӊ лупӆум нынана, нын єнмӑӆтум па тӑмхӑтӆ вәна вум хуятӆўв пӑта. Ин щи ёхӆўв мў­вев-йиӊкев ӆавăӆман вәӆӆӑт, йис вәӆупсэт пєӆа кєрӆуман вәӆӆӑт. Тӑӆаӊа, ма вәӆаты, нын вәӆупсэӆн тўӊа ат мӑнӆӑт. Нын вәнӆтӑты няв­рємӆӑн ма ат вәнӆтыйӆӆӑт. Нын хотӆӑн ӆэщӑтман ат вәӆӆӑт, нын сӑмӆӑн амтум рўвн тәп ат хошиӆӑт. мӑӊхӑтӆ пиӆа!

Округ дума кәща хә Борис Хохряков 
Хӑнты ясӑӊа тулмащтӑс: Пётр Молданов