Россия мўв ӆуваттыйн вәнӆата вум хуятӑт нємасыя хӑтӆ постум вўраӊӑн мўӊ вән вўща ясӑӊ нынана китӆўв! Нын эӆтана так ӛр рўв йиӆ. 
Ар хуят нын кўтанӑн мўӊ Югра мўвевн така рәпитсӑт, ӆәӆн хурамӑӊа, ӛрӑӊа па тащӑӊа мўвев ат йис. 
Мєт шопӑӊ ӆӑӊхаӆум «серебрянной» нәпӑт во­лонтёрӑта пәмащипа ясӑӊ ястӑты – нын хошты вєр­ӆӑн, мутрайӆӑн нюр ӑн шаӆитман йиӆпа єнумты ай ёха мӑӆӆӑн.
Мўӊ Югра мўвевн ар вєрӆўв вәна пєлка вум хуя­тӑт кєши, ӆәӆн тўӊа-щирӑӊа, тумтака еӆӆы ат вәсӑт. Щит вўраӊӑн тӑта сыр-сыр мир вәӆупсы ӆэщӑтты прог­раммайт мсыева рәпитӆӑт. Ӆәӆн пәӆьницаятн кӑши-мәшӆаӆ мсыева ат мӑӆӆайт. Вәнӆат ёх нємасыя ӆэщӑтты тӑхета сӑмӑӊа ат ӊхӆӑт па щӑта сӑма мәстӑты пурмӑсӑт ат вєрӆӑт, ёнтӆӑт, тӑм йис компьютер вєрӑт  ат вәнӆтӑӆӑт.
Мўӊ ӆӑӊхаӆўв вәна вум хуятӆӑва тӑӆаӊ ёш па тӑӆаӊ кўр ястӑты! Кашӑӊ хӑтӆ ӆәӆн м нумӑсн ат вәсӑт! Хўв йис-нәпӑт вәӆаты!

Округ кәща хә Руслан Кухарук
Хӑнты ясӑӊа тулмащтӑс: Наталья Морозова