Лыпӑт хойты тыӆӑщ 1-мит хӑтӆӑн Россия мўвев ӆуваттыйн иса ӑшколайтӑн няврє­мӑт иха ӑкӑтӆыйт. Ӆыв пӑтэӆа мӑӊхӑтӆ вєрӑнтӆы. 

Нуви сӑӊхум район Касум вош ӑшко­лайн пушхиет пӑта ищи мӑӊхӑтӆ вәс. Щӑта вошӑӊ кәща нє Алсу Хасимовна Назырова няврємӑта, вәнӆ­тӑты хуятӑта, ӑӊкета-ащета вўща ясӊӑт лупӑс:

- Тынӑӊ няврємӑт, айӆат ёх, няврємӑт вәнӆтӑты хуятӑт па ӑӊкет-ащет! Йиӆуп вәнӆтыйӆты оӆ пи­ӆа! Тӑмхӑтӆ мўӊ хуӆые­ва ӆӑӊхаӆўв, ӆәӆн вәнӆ­тыйӆты оӆ тәса, әмща па тўӊщирăӊа ат мӑнӑс, ӆәӆн нын нумӑсӆӑн па м вєрӆăн ат тывсӑт. Вән пәмащипа ясӊӑт няврємӑт вәнӆтӑты хуятӑта лупты ӆӑӊхаӆум. Вантэ, нын ӛрн, нын нумсэн унтасн мўӊ няврємӆўв нумсӑӊа па нєпекӑӊа йиӆӑт. Тӑмхӑтӆ мєт вуӆӑӊ хӑтӆ оӆӑӊмит класса мӑнум ай пушхиет пӑта, ӆыв мӑӊхӑтӆа ӑӊ­киӆаӆ-ащиӆаӆ пиӆа юхӑтсӑт. Ӆӑӊхаӆум, ӆәӆн кашӑӊ вәнӆтыйӆты хӑтӆ нынана тәс па м нумсӑт па әмӑщ вєрӑт ат мӑс!

Йиӆуп вәнӆтыйӆты оӆн Касум ӑшколая 13 пушхие оӆӑӊмит пўш партая омӑссӑт. Тӑм оӆн 135 айӆат ёх – щит мўӊ шуши няврємӆўв, 33 эвие па пухие Вўтвош, Тә­рум­ӆор па вәнт кәртӑт эвӑӆт тыв вәнӆтыйӆты юхӑт­сӑт. Мосӆ лупты, 10-11-мит классӊӑн няврємӑт тӑм пўш шимӆа йис, вантэ, няврємӑт ртьяӊмит класс етшуптумаӆ пийн воша колледжа вәнӆтыйӆты мӑнсӑт.

Тӑм хӑтӆ вән мӑӊхӑтӆ щи няврємӑт пӑта, хуйтат оӆӑӊмит класса мӑнсӑт. Ӆыв пӑтэӆа ар әмӑщ ванӆ­тупсэт, юнтупсэт кў­лупн, киника ӆўӊӑтты хотн вєрсыйт.
«Нумсӑӊ ёх» тӑхи ху­ща па арсыр ванӆтупсэт, вєрӑӊ тӑхет пўншсыйт. Йис пурмӑсӑт шавиты хотн рәпитты ёх, шуши мир община ёх иха ӑктӑщсӑт па мӑӊхӑтӆ ӆэщӑтсӑт. Тӑта няврємӑт па айӆат ёх ӑшколая мосты пурмӑсӑт ёшн вєрсӑт – хӑншты х пунты хушапӑт па па утӑт. 

Няврємӑт хәӆӑнтсӑт, муйсӑр м па мосты ӆєту­тӑт ӆєты па шай яньщты вәнӆтыйӆты пурайн мосӆ, ӆәӆн ӑн мәшитты па ма вәнӆтыйӆты.
Ольга Александровна Тарлина па «Вўӆы ӆавӑӆ­ты ёх» община хущи рә­питты хуятăт вєрӑӊ хӑр ӆэ­щӑтсӑт, щӑта тунты эвӑӆт хушапӑт вєрсӑт. Няврє­мӑт вәнӆтыйӆсӑт, муй вурн хӑншиет тунтыя пунты.
Павел Пяк ай пухӑт х эвӑӆт арсыр юнтутӑт па ай кєши нюхӑрты вәнӆтăс.
Денис па Татьяна Лю­бавинӊӑн па ӆын «Лю­кан» нємпи тӑхи ёх вє­рӑӊ хӑрн юхтум хуятăт нюки эвӑӆт пурмӑсӑт вєрты вәнӆтӑсӊӑн. Ӆын х эвӑӆт мосты пурмӑсӑт ӆэ­щӑт­сӑӊӑн, няврємӑта тәп хӑншты хн хӑншэт хӑнш­ты па олюпн нєрты мосӑс.  
Щи хӑтӆӑн няврємӑт па айӆат ёх арсыр әмӑщ йиӆуп вєрӑта вәнӆтыйӆсӑт, щӑӆта ӆыв ма рәпитмаӆ пӑта нємасыя шойтӑт ёша павӑтсӑт, па щи шойтӑтн ӑшколая мосты пурмӑсӑт ӆәтты пищ вәс, щит хӑншты нєпекӑт па хӑншты хӑт.
Тӑта уша павтум вєрӑт па митрайт хәнты пурайн, аӆпа, ӑшколайн па еӆӆы вәӆупсыйн мосты питӆӑт. 
Щимӑщ мӑӊхӑтӆ пата ӆэщӑтты ёха, няврємӑта, тыв юхтум хуятӑта вән пәмащипа лупӆўв! мӑӊ­хӑтӆ пиӆа, тынӑӊ ёх!  
Няврємиет, ӑӊкет-ащет, вәнӆтӑты нєӊиет! Йиӆуп вәнӆтыйӆты оӆ нынана тәп амӑт ат тәӆ!

Путӑр хӑншӑс:
Светлана Рандымова