Нуви сӑӊхум район Ваньщавӑт кәртӑн няврємӑт па пушхиет иты вәнӆтыйӆты оӆ­ӊитсӑт. Лыпӑт тыӆӑщ 1-мит хӑтӆӑн ӆыв ищи мӑӊхӑтӆ постӑсӑт.

Щит мєлӑк па хӑт­ӆӑӊ хӑтӆ вәс, няв­рємӑт хурамӑӊ ӑня лыптӑт пиӆа нхмулӑӊа ӑшколая юхӑтсӑт. Сыры иты оӆӊӑӆн ӆыв линейкая ӆоӆьсӑт. м вўща ясӑӊ няврємӑта, ӑшколайн рәпитты ёха па ӑӊкета-ащета Ваньщавӑт кәрт ӑшкола кәща хә Алексей Викторович Го­ликов лупăс. Ӆўв ясӑӊӆаӆ щирн, няврємӑт ма па тәса ат вәнӆтыйӆӆӑт, йиӆуп па мосты вєрӑт уша ат па­вӑт­ӆӑт. Оӆӑӊмит класса мӑн­ты пушхиет мєт м ясӑ­ӊӑн лупсыйт, ма вәнӆ­тыйӆты памӑтсыйт. 
Тӑм оӆн Ваньщавӑт кәр­тӑн нӆ пухие оӆӑӊ пўш ӑшколая юхтӑс, иха ки ӆўӊӑтты, ӑшколайн 14 няв­рєм вәнӆтыйӆ.

мӑӊхӑтӆ етшӑты пу­райн оӆӑӊмит класса мӑнты пухие Михаил Аб­рамов па мєт ма вәнӆ­тыйӆты эви Алёна Мол­данова ӆәӊханьщуп пиӆа ӊтая шәшсӑӊӑн.
Щӑӆта иса няврємиет вәнӆтӑты хуятӆаӆ пиӆа ӑш­кола хот йитӑт хўват мӑн­сӑт па ӆыв пӑтэӆа тӑм вәнӆтыйӆты оӆн оӆӑӊмит урок вәс. 

Мўӊ ӑшколаев – щит ай хоттєӆ ёх иты, мўӊ кўтэвн ма па ӆәхсӑӊа вәӆӆўв, йиӆуп вєрӑт оӆӊитӆўв па еӆӆы тәӆўв. Иса няврємиет пӑта тӑм оӆ ма па кєна ат мӑнӆ, йиӆуп нумсӑт, йиӆуп вєрӑт уша ат павӑтӆӑт!

Татьяна Молданова-Ользина хӑншум айкеӆ 
хӑнты ясӑӊа тулмащтӑс: Надежда Рагимова