- Хантыйский
- Русский
Ими хиӆы па Вошӑӊ вәрт ики
(еӆӆы путӑр)
Ай эвеӆ лупӆ:
– Ими хиӆыйн ащєм щи веӆса. Ими хиӆы ма эвӑӆтєма хуӆта лэ мӑнӆ. Ма щӑха умлєп ова йиӆум, Ими хиӆы йиӊкӑӊ пєлӑк, вәнтӑӊ пєлӑк кєрӑттаӆн ай кукӑр сәные умлєп ова омсӑӆӆєм.
Кўтуп эвеӆ лупӆ:
– Ма щӑха Ими хиӆы йиӊкӑӊ пєлӑк кєрӑттаӆн, нӛрум кўтупн мәрха йиӆум. Ими хиӆы шәштаӆ са, щӑха шуваӆӑӆӆэ, муй мәрӑх сємия, ма юхи ӆавємӑӆєм. Юхи ӆавємӑтаӆ тӑхийн щӑта ӆәӆн щӑта яньщӆум.
Вән эвеӆ лупӆ:
– Ма щӑха Ими хиӆы йиӊкӑӊ пєлӑк, вәнтӑӊ пєлӑк кєрӑттаӆн, ма щӑха хӑр ёхума мӑнӆум, м юрн әхӆа йиӆум. Ёхумн Ими хиӆы шәштаӆ са әхӑӆ шуваӆӑӆ, муй м әхӆые. Әхӑӆ сиӊ лак ӆыпия ӆєӆтаӆ тӑхийн, щӑта ӆєӆєм, щӑта яньщӆєм.
Ин мєӊк ики эвиӆаӆн ӆэщитса, шависа.
Ими хиӆы щитӑӆн вәнта мӑнӑс. Вәнтӑн шәштаӆ са, йиӊк яньщты ӆӑӊхматӑс. Щиты хўӆт шәшиӆытаӆ кўтн умлєп овие вәйтӑс:
– Муй хӑншӑӊ ай кўкрые омӑсӆ.
Йиӊк умлєп эвӑӆт ӑмӑрмӑс, юхи щи яньщлэ, тӑм яньщӆэ, имуӆтыйн нумӑсн щи юхӑтса:
– Ин муӆхатӆ хӑщ па щи Мєӊк ики ай эвєм щи апӑрӆӑӆ.
Ин умлєп ов лӑп пәрӑнтсӑӆӆэ. Ин ай кўкӑр шўкӆы пәрӑнтсӑӆӆэ. Па щи мӑнӑс. Па мӑнӑс, мӑнӑс. Имуӆтыйн мәрӑх сємие вәйтӑс:
– Муй мәрӑх сємие. Юхи ки ӆавємӑӆєм.
Уӊӆа тәтаӆ са, нумӑсн щи юхӑтса:
– Ин муӆхатӆ мєӊк кўтуп эвєм ӆўв щи апӑрӆӑӆ.
Шўкӆы пәрӑнтсӑӆӆэ.
– Хәнты хӑнты хәйе йисӑӊ тәрумн тывты йирн тӑмӑщ атум аӆ вәӆ.
Па щи мӑнӑс, мӑнӑс. Ёхума юхтӑс. Карты әхӑӆ омӑсӆ. Ин карты әхӑӆ хущи мӑнӑс:
– Муй әхӆые, юхи ки тәӆєм, м щи.
Имуӆтыйн нумӑсн щи юхӑтса:
– Ин муӆхатӆ Мєӊк ики вән эвєм ӆўв пищӆаӆ щи.
Ай ӆаюм шәп аӆємӑс, әхӑӆ кўрӑт эвӑӆт щи сэвӑрӆ. Ин әхӆӑӆ имуӆтыйн щи ўвтӑс:
– Ананна, кўрӆам щи сэвӑрӆайт!
Щӑӆта шўкӆы сэвӑр-сӑӆӆэ, тәрма хоюм, мўва хоюм вән тўтн тӑхсӑӆэ. Иӆ мӑнум суӆтум иӆ ӑнт єсӑӆсӑӆӆэ, нух мӑнум суӆтум нух ӑнт єсӑӆсӑӆӆэ. Нухӆы йи суӆтум єсӆӑс:
– Хӑнты хә и йисӑӊ тәрум тывты йирн тӑмӑщ укщум тӑмӑщ вәрт аӆ тывӑӆ.
Ин Ими хиӆы Вошӑӊ вәрт ики хуща щи мӑнӑс. Вошӑӊ вәрт ики воша юхтӑс. Вошӑӊ вәрт ики тўтӆы хот кӑмщӑр хотн тӑйты ай эвеӆ ӆўвеӆа омсӑӆсӑӆӆэ. Щӑӆта атӆ поры яньщӆӑт, хӑтӆ поры яньщӆӑт. Хўв щуньсӑт, ван щуньсӑт, хуйн вәӆы. Щӑӆта Ими хиӆы лупӆ:
– Вошӑӊ вәрт ики упєм, эвен ӆэщӑтӆэн ки, ӆэщӑтэ, йиӊкєм нумӑсн, мўвєм нумӑсн питсаюм. Ма щи мӑнӆум. Эвен ӆэщӑтӆэн ки, ӆэщӑтэ!
Вошӑӊ вәрт ики лупӑӆ:
– Эвєм йи пўш щи лупсєм па аӆ ӆэщӑтӆєм.
Щи сонтумӑсӊӑн мӑнты. Вошӑӊ вәрт ики упӑӆ ӑктыйӆӆум питы вой, вўрты вой эвеӆ пиӆа ӆэщӑтсӑӆӆэ. Хураӊ анас кӑрӑтсӑӊӑн, щи мӑнты питсӑӊӑн. Хўв тӑхеӆ хўв мӑнсӑӊӑн, ван тӑхеӆ ван мӑнсӑӊӑн, хуйн вәӆы. Имуӆтыйн тўӊӊӑн ӆопасӊӑн ай хота юхӑтсӑӊӑн. Ими хиӆы анасӆ хори ӆаки матӑр, вои ӆаки матӑр щи вўӆытсӑӆӆэ. Щухал ова нух хәӊхӑс. Щащеӆ ими тўт сєм ӊки сўвӑӆ, ӆоньщи сўвӑӆ оӆӑӊӑн лӑп хәрӑтсӑӆэ.
Щащеӆ ими лупӆ:
– Йивӆап-ӑсӆап хиӆымн хӑйӆум тўт сємєм муя иӆта мӑнум шаӊўшпин лӑп хәрӑтса, муя нәмӑӆта мӑнум шаӊўшпин хәрӑтса.
– Щащєм ими, тўт сємен нӑӊ хиӆэнӑн хәрӑтса.
Нух ӆоӆюмтӑс, хиӆэӆ хущи хәхӑӆмӑс, хиӆэӆн шәӊхсӑсы, єтӑрӊӑн пӑӆӑӊӊӑн вўша аӆмийӆса. Иӆӆы кєримаӆн ухшам роспеӆ иӆта таӆӆийӆты ай эвия вмаӆ.
Ими хиӆы ӆўв хоӆумтыӆум питы войӆ, вўрты войӆ пӑнӑн ӆєӆсӑӆӆэ.
Щӑӆта тәканӆум хорӑӊ анас кӑрӑтӑс. ӊкӑӊ шәмӆӑп ар вошӆ хӑймаӆ пийн имуӆтыйн тыйӊ Ас тыйӆа юхтӑс. Щєп эвӑӆт мӑшӑк похӑл ӆуват нуви пўталы эӆӑтӑс, ух пӑт эӆты вўщкӑсӆэ:
– Хәнты хӑнты хәйе тәрум тывты йирӑӊ йир катӑӆман йирӑӊ ӆәӊха, поры катӑӆман порӑӊ ӆәӊха ки муӆӆаюм, ух пӑты эӆты вущкум нуви пўталєм тывум кев хота ат йиӆ.
Хәӆум пєлӑк хот сўӊӑӆ питы вой, вўрты вой тӑхӑрсӑӆӆэ. И еӆ щўньмӑтсӑт и еӆ хоӆмӑтсӑт. Щи щўняӆ хоӆӑн ин па вәӆӆӑт.
В. Штайниц киника эӆты вўюм моньщ
мосты щира ӆэщӑтӑс: Наталья Краснопеева
Ими хилы и Вошанг ворт ики (Продолжение сказки)
Младшая дочь говорит:
– Ими хилы отца моего убил. Никуда Ими хилы от меня не денется. Когда Ими хилы пойдёт обходить леса и реки, я пойду к проруби и поставлю у неё маленький берестяной ковшик.
Средняя дочь говорит:
– Когда Ими хилы будет обходить лесные просторы, я среди болота морошкой обернусь. Ими хилы будет проходить, увидит, ягоду морошку и подумает съесть её. А как съест, тут я его жизнь и выпью.
Старшая дочь говорит:
– Я, когда Ими хилы будет обходить лесные и водные просторы, пойду на лесную поляну редкого бора и обернусь ненецкими нартами. Будет Ими хилы проходить по лесной поляне и скажет, какие красивые сани. Как только сядет он на них, там я его и съем.
Дочери похоронили своего отца Менгк ики.
Ими хилы шёл по лесу, захотел попить и набрёл на прорубь.
– Какой красивый берестяной ковшик стоит.
Зачерпнул из проруби воды и уже хотел выпить воды, но вдруг подумал:
– Похоже, это младшая дочь Менгк ики старается.
Взял и затоптал прорубь вместе с берестяным ковшом. И дальше пошёл.
Шёл он, шёл и ягоду морошку увидел:
– Какая ягода, съем-ка я её!
Стал подносить ко рту, как вдруг ему пришла мысль:
– Это, наверное, средняя дочь Менгк ики старается.
И растоптал ягоду в крошки.
– Когда-нибудь в будущем, когда наступят времена рода хантыйских людей, такой гадости пусть никогда не будет.
И продолжил свой путь. Стал подходить к поляне в бору и вдруг видит железные сани стоят, подошёл к ним:
– Какие сани, домой повезу их.
И вдруг ему пришла мысль:
– Это же премудрость старшей дочери Менгк ики.
Схватил свой топорик и рубанул сани. И сани вскрикнули:
– Ай, ой–ой, ноги мои порубил!
Взял и изрубил сани в мелкую крошку. Разжёг костёр от земли до небес. Вниз летящую искру не пропустил, вверх летящую искру не пропустил. В будущем, когда наступят времена людей, такие гадостей, таких дел пусть не будет.
Ими хилы пошёл к Вошанг ворт ики. Пришёл в город Вошанг ворт ики.
Вошанг ворт ики свою младшую дочь в жёны ему отдал. Потом они днями пировали, ночами пировали. Долго ли коротко жили счастливо, кто знает?
Ими хилы говорит:
– Тесть мой, Вошанг ворт ики, собирай свою дочь. Мысли мои о моих землях, водах. Я поеду!
Вошанг ворт ики говорит ему:
– Дочь моя уже собрана.
Собрались и поехали. Ими хилы забрал с собой дорогие меха, приготовленные тестем Вошанг ворт ики. Долго ли ехали, коротко ли ехали, кто знает. Однажды к дому с замшелым лабазом приехали. Остановил Ими хилы свой многочисленный обоз. Залез на крышу через трубу чувала, чтобы посмотреть. Там кончиком ледяного посоха, кончиком снежного посоха загасил бабушкин огонёк.
Бабушка говорит:
– У, без рода, без племени, внучок мой, искру огонька моего погасил.
– Бабушка, искру твоего огонька твой внук погасил.
Тут она вскочила и побежала к внуку. Внук её так «пнул», что взлетела она высоко до самых облаков. А когда вернулась, её платок с рюшами волочился по полу – такой она маленькой девочкой стала.
Ими хилы свой обоз с дорогими мехами взял и поехал. Когда остались позади все города, то приехал он на верховье Оби. Из кармана вытащил комок размером с кулак и бросил через голову:
– Когда меня посадят хантыйским Торумом, над головой брошенный мной комок, пусть каменным городом станет.
С трёх сторон углы дома завесил красным зверем, чёрным зверем.
И до сих пор, наверное, там счастливо живут.
Сказку из фольклорного тома В. Штайница с финно-угорской транскрипции на современный алфавит для публикации в газете перевела на русский язык: Наталья Краснопеева.
Консультант при переводе сказки – кандидат исторических наук, Тимофей Алексеевич Молданов.
